Tit 3
3
Kúsɔtɔ kuukɔ́si ku peétepí
1Pitékiti peétépí ɛ́ɛ́ pépiseli é pesúmbí maayɔ́ nɔ pɔkɔ́n, pɔɔpinɔ pɔ́, pápá petélímét ɛ́ɛ́ pɛ́ɛlɛ epú punyɛ́ peseé. 2Nutisikɛ́t mɔɔnd, nutiɔŋɔ́n kɔ́ ɔŋgɔmɔn, anupá é melie melie, nupá makánákana na mɔɔnd kitikit. 3Á kiákí ɛ́ɛ́ pasɔ́ kákásɔ́ tumapá kati meene, pisiliŋanɔ́, penyímén, piɔ́lí pí tulíkalíka na mayan, tusɔtɔn kí ifil, pakatɛ́, tuondo tufɛminɛn pasúɛ na pasúɛ. 4Maná aká Támbákɛ́ɛ Osóti waasɔ́ meétinyí ɔtɛ́m peseé ni iŋɔyɔ yɛɛyí ɛ́ pɛɛnd, 5Wetútúkun, kutimapá é meelíe mi indɛ́ndɛ́nɛ tu mɛɛ́lɛ, maná pumapá kɛ́ɛ́yɛ́ ɛ́ niɛ́n ɔsúkɛ, wɔtúɔk woond wetúpíen ɔ́kusɔ́t ku kɔ́sikɔ́siɛ ó moomb mí induén nɔ kusɔ́t ku kɔ́si Emfúnukufúúmɛ ekenye. 6Emfúnukufúúmɛ ukáanɛ, umeéséléméndí táásí kaásɔ é Yésus Kilíis Osótí waasɔ́, 7akáánɛ́ kɛ́ɛ́yɛ́ kɔ́ ɔtɛ́m peseé watúák indɛ́ndɛ́nɛ, tukanyi kutáŋapa kusɔ́t kú teeníík aná tuanyipa tupiondonyi ɔtɛ́m. 8Nukál nukáanɛ́ nyɛ no pipíondínyí ɔtɛ́m, yond yamba ɛ́ɛ́ ɔkɔ́l kisikɛl ó puónyi pukáánɛ́, ɛ́ɛ́ epé kitikit pányíáka pipíondinyí ɔtɛ́m píɔ́pɔ́ kitikit á Támbák, píeki ɛ́ɛ́ kuɛlɛ pinɔ́k pí melíe. Púpúnyɛ́ kinɔ́k ne peseé ɔkuɔkɔnɔkɔnɔ pɛɛnd. 9Maná ɔtiɔŋɔ́n é kupekenyipekenyi ku sɛ́kisɛkí, kupekenyí ɛ́ pisiɛ́n pí pesí pɔkúnɛ́ no pikotí, ɔ tiɔŋɔ́n á mɔ́ɔ manyi pifól. 10Ewú woóloné na nusalasala ɔ́ kiɔp, kúŋít wɔ́ kɔɔkɔk amámaná akálɛt kɛ́ɛ́yɛ́ káandɛ. 11Eémenyen ɛ́ɛ́ nunamá nú mɔɔnd nukáanɛ́ amaná ayap iŋilí yi indɛ́ndɛ́nɛ, unyi afalfal ɛɛ́pípɛnɛn wɔ́ muɛ́tí.
Imbíkélie
12Aká iŋaányíkutúmini Altenasɛ, kunyiánɛ́ɛ Tisíite, émi pukaaka pú kuɔsiwɔɔ́kini Nikopolosi. Kuukɔ́ yanyisɔ́mb ɛ́ɛ́ íŋetépuki kisikɛl kí puyo puukɔ́n. 13Kɔ́l kisikɛl kɛ́ ɛŋɛnd ú Sénas akaminɛ nɛɛyɛ́ na Apolós ɛ́ɛ́ pétisémén puandá. 14Pákúásɔ mɛ́síkɛ́nɛ́n kupionyitonyi kuɛlɛ pinɔ́k pí melíe kɔ́kɔ́pɔ, ɛ́ɛ́ pɔ́ɔkɔnɔkɔn pɔsúkɔsukɔ pɛkɛtɛpɛkɛt. Akáanɛ́ pekeényítinyenyi masamɔ mɔ́ɔp; 15Tite, epí kitikit pɛ́nyɛ́ naamɛ mékupikeliti. Píkélítí epí pɔ́tuɔyɔnɛ́ á kuátap, Támbák núpínúun peem.
Tans Gekies:
Tit 3: yav
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
© 2026, CABTAL