เอเฟโซ 4
4
สีง ลี่ง ปุน เมี่ยน หอบ ฟิม ต้ง เอ๋ย
1เยีย, เปาโล, เหว่ย เฒี้ยว เยซู หฒุ หววน เจี๊ยน โล่. เยีย ขวิน เม่ย บัว, เยียม เสย หฒั่ง อ๋อย หฒุ เยียม ผุย ทิน-ฮู่ง เห่ว เม่ย บัว ต้าย วั้ว หฒั่น, อ๋อย เม่ย บัว ฮนั้ง หาย นอ เยียม. 2อ๋อย หฒุ เยียม หม่าน สี่ เหญี่ยม กั้น โหฒว ไฝ, หล่ง ส่วน เฮญี้ยว, หล่ง หน่อย, โหฒว เฮญี้ยว ด๊าว ล่าน ฮนั้ม ล่าน.#โคโลสี 3:12-13 3อ๋อย หฒุ หล่ง เฮญี้ยว ล่าน เหธา ล่าน แป้ง ออน เญย เยียม เหว่ย เปว เจี๊ยน สีง ลี่ง เหธย ปุน หอบ ฟิม ต้ง เอ๋ย เญย เฮญี้ยว.
4ม่าย ดุ นอม ซิน หย่า ม่าย ดุ เต้า สีง ลี่ง, ฮนั้ง ทิน-ฮู่ง เห่ว เม่ย บัว ต้าย ม่าย ดุ หญู่ง ม่าย ลั่ม ฮนั้ม. 5ม่าย ดุ เต้า เฒี้ยว, ดุ หญู่ง โต์ เสียน, ม่าย ดุ หญู่ง ววม เญย เล์ย เจี๋ย. 6หย่า ม่าย ดุ เต้า ทิน-ฮู่ง, ต้ง หม่าน เมี่ยน เญย หฒั่ง เตี๋ย. นิ่น โหฒว หม่าน เมี่ยน เญย เฒี้ยว, หล่ง หม่าน เมี่ยน โหฒว เอย นิ่น เญย หฒะเอ๋ย, หย่า เยียม หม่าน เมี่ยน กะญั์ว.
7บัว เก๊าะ-เมี่ยน ตุ๊ เญย เอน เซ หฒิว กีตู่ กั้น ปุน ฆอย ฒี่ง เหญ่ย เก๊าะ-เมี่ยน. 8ฮนั้ง กีง-โซว เฟี้ย เจี๊ยน ก๊อง,
“นิ่น ฝาว ฮลัง เจี๋ย เญย ต๋อง วั้ว หฒั่น,
นิ่น ต้อ หฒุ ธ้าง เญย เมี่ยน ธั้ม กัน เจี๊ยน มี่ง,
หย่า ฝูง ฒี่ง เหญ่ย ปุน ป้าม เมี่ยน.”#สีง ฑูง 68:18
9“นิ่น ฝาว ฮลัง” วั้ว โจ๋ว หว่า เญย เอ๋ย เล์ย ฮนั้ง หาย นอ? เอ๋ย เล์ย เซ นิ่น เหฌี่ย เถา ป้าม เกน เก้า ไอ๊ เญย ต๋อง ด่าง. 10เหฌี่ย ต้าย วั้ว เต้า เซ ต้ง ฝาว กู้ หงว่าย ฒู้ง เก้า ฮลัง เจี๋ย หฒวัง ลู่ง เหว่ย เยียม ปวั๊ง หม่าน หมวด วั้ว เต้า. 11ต้ง น้าย เต้า ฝูง ฒี่ง เหญ่ย ปุน หม่าน เมี่ยน. ม่าย เต๋ย ตุ๊ ฒี่ง เหญ่ย โหฒว กง-โฒ่. ม่าย เต๋ย ตุ๊ โหฒว โต่ว หว่า เมี่ยน, ม่าย เต๋ย ตุ๊ โหฒว ฒุ่น คู้ เฝียน เญย เมี่ยน, ม่าย เต๋ย ตุ๊ โหฒว โก๋ว จิว-ปาง เญย เมี่ยน, ม่าย เต๋ย ตุ๊ โหฒว ฟิน-แซง. 12นิ่น ฮนั้ง น้าย นอ โหฒว เหว่ย หลิ่ว เล์ย เหฒียง ทิน-ฮู่ง เญย เมี่ยน โหฒว กีตู่ เญย กง เหว่ย เหธย เจี์ย กีตู่ เญย ซิน. 13ฒั้ว เถา บัว เหยียด ฒู้ง ต้ง ติ่ว เฮญี้ยว เสียน หลง, ฮิ้ว ทิน-ฮู่ง เญย ตอน, บัว ฯฒฯ เอย ลี่ง ว่วน เญย เจ๊า เป๋น ต้ม เมี่ยน, หย่า ตุ้น ยุ่น ฮนั้ง เหฑ่ง กีตู่.
