लुआह 1
1
मिसर देशै इज़राईलीए बूरी दशा
1-5याकबा संघै ज़ुंण मिसर देशा लै आऐ तै, इज़राईले तिन्नां शोहरूए नाअं आसा ईंयां:
रूबेन, लेबी, शमौन, यहूदा,
इस्साकार, ज़बलून, बिन्यामीन,
दान, नप्ताली, गाद अर आशेर। #मूल. 46:8-27
युसुफ त गअ द मिसर देशै पैहलै ई एछी। याकबे आपणैं खिंबा दी ज़ुंण पैईदा हुऐ, तिंयां थिऐ सत्तर ज़ण्हैं।#शधा. 7:14
6तेखअ हुअ इहअ कि युसुफ अर तेऊए सोभ भरैर अर ज़ेतरै लोग तैहा पोस्ती दी थिऐ, तिंयां मूंऐं सोभै बारी-बारी आपणीं अमरा।#शधा. 7:15
7पर इज़राईले लुआदा रही आजू फुलदी-फल़दी लागी अर तिंयां रहै बलबान हंदै लागी। तिंयां हुऐ एतरै खास्सै कि तिन्नां करै भर्हुअ सारअ मिसर देश।#शधा. 7:17
8मिसर देशै बेठअ खास्सी साला बाद राज़गाद्दी दी राज़ करदअ आजू नऊंईं पोस्तीओ राज़अ, अर तेऊ राज़ै का निं युसुफे बारै थोघ आथी त।#शधा. 7:17,18
9तेऊ बोलअ आपणीं मिसर देशे परज़ा लै, “भाल़णीं दैआ! ईंयां इज़राईली मणछ हुऐ म्हारै देशै खास्सै, अर ईंयां च़ाल्लै हाम्हां का खास्सै बलबान हई।
10“ज़ै हाम्हैं इना संघै सोठी-समझ़ी बर्ताअ नांईं करे, ईंयां रहणैं इहै ई बढदै लागी। आजू ज़ै म्हारै देशा संघै कुंण दुशमण जुध करे, ईंयां सका दुशमणा संघै मिली करै हाम्हां मिसर देशा का बागै काढी।”#शधा. 7:19
11एता लै किअ तिन्नैं इहअ कि इज़राईली मणछा लै डाहै तिन्नैं बगारी लादणैं आल़ै मेट ताकि तिंयां तिन्नां लै बगार लादी-लादी करै दुख दैए। तेखअ बणाईं तिन्नैं मिसर देशे माहा राज़ै लै पितोम अर रामसेस#1:11 पितोम अर रामसेस अह आसा सिधअ इधी लिखअ द, असली दी अह ज़ैगा किधी आसा, एतो निं कोही का थोघै आथी नाओंए भढारा आल़ी नगरी।
12ज़िहै-ज़िहै तिंयां इज़राईली मणछा लै दुख दैंदै रहै लागी, तिहै-तिहै रहै इज़राईली बझ़दै अर सारै दी बस्सदै लागी। एता भाल़ी डरै तिंयां इज़राईली का।
13मिसर देशे लोगा पल़ी इज़राईली मणछा लै होर खास्सी हठ अर तिन्नें दैनी तिन्नां लै होर बी खास्सी बगार करनै।
14इज़राईलीओ ज़िऊंण किअ तिन्नैं होर बी कठण, तिंयां डाहै तिन्नैं माट्टे गारा अर ईंटा बणाऊंदै, खेचे कई रंगे कामां करदै लाई, ज़ुंण बी काम तिंयां इज़राईली मणछा लै दैआ तै तेता कराऊआ तै तिंयां खास्सअ बूरअ बर्ताअ करी। इहअ करै हुऐ इज़राईली खास्सै दुखी।
15मिसर देशे माहा राज़ै किअ इब्रानी मांझ़ै शिप्रा अर पूआ नाओंए दूई सुआऊई लै इहअ हुकम, 16“ज़ेभै तम्हैं इब्रानी बेटल़ी सूंणें दाह लागी दी भाल़े, तेभै ज़ै शोहरू होए, तेऊ पाऐ मारी अर ज़ै होए शोहरी, तैहा दैऐ ज़िऊंदी रहणैं।”
17पर तिंयां सुआऊई रहा ती परमेशरे डरा हेठै, अर तिन्नैं निं मिसर देशे राज़ैओ हुकम मनअ अर तिंयां दैआ ती शोहरू च़ुपच़ाप ज़िऊंदै रहणैं। 18मिसर देशे माहा राज़ै शादी तिंयां आप्पू सेटा लै संघा पुछ़अ तिन्नां का, “तम्हैं डाहै इज़राईली बेटल़ीए शोहरू ज़िऊंदै! इहअ किल्है किअ तम्हैं?”#शधा. 7:19
19तिन्नैं सुआऊई दैनअ मिसर देशे माहा राज़ै लै ज़बाब, “इब्रानी बेटल़ी निं मिसर देशे बेटल़ी ज़ेही आथी, तिंयां आसा एही छ़ल़ैघ कि सुआऊई पुजणैं का आजी जाआ तिंयां सूई।”
20-21परमेशरै किअ तिन्नां दूई सुआऊई संघै भलअ किल्हैकि तिन्नैं किअ परमेशरो अदर अर तिन्नां लै दैनी परमेशरै एही बर्गत कि तिन्नें हुई आजू आपणीं आद-लुआद।
इज़राईली मणछ रहै खास्सै हंदै लागी।
22तेखअ दैनअ मिसर देशे माहा राज़ै आपणैं लोगा लै इहअ हुकम कि ज़ेतरै बी इज़राईलीए#1:22 इज़राईलीए इब्रानी शोहरू आसा हुऐ दै तिन्नां पाआ नील नदी दी डबेऊई करै मारी अर शोहरी छ़ाडै सोभी ज़िऊंदी।#शधा. 7:19
Currently Selected:
लुआह 1: OSJ
ማድመቅ
ኮፒ
አወዳድር
ያጋሩ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
This work is licensed under Creative Commons Attribution-ShareAlike 4.0 License.
