ከ{{ምዕራፍ}} ታዋቂ የመጽሐፍ ቅዱስ ጥቅሶች

Ti itsi ijnko kjuaxikaon la tíha nchekꞌává chojni; a̱ndá ti itan jína mé nchechéhe̱ chojni.

Ti nkexro tjinkaon tsoxrenduéhe la tóxríhi̱n ti kjuaxrexinkaon jína; a̱ndá ti nkexro tjinkakonhña tsoxrenduéhe la éxi ijnko iko xi̱kaha.

Ti chojni chji̱ñé nixja la ncheníhi a̱sén iso chojni; La ti nixja ti chojni nohe la éxi ijnko xro̱a̱n tsito̱exín chojni jína.

Ti chojni lo̱nti̱ la ndáchro sin kixin ndoá ichꞌe sin, a̱ndá ti chojni nohe la tjinkaon chrókuihin ti kjuaxrexinkaon jína kuènté íso chojni.

Ti chojni lo̱nti̱ la tjoka tónínkaon; a̱ndá ti chojni nohe, la kjónté kꞌuándaxíhi̱n sin, la tónínkakonhña.

Ti chojnichjin jína la éxi ijnko corona chónta ti xìi; a̱ndá ti chojnichjin chontahya kjuasàya la éxi ijnko ichin tsíchrꞌenka chónta ti ntahueso.

Itꞌéni Díos la nínkakohen chꞌan ti chojni imá chꞌia, a̱ndá chéhe̱ chꞌan tꞌikon chꞌan ti chojni ichꞌe nkehe ndoá.

Ti chojni jína la jína tsítaón nti̱a tsjinki̱tsa kícho; a̱ndá nti̱e ti chojni jínahña la tjichròexín sin.

Ti nkehe nixja ti chojni chónta kjuasáye la xitjahya tsꞌitjáña, a̱ndá ti nkehe nixja ti nkexro xriko kjuachꞌia la tjoka tsꞌitjáña.