ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Musudzitriye hamu na itsokao yotsi, ɓadi hari mwa kula trongo, ha ĩɓada na mamilio v̄umoja na himida, namumujudze Mungu hadja zanyu.

Na v̄av̄o utrulivu wa Mungu uv̄iriao piya ziãkili, utsosalimisha roho zanyu na fikira zanyu hari mwa uv̄umoja wanyu na Kristi-Insa.

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

Kula trongo wami uishindra ha uv̄umoja wangu na uwo aniv̄ao nguvu.

Namufurahini daima hari mwa uv̄umoja wanyu na Raɓi. Nisurudi niirongowe, namufurahini!

Mwalangu Mungu atsomudjaãliani kula yamukoseani, ha utadjiri mutukufu wahe ha Kristi-Insa.

Iyo mwaisoma hangu, mwaipara, mwaikia tsena mwaiona, namuitriye ndziani. Na Mungu Monyewe utrulivu atsoka v̄umoja na wanyu.

Umakini wanyu naujulihane ha watru piya. Raɓi a kariɓu.

Nisujua uẽshi hari mwa ukosefu, tsena nisujua uẽshi hari mwa uzidifu. Hari mwa kula hali na kula v̄ahanu, tsifundriha ukura na ukana ndza, ukana nyengi na ukosewa.

Tsisurongoa zizo ha siɓaɓu ya ukosefu, mana tsifundriha ujiv̄iwa na ihali nilio.