เอเสเคน 9
9
ปวัด เอ๊าะ เมี่ยน หฒุ ตี่ง ฒุ์ย
1 เฒี้ยว หูง เจี๊ยน เยีย เญย มน่อม เห่ว เฉีย บุย เญย ก๊อง, “เม่ย บัว เยียม ฒี่ง โหฒว ไต๋ ฒุ์ย-เมี่ยน เญย เมี่ยน, เก๊าะ-เมี่ยน เญย ปั์ว นั้น เจี๊ยน เหมียด เมี่ยน เญย จา-สี่ ต้าย ม่าะ!” 2ม่าย จุ๊ ล่าน เมี่ยน เยียม วั้ว เจี๋ย ปูง เญย แก้ง, เซ หูง ป๊ะ ปูง วั้ว เต้า แก้ง ต้าย. เก๊าะ-เมี่ยน นั้น เจี๊ยน ไต๋ เมี่ยน เญย จา-สี่. เยียม นิ่น บัว บุด๋ง ม่าย ล่าน เมี่ยน ฒุ เจี๊ยน ล่าม่า เดีย-หม่วน ต้อ เจี๊ยน เฟี้ย หฑั่ง เญย จา-สี่ ธิบ เจี๊ยน จ๊าย. นิ่น บัว เปียะ มี่ง โซ้ว เจี๊ยน ต้ง ซิ เหฒี่ย-ต้อง กะเฮลน.
3อิสะลาเอน เญย ทิน-ฮู่ง เญย ฌัง-หล่าง เล่ย ฆอย เคลูบิม, ต้ง นิ่น เญย ฌัง-หล่าง ฒิ่น ด่าง เยียม เญย ต๋อง, ฝาว มี่ง เถา หฒั่ง ทิน-ฮู่ง เญย เปย๊า เญย แก้ง ด่าง. เฒี้ยว เห่ว ฒุ เจี๊ยน ล่าม่า เดีย-หม่วน, ม่าย เฟี้ย หฑั่ง เญย จา-สี่ ฟับ เจี๊ยน ปั์ว-เซย-เดี๊ย วั้ว เต้า. 4เฒี้ยว ก๊อง บั๋ว นิ่น, “ธ้วด มี่ง ยั่ง ก๋อม เยลูซาเลม ฒี่ง. ม่าย เมี่ยน เท้า เฉีย-โดะ, เฑ่า เญี้ยม เหว่ย เยียม ฒี่ง กะญั์ว โหฒว เหยียด ฒู้ง กั้ม เฑี้ย เญย สี่ วั้ว เต๋ย. อ๋อย หฒุ มี่ง โหฒว จั๋ง-โห่ อัน เจี๊ยน เฑ่า เญี้ยม วั้ว เต๋ย เมี่ยน เญย ปย้อง.”#หล่าว ย่าง 7:3; 9:4; 14:1
5เยีย แอ๋ง ไฮ์ ทิน-ฮู่ง ก๊อง บั๋ว เหฒ่ง เหฌี่ย วั้ว เต๋ย, “กัน เจี๊ยน วั้ว ล่าน เมี่ยน มี่ง ก๋อม ฒี่ง เหฌี่ย ปั์ว ไต๋. เม่ย บัว เญย มฒีง หมั่ง ไม้ ตู๋ง ค้อ-ฟิ หย่า ไม้ ตู๋ง ค้อ-เลี่ยน. 6อ๋อย หฒุ ไต๋ มจั่ง ตอน ไม้ กุ๊น โก๋ หลุน, เซียะ-ตอน, ฝุเจว๊ย เหธา มเซียะ ตอน. มป่า ตะฟ่าน ม่าย จั๋ง-โห่ เญย เมี่ยน ไม้ ตู๋ง มัวะ. อ๋อย หฒุ เยียม เยีย เญย สีง ติ่น เจี์ย กอน ไต๋.” นิ่น บัว ฯฒฯ เหฌี่ย ปั์ว ไต๋ เยียม ทิน-ฮู่ง เญย เปย๊า เญย หฑะเฮมียน แหมง วั้ว เต๋ย เมี่ยน โก๋.
7 เฒี้ยว แอ๋ง ก๊อง บั๋ว นิ่น บัว, “เม่ย บัว ธ้วด มี่ง ม่าะ! โหฒว ปุน หฒั่ง ทิน-ฮู่ง เญย เปย๊า ม่าย หวุย. เฒาะ หฒุ ไต๋ ไต่ เญย เมี่ยน ดุย ปวั๊ง น้าย หลาด กะญั์ว.” นิ่น บัว ฯฒฯ ธ้วด มี่ง วั้ว ฒี่ง ไต๋ เมี่ยน. 8ต๋อย นิ่น บัว ไต๋ เญย เฒี่ยง โห่ เยีย กั้น เยียม วั้ว. เยีย ฯฒฯ พัวะ เหฌี่ย, เฮมียน เถา เดา, เห่ว เจี๊ยน ก๊อง, “เฒี้ยว ทิน-ฮู่ง อ้า! โค้ว อ๊ะ. เม่ย หฒะเก้ง อ๋อย ปุน เม่ย เญย กะเฉีย แป๊ด ธ้วด เหมียด เหฑ่ง เยียม เยลูซาเลม เหฒ่ง เหฌี่ย เญย อิสะลาเอน เมี่ยน ไฟ?”
9ทิน-ฮู่ง ก๊อง บั๋ว เยีย, “อิสะลาเอน เหธา ยูดา เญย เฒ้ย-ฟุน เญย ฒุ์ย หฒะเก้ง! โฮล ไห่. เต่ย-ปูง ม่าย ไต๋ เมี่ยน เหลี่ยว ธ้วด เญย ฑย้าม ปวั๊ง เหฑ่ง. ไม้ แป้ง ฟิม เญย สี่ หย่า ปวั๊ง เหฑ่ง ฒี่ง เหว่ย หฒุ นิ่น บัว ก๊อง, ‘เฒี้ยว เล่ย ฆอย น้าย นอม เต่ย-ปูง หมี่ อ๊ะ. เฒี้ยว หย่า ไม้ ปวัด อ๊ะ.’ 10เยีย กั้น แอ๊ะ, เยีย เญย มฒีง หมั่ง หย่า ไม้ ค้อ-เลี่ยน, ไม้ ค้อ-ฟิ นิ่น บัว. มป่า เยีย อ๋อย หฒิว นิ่น บัว โหฒว เญย วิ่น ปุน นิ่น บัว.”
11ฒุ ล่าม่า เดีย-หม่วน หย่า ม่าย เฟี้ย หฑั่ง เญย จา-สี่ ธิบ เจี๊ยน จ๊าย วั้ว ล่าน หฑวน ต้าย หย่า ก๊อง บั๋ว เฒี้ยว, “เยีย เอย เจี๊ยน เม่ย พ้าย เญย หว่า โหฒว ลิ์ว อ๊ะ.”
Tans Gekies:
เอเสเคน 9: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007