ฮิบลู 5
5
1เต้าๆ ต้ม ไซ เมี่ยน เซ เยียม หฒวัง เมี่ยน บุด๋ง กิ๊น ธ้วด ต้าย หย่า ออน นิ่น ตี๊ หฒวัง เมี่ยน ฟู-สู ทิน-ฮู่ง. นิ่น อ๋อย หฒุ เหว่ย หฒวัง เมี่ยน เญย ฒุ์ย ต้อ ฒี่ง เหญ่ย เหธา เหฒี่ย เญย กะน้าย ฝูง ปุน ทิน-ฮู่ง. 2เหว่ย หฒุ ต้ม ไซ เมี่ยน กั้น ม่าย เหฒีย ติ่ว เมา เญย, นิ่น ไฮ่ ส่วน เฮญี้ยว เญย เถง ไม้ ฮิ้ว เหธา ธะ-โป่ว โหฒว ต่อง เญย เมี่ยน. 3เหว่ย หฒุ นิ่น กั้น หย่า เมา, นิ่น อ๋อย หฒุ ต้อ กะน้าย มี่ง เหฒี่ย เหว่ย นิ่น กั้น เญย ฒุ์ย เหธา หฒวัง เมี่ยน เญย ฒุ์ย.#เลวี 9:7 4ไม้ ม่าย หาย เต้า ไฮ่ ท่าย กั้น โหฒว เก้า โฮล เจี๋ย เญย ต้ม ไซ เมี่ยน. เซ ทิน-ฮู่ง พ้าย นิ่น โหฒว ฮนั้ง พ้าย อาโลน นอ.#ธ้วด อียิบ 28:1
5ฟี่ ฮนั้ง เญย, กีตู่ หย่า ไม้ เฒ์ย ท่าย กั้น โหฒว ต้ม ไซ เมี่ยน, เซ ทิน-ฮู่ง พ้าย นิ่น โหฒว. ทิน-ฮู่ง บั๋ว นิ่น,
“เม่ย โหฒว เยีย เญย ตอน.
อี้ ฮนอย เยีย เป๋น เม่ย เญย เตีย.”#สีง ฑูง 2:7
6แอ๋ง ม่าย นอม ต๋อง นิ่น ก๊อง,
“เม่ย เหยียด ลิ์ว โหฒว ไซ เมี่ยน,
ฮนั้ง เมนคีเซเดก วั้ว หญู่ง ไซ เมี่ยน นอ.”#สีง ฑูง 110:4
7เยซู หธ่อ เยียม น้าย ป้าม เกน วั้ว หฒั่น, นิ่น เห่ว เจี๊ยน บุย, ม่าย ววม-เหมว่ย เหลี่ยว ธ้วด เญย โท้ ทิน-ฮู่ง, ต้ง ไฮ่ เหฌียว นิ่น, ปุน นิ่น ไม้ หฒุ ไต่ วั้ว เต้า. เหว่ย หฒุ นิ่น หล่ง เฮญี้ยว หมวัง ทิน-ฮู่ง, ทิน-ฮู่ง ฯฒฯ ไฮ์ นิ่น เต๋า เก๋า โท้ เญย หว่า.#มัดทาย 26:36-46; มาโค 14:32-42; ลูกา 22:39-46 8ไม้ กุ๊น เยซู โหฒว ทิน-ฮู่ง เญย ตอน, นิ่น หฒุ เสี่ยว เญย โค้ว หน่าน ปุน นิ่น โหะ หลิ่น หมวัง หว่า. 9ทิน-ฮู่ง ปุน นิ่น ตุ้น ยุ่น ลิ์ว, เยซู ฯฒฯ โหฒว กอน ปุน เหยียด ฒู้ง หมวัง ทิน-ฮู่ง เญย หว่า เญย เมี่ยน เหยียด ลิ์ว ตุ๊ เหฌียว. 10ทิน-ฮู่ง หย่า พ้าย นิ่น โหฒว ต้ม ไซ เมี่ยน ฮนั้ง เมนคีเซเดก วั้ว หญู่ง ไซ เมี่ยน นอ.
ไฝ ฟิม, ไม้ ตู๋ง ธ้วด เยซู
11เยีย บัว หธ่อ ม่าย หว่า ธั้ม เญย ก๊อง โหฒว ไซ เมี่ยน เญย เจ๊า มป่า อะ ตุ๊ ก๊อง เม่ง เหว่ย หฒุ เม่ย บัว เญย มน่อม ไม้ ฒ่าง หว่า. 12เถา อี้ หฒั่น เม่ย บัว ฒู้ง หอบ หฒุ โหฒว ฟิน-แซง, มป่า เม่ย บัว หธ่อ เฉียม หฒุ เมี่ยน แอ๋ง หฌาว ตะเยี้ยด คัง ทิน-ฮู่ง เญย โต์. เม่ย บัว หธ่อ เฉียม หฒุ ฮบ หญอ เญย, ไม้ ไฮ่ หญั่น หฮนาง.#1 โคลินโท 3:2 13หาย เต้า อ๋อย หฒุ ฮบ หญอ, วั้ว เต้า หธ่อ โหฒว กู้งว์า, ไม้ เม่ง แปะ โหฒว หอบ เญย เจ๊า. 14หฮนาง เซ เหว่ย ต้ม เมี่ยน หญั่น, ต้ง โหะ หลิ่น ลิ์ว ฯฒฯ ฮิ้ว ตุ๊ หาย หญู่ง เซ หลง เญย, หาย หญู่ง เซ หว่าย เญย, วั้ว เต๋ย เมี่ยน.
Tans Gekies:
ฮิบลู 5: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007