ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Diuxi mai oropigan dukai aatabuayi tudu dai bhaiyoma kïïga bhai maaxkami dukai aatabuayi ïgai. Kïïga abïr ibuada ixdukatai ibuayi go gaa buaboitudadami xibhïakoga óídakami gïn ïmpaiditai ïgai.

Kïïga abïr gaaga ixdukatai oigïdada jaa dai soikïdagi. Dai biaka abïr ïrhiada naana maaxi gubukarhigai ix makïdï gïn maakai Diuxi Ibhïadï. Dïï gia bamioma abïr biaka ïrhiada gubukarhigai sai aagaiña aapimï ñoki ix makïdï Diuxiañdïrï imïi.

Dïï gia ix makïdï aagagi ñoki ix makïdï Diuxiañdïrï imïi ix makïdï jaa maatï kaïkagi aidï gia soikïi ïgai go gaa buaboitudadami. Kïïga gupurtudai ïgai buaboidaradï dai kïïga abïnakidi dai kïïga bhai ïrhiatudai ïpï.

Dïï gia ix makïdï todian dukai ñokadagi ïma maaxi ñokikïdï mai soikïi jaa. Ïgai mosïkaxi ïïgi gï bïïtarï buyiña go bhai ïrhiaragai ñokaitai podukai. Dïï gia ix makïdï aagagi ñoki ix makïdï Diuxiañdïrï imïi dai ix makïdï bïïxkatai maatï kaïkagi ïgai gia maakai ïmo bhai ïrhiaragai bïïxi go buaboitudadami.

Kïïga maatï aanï tudu sai biaka ïrhidi aapimï go naana maaxi gubukarhigai ix makïdï gïr maakai Diuxi Ibhïadï. Dïï gia gï agai ix bamioma biaka ïrhiadagi aapimï gubukarhigai saidi ibuadana ixtumaxi bamioma soikïdagi buaboidaradï go gaa buaboitudadami.