ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Гьитӏихӏинаб божун тезе бегьулев чиясда кӏудиялъулги божилъи гьабизе бегьула. Гьитӏиналъулъ хӏилла-макру гьабурас кӏудиялъулъги рекӏкӏ гьабула.

Лъиданиги кӏоларо кӏиго бетӏергьанасе лагълъи гьабизе. Цояв гьесда рихина, цогидав вокьила. Яги цоясе гьес лагълъи ракӏбацӏцӏадго гьабила, цогидасе тӏаса-масаго гьабила. Гьедин нужедаги кӏвеларо Аллагьасеги дуниялалъул боцӏи-рикъзиялъеги лагълъи гьабизе.

Дуниялалъул рокъоб хачараб боцӏи-рикъзи божун тезе бегьуларел нужеде абадияб рукъалъул унго-унгояб хазинаялъул божилъи лъица гьабилеб? Чияр боцӏи божун тезе бегьуларел нужехъе, нужерабгоги лъица кьелеб?

Гьебмехалъ Ибрагьимица абун буго гьесда: «Мусахъги цогидал аварагзабазухъги гӏенеккуларел чагӏи хваралъуса вахъун вачӏарав чиясдаги божиларо», – ян.

Чӏужуги йиччан тун, цогидай ячаравщинав чи жиндирго йикӏарай чӏужуялда цеве мунагьалъукье ккола. Гьеб мунагьги зиналъун рикӏкӏуна. Росасдаса ятӏалъарай гӏадан ячарав чиги зиначи ккола.