14เถา วั้ว หฒั่น บัว ฯฒฯ ไม้ เฒ์ย ฝุเจว๊ย อ๊ะ. ไม้ หฒุ กู๊ ไกว๋ เญย เมี่ยน หฌาว น้าย หฌาว วั้ว ดั๊ว บัว ฮนั้ง หฒุ หฑยาว ป่วน มี่ง ป่วน ต้าย, เมี้ยด มี่ง เมี้ยด ต้าย นอ. นิ่น บัว หล่ง เบี๊ยน-เบ๋ว ไฟ หล่ง กู๊ ไกว๋ เญย สี่ ดั๊ว เมี่ยน กัน จ๊า โต์-เล์ย. 15ต๋าว หฑวน, บัว อ๋อย หฒุ หล่ง ฮนั้ม เมี่ยน เญย เฮญี้ยว ก๊อง เฒียน ฮนั้ง. บัว ฯฒฯ เอย ติ่วๆ เจ๊า โฮล ต้าย เป๋น ต้ม เมี่ยน ฮนั้ง กีตู่, ต้ง โหฒว มฆ้อง#4:15 ไฟ เปย๊ย. วั้ว เต้า. 16กีตู่ กุ๊น เจี๊ยน ซิน หฒั่ง เญย หญู่งๆ, ปุน ซิน ต๋าว ตุ๊ หอบ, เหยียด หฮลัม เหยียด หฮลัม ปั่ง ญัด ต๋าว เจี๊ยน ฯฒฯ กั๊บ เจี๊ยน เป๋น เหยียด นอม ซิน. ซิน หฒั่ง เญย หญู่งๆ โหฒว หอบ นิ่น กั้น เญย กง วั้ว หฒั่น, ล่าน ฯฒฯ ฮนั้ม ล่าน, ซิน หย่า หมั่นๆ โฮล, เหธย กั้น เจี์ย ต้าย.#โคโลสี 2:19
เสียน กีตู่ ตุ๊ ต้าย เญย เซียง-แหม่ง
17เหว่ย น้าย เยีย เต๊ง เฒี้ยว เยซู เญย บั๋ว ขวิน เม่ย บัว, ยั่ง น้าย เจี๋ย ไม้ ตู๋ง เยียม ฮนั้ง ไม้ เสียน เญย เมี่ยน#4:17 กีก หว่า ก๊อง จั๋น. เอ๋ย เล์ย เซ ไม้ แก้ง เสียน เยซู วั้ว เต๋ย. เยียม วั้ว นอ. นิ่น บัว ฮนั้ม เญย สี่ ไม้ ลั่ม หล่ง. 18นิ่น บัว เญย เฮญี้ยว หฮมวัง, ไม้ เม่ง แปะ ทิน-ฮู่ง เหธย ปุน เญย แหม่ง หย่า ไม้ ม่าย นิ่น บัว เญย ป่วน เหว่ย หฒุ นิ่น บัว เญย เฮญี้ยว แหง่ง ไห่ ฯฒฯ หฮงง หมี่ อ๊ะ. 19นิ่น บัว เฮมียน-เป้ย โฮ์, ไม้ ฮิ้ว ตุ๊ ไญ้, เซว่ย ปิ่น เอย กั้น เญย เฮญี้ยว หั่น โหฒว หญู่งๆ ไม้ ธีง-เหฑ่ง เญย สี่.
