Yaaya Siwintí kitamniti
Siwintí kitamniti
Yaaya ma ay jobookati Iisa Masi, ay gata appe ma ketepeyyica kitamne teete. Aattí pa, ga ketepeyye kadar ga Iisa ay Beneyti Mellayi ma aaye diiman. Beneyyi keeke pa, deero gimu gaa nuntiɗe aattine. Gaa gaaricca darjanti ma liyaawi tee ta gaari ku ajjibiti. Yaaya gemekke beneyyiŋgeetee Iisa maani. Aacco beneyyiŋgeetee kotti pa, ga Iisa beneyye gaa ga ay mappa me beraa hayaatane, o ga ay bahaarane ta dunuuniti, o ga ay burgo o ga ay maggu ka ɗayaŋ, o ga ay naɗaw o hayaatane, o ga ay botol o ga ay seene, o ga ay ettu ma weewa miici ku daana.
Yaaya pa, beneyyiy kulla gaartee Iisa meenco ta dessiti maa gu beneyyiɗe ma jobookeetee, o ma gaari maa gu baamiyya gu deeɗiya wirra unco taattuweyyo, o ma kee ka paapiti kuruwayi o ma ka naɗawti min muutti.
Aattí kitamniti teete, ga Yaaya garee kadar gu giimi ma gasakkaca hayaatane ma gakamma ɗa ta kaw ay ma dowwiy galbigeeco oko Iisa.
Currently Selected:
Yaaya Siwintí kitamniti: mmy
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.