ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

وَ بُطْرُسْ وَ الرُّسُلْ رَدَّوْا لَيَّهْ وَ قَالَوْا: «وَاجِبْ نِتَابُعُوا كَلَامْ اللّٰهْ وَ مَا كَلَامْ النَّاسْ.

وَ كُلَّ يَوْم، هُمَّنْ قَاعِدِينْ يِعَلُّمُوا النَّاسْ فِي بَيْت اللّٰهْ وَ فِي بُيُوتْهُمْ وَ قَاعِدِينْ يِبَلُّغُوا كَدَرْ عِيسَى بَسْ الْمَسِيحْ. وَ أَبَداً مَا وَقَفَوْا مِنَّهْ.

وَ بُطْرُسْ سَأَلَهْ وَ قَالْ: «يَا حَنَانِيَّا، مَالَكْ خَلَّيْت الشَّيْطَانْ يَلْعَبْ بِعَقْلَكْ؟ مَالَكْ كَدَبْت لِلرُّوحْ الْقُدُّوسْ وَ شِلْت لِنَفْسَكْ نُصّ تَمَنْ الزَّرَعْ؟ كَنْ أَوَّلْ مَا بِعْتَهْ، كُلَّ الزَّرَعْ دَا هَنَاكْ. وَ بَعَدْ بِعْتَهْ كُلَ، كَنْ دَوَّرْت تِشِيلْ كُلَّ الْقُرُسْ هُو هَنَاكْ حَلَالَكْ. مَالَا شِلْت نِيَّةْ لِتَكْدِبْ؟ بِمِثِلْ دَا، مَا كَدَبْت لِلنَّاسْ. إِنْتَ كَدَبْت لِلّٰهْ!» وَ وَكِتْ حَنَانِيَّا سِمِعْ الْكَلَامْ دَا، هُو وَقَعْ فِي تُرَابْ وَ مَاتْ. وَ الْخَوْف دَخَلْ لِكُلَّ النَّاسْ السِّمْعَوْا الْخَبَرْ دَا.

«وَ هَسَّعْ نُقُولْ لَيْكُو خَلُّوا مِنْكُو الرُّجَالْ دَوْل يَمْشُوا. أَشَانْ كَنْ فِكِرْهُمْ وَ عَمَلْهُمْ جَايِينْ مِنْ الْإِنْسَانْ، وِحَيْدَهْ بَسْ يَقِيفْ. وَ لَاكِنْ كَنْ كَلَامْهُمْ دَا جَايِ مِنْ اللّٰهْ، أَبَداً مَا تَقْدَرَوْا تِوَقُّفُوهُمْ. وَ تِشِيفُوا كَدَرْ إِنْتُو قَاعِدِينْ تِحَارُبُوا اللّٰهْ!» وَ نَاسْ الْمَجْلَسْ سِمْعَوْا كَلَامَهْ.