20มป่า เม่ย บัว หฒวด กีตู่ เญย หญู่ง เซ ไม้ เฒ์ย ฮนั้ง หน่าย. 21เม่ย บัว ด่ง หาย ฒู้ง ไฮ์ ก๊อง เจี๋ย นิ่น เญย เจ๊า-โหล่ว หย่า กัน นิ่น ฯฒฯ โหะ เจี๋ย นิ่น หฌาว เญย เฒียน เล์ย. 22อ๋อย หฒุ กวั่ง ฆอย#4:22 กวั่ง ฆอย กีก หว่า ก๊อง ไจ๊ ฆอย. กั้น เญย โล์-แหม่ง,#โคโลสี 3:9 ต้ง ปุน เม่ย บัว เยียม ฮนั้ง ฒิ่น ด่าง เม่ย บัว เยียม วั้ว หญู่ง โล์-แหม่ง. เม่ย บัว เญย โล์-แหม่ง หฒุ ดั๊ว เอย กั้น เญย เฮญี้ยว หั่น โหฒว, หมั่นๆ ฯฒฯ หว่าย เหฑ่ง หมี่ อ๊ะ. 23อ๋อย หฒุ ปุน ทิน-ฮู่ง ก๊อย เม่ย บัว เญย เฮญี้ยว, เหยี่ยน เม่ย บัว เญย เอ๋ย, เป๋น เซียง เญย ต้าย. 24หย่า อ๋อย หฒุ ตุ๊#4:24 ตุ๊ วั้ว โจ๋ว หว่า, กีก หว่า ก๊อง ฒุ เจี๊ยน. เซียง-แหม่ง. น้าย หญู่ง แหม่ง ทิน-ฮู่ง เหฒย ต้าย ฒวั้ง นิ่น กั้น, เม่ย บัว ฯฒฯ เฒียนๆ เญย โหฒว ตุ๊ หอบ หย่า ธีง-เหฑ่ง เญย.#ทิน เต่ย โต้ว 1:26; โคโลสี 3:10
25ฮนั้ง หน่าย, เม่ย บัว อ๋อย หฒุ กวั่ง, ไม้ ตู๋ง ก๊อง-แปะ ดั๊ว เมี่ยน. ล่าน เหธา ล่าน ขูง อ๋อย หฒุ ก๊อง เฒียน หว่า ฮนั้ง, เหว่ย หฒุ บัว เต้าๆ เป๋น กีตู่ เญย ซิน เญย เหยียด หญู่ง.#เสคาลิยา 8:16 26สี ก๊อง “เม่ย บัว เฉีย เจี์ย, ไม้ ตู๋ง เฉีย เจี์ย ต้าย ป์าม ฒุ์ย.”#สีง ฑูง 4:4 หย่า ไม้ ตู๋ง เฒี่ยง ฮนอย เฉีย เจี์ย เถา บะฮนอย ด๊อด. 27หย่า ไม้ ตู๋ง ปุน เมี้ยน เญย ฮู่ง ม่าย ฉัง เปียะ. 28ฒิ่น ด่าง โหฒว หฒะ หนิ่ม กะน้าย วั้ว เต๋ย อ๋อย หฒุ กวั่ง, ไม้ ตู๋ง แอ๋ง หนิ่ม. ต๋าว หฑวน อ๋อย หฒุ หล่ง กั้น เญย ปั์ว โหฒว ม่าย ลั่ม หล่ง เญย กง ยู์ง กั้น เญย แหม่ง หย่า เฑีย เมี่ยน จ่ม เมี่ยน. 29ไม้ ตู๋ง ปุน เม่ย เญย ฑุ่ย ก๊อง ธ้วด ไม้ เป๋น เญย หว่า. อ๋อย หฒุ ก๊อง ไฮ่ เถง เมี่ยน เญย หว่า ฮนั้ง, ต้ง ไฮ่ เหธย เมี่ยน ผุย นิ่น บัว เฉียม หฒุ เหว่ย ปุน