ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Mmis n bnaḏem uȓa ḏ netta war d yusi ca ḥima axas xeḏmen yiwḏan; Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Ixzar ɣarsen Ƹisa inna-asen: "Iwḏan war zemmaren ca i manaya. Walakin Arebbi wah, izemmar i kuȓci."

Indeq-d Ƹisa inna-as: "Ruḥ, qa lʼiman nnec isgenfa-cek!" Ȓexddenni ibḏa itwaȓa iḏfar Ƹisa ḏeg ubriḏ.

Iḏen, min ismun Arebbi war ṯ isfarreq ca bnaḏem."

Ixzar ɣares Ƹisa yuḏef-as ɣar wuȓ nnes inna-as: "Qa ṯeqqim-ac ijjen n ȓḥajeṯ war t ṯeggiḏ ca." Inna-as: "Ruḥ zenz marra min ɣarek ḏ agȓa ṣeddeq-iṯ x ȓmusakin aɣarek yiȓi ȓkenz ḏeg ujenna, ȓexddenni araḥ-d cek ḏfar-ayi-d."

Inna-as Ƹisa: "Min ṯexseḏ aḏac ggeɣ?" Inna-as uḍarɣaȓ nni: "A Siḏi, qa nec xseɣ aḏ twaȓiɣ."

Walakin manayenni itxeṣṣa war itiȓi ca jarawem; Lla, wenni irezzun aḏ iḏweȓ ḏ ameqqran jarawem itxeṣṣa-yas aḏ yiȓi ḏ axeddam nwem.

Aqa tesȓam ȓḥaqq: Labud i bnaḏem aḏ yamen s ȓmulk n Arebbi mamc zzayes itamen uḥenjir amezyan. Meȓa lla, ataf bnaḏem nni ƹemmarṣ aḏ yaḏef ḏi ȓmulk n Arebbi."

Aṭṭas iy iǧan ḏ imezwura aḏ ḏewȓen ḏ ineggura; Yinni iy iǧan ḏ ineggura aḏ ḏewȓen ḏ imezwura."

Walakin zeg wami ṯebḏa ddunect Arebbi ixȓeq-d aryaz ḏ ṯemɣarṯ. S manayenni aryaz aḏ ismeḥ ḏi babas ḏ yemmas aḏ imun ak ṯemɣarṯ nnes, aḏ ḏewȓen s ṯnayen iḏsen ḏ ijjen. X manaya war tiȓin ca ḏ ṯnayen; Lla, aḏ iȓin ḏ ijjen.