ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Изге Рух исә Үз җимешен үстерә: болар – мәхәббәт, шатлык, иминлек, сабырлык, игелеклелек, изгелек, тугрылык, басынкылык, тотнаклылык. Мондый сыйфатларга Канун каршы килә алмый.

Сезгә әйтәм: Рух кушканча яшәсәгез, тән нәфесләренә бирешмәссез.

Әгәр Рух безгә тормыш биргән икән, Рух кушканча гамәл кылырга тиешбез.

Ә Гайсә Мәсихнеке булганнар нәфесләрдән һәм азгын теләкләрдән гыйбарәт булган гөнаһлы табигатьләрен хачка кадаклап куйдылар.

Кешенең гөнаһлы табигатенә хас булган эшләр билгеледер: болар – фәхешлек, бозыклык, азгынлык, потка табыну, сихерчелек, дошманлык, ызгыш-талаш, хөсетлек, ярсучан булу, үз файдаңны кайгырту, низаглар, төркемнәргә бүлгәләнү, көнчелек, эчкечелек, котырынкы мәҗлесләр һәм шуңа охшаш гамәлләр. Инде, элек әйткәнемчә, сезне кабат кисәтәм: шундый юлга басучылар Аллаһы Патшалыгын мирас итеп алмас.

Имандашлар, сез иреккә чакырылдыгыз, әмма «без ирекле» дип тән нәфесләрен кайгыртып яшәмәгез, бер-берегезгә мәхәббәт белән хезмәт итегез.

Безнең табигатебез – Рух теләгән нәрсәләргә, Рух исә табигатебез теләкләренә каршы килә. Алар һаман бер-берсенә каршы чыгалар, нәтиҗәдә сез үзегез теләгәнчә гамәл кыла алмыйсыз.

Канунның бар асылы бер әмердә тупланган: «якыныңны үзеңне яраткан кебек ярат».

Дан-шәһрәт сөючеләр булмыйк, бер-беребезгә карата дорфаланмыйк, бер-беребездән көнләшмик.

Мәсих безне ирекле булсыннар дип азат итте, шулай булгач, нык торыгыз һәм яңадан коллык золымына төшмәгез.