ከ{{ምዕራፍ}} ታዋቂ የመጽሐፍ ቅዱስ ጥቅሶች

Ti nkexro xrico ijnko chojni nohe la kja̱xin sin tsꞌitja sin; a̱ndá ti nkexro tꞌiton ti chojni lo̱nti̱ la kja̱xin sin tsjasóte sin.

Ti nkexro chji̱ñéhña nixja la tjue̱he a̱sén; a̱ndá ti chojni chji̱ñé nixja la jehó tsꞌitjáñaxín.

Ti chojni tjenduéhña xje̱en la tja̱ko̱xi̱n kixin tjue̱hya; a̱ndá ti nkexro tjue̱he ti xje̱en la tjenduéhe.

Ti nkehe chóhen chojni ndá xiteyáhya la ncheníhi a̱sén chojni; a̱ndá ti nkehe xiteyá la imá tso̱chèxin chojni.

Ti nkehe jína ichꞌe chojni la tjinki̱tsa kixin ijnko nti̱a jína tsꞌaji sin; a̱ndá ti nkehe jínahña ichꞌe ti sin tjasin ijie̱ la tsꞌitjáñaxín sin.

Ti chichaon tꞌáyéhe̱ ti chojni teé la tuénxín tjeje̱; a̱ndá ti chichaon tjacha ti chojni jína la tsinkákꞌánkí.

Ti chojni nchejié a̱sén la jehó xritjeyá kjuanínkaon; a̱ndá ti chojni titekaon ti kjuaxrexinkaon jína la chónta tso̱nohe sin jína.

Ti ó itsꞌen ti nkexro jína ndá tsíto̱he ti nkehe kꞌuéchónta la tsꞌáyéhe̱ ti xje̱en sin la ko ti ìnté sin; a̱ndá ti nkehe kuènté ti chojni tjasin ijie̱ la tsꞌáyéhe̱ ti chojni jína tjejó.

Ti ixjan jína nohe la titekaon ti nkehe kjua̱ko̱he̱ itꞌé; a̱ndá ti nkexro nchejié a̱sén la tjinkakonhña tsoxrenduéhe.

Ti nkexro tóxrìe̱nhña tsoxrenduéhe la tsochónta kjuatosuéhe̱ la ko tso̱nóa; a̱ndá ti nkexro titekaon ti ó xrenduéhe la tsꞌáyéhe̱ kjuasàya.