ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Oottottopeliwa akhale Muluku ni Atiithi a Apwiyaahu Yeesu Kristu, Atiithi a ikharari ni a opepesa wootheene. Owo onnipepesa mmahooxonimwahu mootheene, weera hiyo niwere waapepesa yaawo ari mmahooxoni ni opepesa naakhenlaahu wa Muluku.

Vano hiiho ntoko soohaawela sa Kristu sinnaattelaaya hiyo, hiihotho onnaattela opepesawahu niwoko na Kristu.

Mwa yeeyo hiyo asineenaahu naakhalano othoriheliwa okhwa, weera nihiiroromele asineenaahu, mene mwa Muluku onaavenyereriha akhwiiye.

Ti Muluku onnilipiha hiyo vamoha ni nyuwo mwa Kristu. Owo oonittikitthela, ni oniyaathenre eneneero enoonihera weera nri a Yoowo, ni onihenle Munepaawe mmirimanimwahu ntoko yoororomelihiwa ya yeeyo eneera ewe.

Hiyo naahaawihiwaka, iwo ori wa opepesiwawanyu ni ovuluxiwawanyu. Hiyo napepesiwa, ori wa opepesiwawanyu, ni iwo onoovahani opixa murima weera muvilele ohaawawene weiwo hiyo ninghaawaahu.