Iironga 14
14
ONTOPORUA 14.
Iironga ja Paulus na Barnabas mu Ikonium Listra na Derba. Otaa tshuna ku Antiokia.
1Otsho no motshirando Ikonium oja hi mosinagoga haajuda, nde j’uvica. Ongundu onene haajuda no haapagani oh’iteere.
2Ndere aajuda, mba inaa hiteera oja tsitsimike aapagani, je ja tsic’ondumbo naarongua.
3Omasiku ogendji oja kara mo manka. J’uvica nuufure nokuinekera Muene ngu a koreka eehapu doshenda he nomadidiriko niironga iinjengandunge, mbi a ronga nomake gauo.
4Nena aantu jomotshirando oja topokacana. Jamue oja gama kaajuda, jamue itshee ja gama kaapostoli.
5Ndere aapagani naajuda puamue naakuruntu jauo, sho ja arere tshiri oku j’epeka noku ja dipaga nomamanja,
6oje tshi dimburura nde taa h’onda po kiirando mbjoka joku Likaonia, nokutja oku Listra na Derbe, no keemkunda dehero rja jo. 7Oj’uvica ko evangelium.
8Mu Listra okua mua kaatumba omurumentu, a ri ke neenkondo momaguru, h’otsirema hera a varua, ina enda sigo okesiku ndio.
9Ohe nduno okua puakene keehapu da Paulus, ngu e mu deng’omesho nokua dimburura mu he ehiteero rjokuerudua.#14:9 Ehiteero nokuinekera Karunga orja arika tango, nge tatu kongo ekuaco rja Karunga.
10E mu rombuera neui rjopombanda a ti: “Cikama, ihuca momaguru gohe”. He okua cikama omucika, nde t’ende.
11Ndere aantu sho ja mona shoka Paulus a ninga, oj’igida muure ja popi meraka rjaalikaonia: “Ookarunga morupe ruaantu ja kurukira kusse!”
12Ongashi ja ruku Barnabas Jupiter. Paulus oje mu ruku Merkurius, oshoka a popi.#14:12 Jupiter na Merkurius omadina gookarunga jaapagani jonare. Jupiter okua ri meendunge daapagani omukuaniirua guiikarunga. Merkurius okua ri omutumua gue.
13Nena omupristeri gua Jupiter ngu a ri keesha dotshirando oku’eta kotsheero eendumetana neengara di da dingirua kumue, nde ta ara oku ja fikira omagano puamue nongundu haantu.
14Aapostoli Barnabas na Paulus sho je tshi uvu, oja tuura eenguuo dauo, nde taa matukire mokati kaantu, j’igida:
15Ja ti: “Jarumentu ne, otshike tamu ningi ngaano? Otatu mu uvicire, ne mu idirurure kiinima mbi kaji notshironga, ne mu je ku Karunga omunamuenjo, ngu a tshita eguru nevi nefuta natshishe tshomurjo.
16Monare oku’eca iiguana ajishe, j’ende eendjira dauo jene.#14:16 Okutuura eenguuo okua ri monare edidiriko rjonejo nenge rjuupongo.
17Ndere ka kara ouara ina oroka, oshoka okua gandja uuhanaua mbu ua zi meguru. A gandja ovura nomacimbo gerooro, nde t’uda eemuenjo detu iikurja nenjanju.”
18Sho ja popi eehapu da tja ngaaka, konjara okua ja njengua okukerera aantu kaa ja fikire omagano.
19Ndere aajuda jamue ja zi ku Antiokia no ku Ikonium. Oja tsitsimike aantu. Nena oj’umba Paulus omamanja je mu kokorora mo motshirando, ja ri je tshi a sa nare.
20Aarongua oje mu kondeke. Nena okua cikama nde ta hi motshirando. Mesiku rja nofu okua hi na Barnabas ku Derbe.
21Motshirando shono, sho kua j’uvica evangelium, jo kua ja ronga ojendji, oja tshuna ku Listra no ku Ikonium no ku Antiokia.
22Taa tsu omukumo eemuenjo daarongua, jo je ja kumagida ja diginine ehiteero, je ja dimburuca nokutja mondjira ndji tahi uka ku Karunga omu nuudigu oundji.
23Nomagarikano no nokuidirika iikurja oja turira aakuruntu momagongaro. Je ja gandja ku Muene, ngu je mu iteera.
24Oja tokora Pisidia je ja ku Pamfilia.
25Oj’uvica ohapu ha Muene mu Perge, jo taa hi ku Attalia.
26Hu ja ronda etembameja, nde taa hi ku Antiokia, okuza hoka kua ja perue oshenda ha Karunga, ja ronge otshironga shi ja guanica nena.
27Sho ja ciki ko nde taa gongere egongaro, oj’okorora iironga iinene mbi Karunga a ronga na jo, ongashi a hegururira aapagani otsheero tshehiteero.
28Oja menekera paarongua omasiku ogendji.
Omission Heklesia Ekatolika, 1951. Namibian Catholic Bishops Conference.