ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Ihihihanga aha Talingiri, irö rehe-rehene aha Tao tohigilio, yanabo-nabo aha Tapakiti, ipopanyake aha Tahoouru; mä iboburere de ikua-kuata aha Tabinaha, hababu Ngohi o gogoana tadiai okia maoa-oa.

hokä womatengo o gogoana walingiri deʼ watoomu ai duba-duba imahikokabarihika daha enanga wapaliara. Enanga aha Tao tohigilio hagala o ngï enanga imahikokabarihokaika o wange mahohuhutuoka deʼ itotorou gënanga.

Ma Jou Duru woko Kurutil̄e wotemo, ”Ngohi mahirete aha Talingiri hagala Ahi duba deʼ enanga Tapaliara

Ngohi mahirete aha todadi o gogoana hagala Ahi duba de Ta sadia o ngï imahibatongo mangale enanga; Ngohi, o Jou Duru toko Kurutil̄e totemooka.

Igoungu, nginila Ahi duba matika Tohidö döa-döaka o inomo. Ngini ganga Ahi umati, deʼ Ngohi nia Jou Madutu. Ngohi, o Jou Duru toko Kurutil̄e totemoka.”

”Hei o nyawa nokokakaliua, nataaere o Israeloka manga kokoano, deʼ nohiädono okia Ngohi, o Jou Duru toko Kurutil̄e totemo onangika, ’Nibodito ngini, hei o Israel manga gogoana. Ngini duga-duga niapikiri nia diri mahirete maparalu, nia duba-dubaua ma diri maparalu.