ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ti c'alal yolel chac' ich'vo' ti Juane, ja'o tey ic'ot ti Jesuse, iyich' vo' uc; ti c'alal yolel tsc'opon Riox ti Jesuse, ijam li vinajele. Ti Ch'ul Espiritue iyaltal ta stojol ti Jesuse, co'ol xchi'uc paloma, ja'o oy much'u ic'opoj tal ta vinajel, ja' yech iyal chac li'i: —Vo'ot Jch'amalot, Jc'anojot tajmec, jun co'on avu'un ―x'utat ti Jesuse.

Li Juane ja' yech iyal chac li'i: «Li vo'one ja' no'ox chacac'be avich'ic vo'; Pero ta to xtal jun ti much'u más to tsots syu'el chac c'ucha'al li vo'one, ja' chayac'beic ti ch'ul Espiritue xchi'uc c'oc'. Yan li vo'one mi ja'uc sjitunbel yaq'uil xonob mu xi c'ot o.

Aq'uic ta ilel ta acuxlejalic ti mi ta melel cha sutic tal ta stojol ti Rioxe, pero mu me xavalic yech chac li'i: “¡Li vo'oticotique ja' smomoticotic ti Abrahame!”; mu me xa chiic, yu'un ta melel chacalbeic, ti Rioxe xu' tsc'atajes ta smom Abraham li tonetic li'i.

Ja' no'ox yech noxtoc, li eq'uele tombil xa yu'un ta xich' bojel xchi'uc yisim li te'etique. Scotol te'etic ti bu muc'bu lec li sate, ta xich' bojel loq'uel, ta xich' chiq'uel.»

Ja' ic'ot ti c'usi sts'ibaoj ti j'alc'op Isaiase: «Oy much'u ch-avetaj ta xocol balamil: “Chapanbeic sbe ti Cajvaltique; meltsanbeic junuc tuq'uil be. Nojesic scotol li stentejtic ti buy lomajtique, pasic ta pach'al scotol li vitsetique, tuq'uibtasic scotol ti bu xotajtic li bee, nojesic ti buy slomol pots'ole. Scotol crixchanoetic ta xilic li coltael tstactal ti Rioxe.”» Xi ono'ox ti Isaíase.