หมวัง เญย เมี่ยน ตุ๊ หลง. 30หย่า ไม้ ตู๋ง ปุน ทิน-ฮู่ง เญย สีง ลี่ง เฑ่า. ทิน-ฮู่ง ปุน สีง ลี่ง เม่ย บัว, ฮนั้ง ฆ้าบ เจี๊ยน เหยียน นอ, ฒั้ว ทิน-ฮู่ง อ๋อย หฒัวะ เม่ย บัว หฑวน เญย ฮนอย-เหญียะ เถา. 31อ๋อย หฒุ กวั่ง อิม เญย เฮญี้ยว, ไม้ ตู๋ง โน์ว เมี่ยน, ไม้ ตู๋ง เฉีย เจี์ย, ไม้ ตู๋ง เหน่าๆ เญย แฑง จ๋า, ไม้ ตู๋ง ก๊อง โตะ เมี่ยน. หย่า อ๋อย หฒุ กวั่ง เหฑ่ง หญู่งๆ ฑอง เมี่ยน เญย สี่. 32ต๋าว หฑวน, ล่าน อ๋อย หฒุ โหฒว หลง ปุน ล่าน, ล่าน ค้อ-เลี่ยน ล่าน, หย่า อ๋อย หฒุ กวั่ง ล่าน โหฒว ต่อง ล่าน เญย สี่ ฮนั้ง ทิน-ฮู่ง หล่ง กีตู่ กวั่ง เม่ย บัว เญย ฒุ์ย วั้ว นอ.#โคโลสี 3:13
Tans Gekies:
เอเฟโซ 4: IuMiTH
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007
เอเฟโซ 4
4
สีง ลี่ง ปุน เมี่ยน หอบ ฟิม ต้ง เอ๋ย
1เยีย, เปาโล, เหว่ย เฒี้ยว เยซู หฒุ หววน เจี๊ยน โล่. เยีย ขวิน เม่ย บัว, เยียม เสย หฒั่ง อ๋อย หฒุ เยียม ผุย ทิน-ฮู่ง เห่ว เม่ย บัว ต้าย วั้ว หฒั่น, อ๋อย เม่ย บัว ฮนั้ง หาย นอ เยียม. 2อ๋อย หฒุ เยียม หม่าน สี่ เหญี่ยม กั้น โหฒว ไฝ, หล่ง ส่วน เฮญี้ยว, หล่ง หน่อย, โหฒว เฮญี้ยว ด๊าว ล่าน ฮนั้ม ล่าน.#โคโลสี 3:12-13 3อ๋อย หฒุ หล่ง เฮญี้ยว ล่าน เหธา ล่าน แป้ง ออน เญย เยียม เหว่ย เปว เจี๊ยน สีง ลี่ง เหธย ปุน หอบ ฟิม ต้ง เอ๋ย เญย เฮญี้ยว.
4ม่าย ดุ นอม ซิน หย่า ม่าย ดุ เต้า สีง ลี่ง, ฮนั้ง ทิน-ฮู่ง เห่ว เม่ย บัว ต้าย ม่าย ดุ หญู่ง ม่าย ลั่ม ฮนั้ม. 5ม่าย ดุ เต้า เฒี้ยว, ดุ หญู่ง โต์ เสียน, ม่าย ดุ หญู่ง ววม เญย เล์ย เจี๋ย. 6หย่า ม่าย ดุ เต้า ทิน-ฮู่ง, ต้ง หม่าน เมี่ยน เญย หฒั่ง เตี๋ย. นิ่น โหฒว หม่าน เมี่ยน เญย เฒี้ยว, หล่ง หม่าน เมี่ยน โหฒว เอย นิ่น เญย หฒะเอ๋ย, หย่า เยียม หม่าน เมี่ยน กะญั์ว.
