ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Mä maöraha o Petrus wamäke o hidal̄oko mabuturungu o taagaoka gënanga, ünanga wohawana deʼ muläenge iwilutu. ”Jou nohïriwo!” o Petrus wopöaka. O Yesus woma taiti wohidöakika Ai giama deʼ wïtagoko ünanga, deʼ wïtemo, ”Petrus, Petrus, ngona nënanga kuranga nongaku. Yadodoaho nohidodato Ngohino?”

Mä maöraha o Petrus wamäke o hidal̄oko mabuturungu o taagaoka gënanga, ünanga wohawana deʼ muläenge iwilutu. ”Jou nohïriwo!” o Petrus wopöaka.

Mä o Yesus gila-gila wohaluhu, ”Nima rïdi! Ngohi o Yesus. Uha nihawana!”

Ika de o Petrus wotemo, ”Nako Ngona igoungu o Yesus, nohi huloko ngohi taika tomä dagi o akere mal̄okuika.” O Yesus wohaluhu, ”Naino.” Hoʼ o Petrus o ngotiroka de wouti, womadagi o akere mal̄okuika, deʼ waika o Yesusika.

De o Yesus iwinöninïki yatilabuku iwihuba o Yesus. Onanga yotemo, ”Igoungu o Jou ganga ma Jou Madutu ai Ngohaka!”

”Ngaro uha önanga yoiki,” o Yesus wato, ”nginidika niahio l̄omo.” ”Ngomi duga-duga miaroti motoa deʼ o ngai hinoto o nawoko!” o Yesus iwinöninïki yohaluhu.

”Niaoino gënanga nenangino,” o Yesus wato. Ipaha Unanga wähuloko o nyawa yowöe-wöe gënanga yogogeruku o momo mal̄okuoka. Ika de wal̄ë o roti motoa deʼ manawoko o ngai hinoto gënanga, ika de womamataga o dihangil̄e deʼ wotemo sukur ma Jou Madutuika, iböto de gënanga Unanga wabëla-bëlaka o roti gënanga de ai giama deʼ wohi döaka iwinöninïkika la yahikodoku o nyawa yowöe-wöeika gënanga.

Onanga mata-mata yol̄omo hiädono yäpunuhu. Iböto de gënanga iwinöninïki o Yesus yatoomu o inomo maboloi gënanga; naga o karaja ngimoi de hinoto yaömanga.