ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Kâo lač leh klei anei kơ diih, čiăng kơ diih dưi mâo klei êđăp ênang hlăm Kâo. Hlăm lăn ala diih srăng mâo klei knap mñai; ƀiădah dôk kjăp bĕ, Kâo dưi leh hŏng lăn ala.”

Tơdah Mngăt Myang klei sĭt nik truh, Ñu srăng atăt diih hlăm jih jang klei sĭt nik. Kyuadah Ñu amâo srăng blŭ hŏng klei kơhưm Ñu pô ôh, ƀiădah Ñu srăng blŭ jih klei Ñu hmư̆, leh anăn Ñu srăng hưn kơ diih klei srăng truh êdei.

Truh kơ ară anei diih ka akâo ôh sa klei hlăm anăn Kâo. Akâo bĕ, leh anăn diih srăng mă tŭ, čiăng kơ klei hơ̆k mơak diih srăng jing klă ênŭm.”

Wăt tơdah snăn Kâo hưn klei sĭt nik kơ diih: jing jăk hĭn kơ diih tơdah Kâo đuĕ wĭt. Kyuadah tơdah Kâo amâo đuĕ wĭt ôh, Pô Đru amâo srăng hriê kơ diih ôh. Ƀiădah tơdah Kâo wĭt, Kâo srăng tiŏ hriê Ñu kơ diih. Leh anăn tơdah Ñu truh, Ñu srăng kčŭt lăn ala kơ klei soh, kơ klei kpă ênô, leh anăn kơ klei phat kđi

Snăn mơh ară anei diih mâo klei ênguôt, ƀiădah Kâo srăng lŏ ƀuh diih, leh anăn ai tiê diih srăng hơ̆k mơak, leh anăn arăng amâo dưi mă ôh klei hơ̆k mơak anăn mơ̆ng diih. Ti hruê anăn diih amâo srăng lŏ êmuh Kâo sa mta klei ôh. Kâo lač kơ diih klei sĭt, ya klei diih akâo kơ Ama hlăm anăn Kâo, Ñu srăng brei kơ diih.

Kâo lač kơ ih klei sĭt, diih srăng hia leh anăn ênguôt, ƀiădah lăn ala srăng hơ̆k mơak. Diih srăng ênguôt, ƀiădah Aê Diê srăng mbliư̆ klei ênguôt diih jing klei hơ̆k mơak.