ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Цилӓ халык крестӓлтмӹ годым Иисусат крестӓлтӹн, а ыдылмыжы годым пӹлгом пачылтын, кӓдӹлӓ кайшы кӓп доно Тӹдӹн вӹкӹ Святой Шӱлӹш вален. Пӹлгом гӹц юк шактен: «Тӹнь Мӹньӹн яратымы Эргем ылат, Тӹнь донет Мӹньӹн пуры кымылем!»

Но Иоанн цилӓлӓн келесен: «Мӹнь тӓмдӓм вӹд доно крестем, но мӹнь гӹцем Силанрак толеш. Мӹнь Тӹдӹн ялеш чимӹ хӓдӹржӹн кӓндӹрӓжӹм шӱтӓшӓт ам яры. Тӹдӹ тӓмдӓм Святой Шӱлӹш дӓ тыл доно крестӓш тӹнгӓлеш.

Сулыкым простьыктен, Йымы докы сӓрнӓлмӹлӓндӓ келшен толшы кӹцкӹм шачыктыда дӓ, ”Мӓмнӓн ӓтянӓ Авраам” манын, ӹшке кӧргӹштӹдӓ шанаш идӓ тӹнгӓл. Тӓлӓндӓ попем: Йымы теве ти кӱвлӓ гӹц Авраамын тетявлӓм ӹштен кердеш.

Ӹнде пушӓнгӹ тӹнгӹштӹ тавар йӓмдӹ киӓ: пуры кӹцкӹм ӹштӹдӹмӹ цилӓ пушӓнгӹм роат дӓ тылыш шуат».

Исаия пророкын шамакшым сирӹмӹ книгӓштӹ кыце келесӹмӹ, тенгеок ылын: «Пустыньышты саслышын юкшы шакта: Господьлан корным йӓмдӹлӹдӓ! Тӹдӹн ялгорныжым тӧрӹм ӹштӹдӓ: цилӓ карем мӱдӓлтшӹ, а кӱкшикӓ вӓр дӓ кырык изиэмӹштӹ, какляка корнывлӓ виӓнӹштӹ, лаксакан корнывлӓ тӧр лиштӹ – Йымын ытарымашыжым цилӓ ӹлӹшӹ ужеш».