7บัว เก๊าะ-เมี่ยน ตุ๊ เญย เอน เซ หฒิว กีตู่ กั้น ปุน ฆอย ฒี่ง เหญ่ย เก๊าะ-เมี่ยน. 8ฮนั้ง กีง-โซว เฟี้ย เจี๊ยน ก๊อง,
“นิ่น ฝาว ฮลัง เจี๋ย เญย ต๋อง วั้ว หฒั่น,
นิ่น ต้อ หฒุ ธ้าง เญย เมี่ยน ธั้ม กัน เจี๊ยน มี่ง,
หย่า ฝูง ฒี่ง เหญ่ย ปุน ป้าม เมี่ยน.”#สีง ฑูง 68:18
9“นิ่น ฝาว ฮลัง” วั้ว โจ๋ว หว่า เญย เอ๋ย เล์ย ฮนั้ง หาย นอ? เอ๋ย เล์ย เซ นิ่น เหฌี่ย เถา ป้าม เกน เก้า ไอ๊ เญย ต๋อง ด่าง. 10เหฌี่ย ต้าย วั้ว เต้า เซ ต้ง ฝาว กู้ หงว่าย ฒู้ง เก้า ฮลัง เจี๋ย หฒวัง ลู่ง เหว่ย เยียม ปวั๊ง หม่าน หมวด วั้ว เต้า. 11ต้ง น้าย เต้า ฝูง ฒี่ง เหญ่ย ปุน หม่าน เมี่ยน. ม่าย เต๋ย ตุ๊ ฒี่ง เหญ่ย โหฒว กง-โฒ่. ม่าย เต๋ย ตุ๊ โหฒว โต่ว หว่า เมี่ยน, ม่าย เต๋ย ตุ๊ โหฒว ฒุ่น คู้ เฝียน เญย เมี่ยน, ม่าย เต๋ย ตุ๊ โหฒว โก๋ว จิว-ปาง เญย เมี่ยน, ม่าย เต๋ย ตุ๊ โหฒว ฟิน-แซง. 12นิ่น ฮนั้ง น้าย นอ โหฒว เหว่ย หลิ่ว เล์ย เหฒียง ทิน-ฮู่ง เญย เมี่ยน โหฒว กีตู่ เญย กง เหว่ย เหธย เจี์ย กีตู่ เญย ซิน. 13ฒั้ว เถา บัว เหยียด ฒู้ง ต้ง ติ่ว เฮญี้ยว เสียน หลง, ฮิ้ว ทิน-ฮู่ง เญย ตอน, บัว ฯฒฯ เอย ลี่ง ว่วน เญย เจ๊า เป๋น ต้ม เมี่ยน, หย่า ตุ้น ยุ่น ฮนั้ง เหฑ่ง กีตู่.
14เถา วั้ว หฒั่น บัว ฯฒฯ ไม้ เฒ์ย ฝุเจว๊ย อ๊ะ. ไม้ หฒุ กู๊ ไกว๋ เญย เมี่ยน หฌาว น้าย หฌาว วั้ว ดั๊ว บัว ฮนั้ง หฒุ หฑยาว ป่วน มี่ง ป่วน ต้าย, เมี้ยด มี่ง เมี้ยด ต้าย นอ. นิ่น บัว หล่ง เบี๊ยน-เบ๋ว ไฟ หล่ง กู๊ ไกว๋ เญย สี่ ดั๊ว เมี่ยน กัน จ๊า โต์-เล์ย. 15ต๋าว หฑวน, บัว อ๋อย หฒุ หล่ง ฮนั้ม เมี่ยน เญย เฮญี้ยว ก๊อง เฒียน ฮนั้ง. บัว ฯฒฯ เอย ติ่วๆ เจ๊า โฮล ต้าย เป๋น ต้ม เมี่ยน ฮนั้ง กีตู่, ต้ง โหฒว มฆ้อง#4:15 ไฟ เปย๊ย. วั้ว เต้า. 16กีตู่ กุ๊น เจี๊ยน ซิน หฒั่ง เญย หญู่งๆ, ปุน ซิน ต๋าว ตุ๊ หอบ, เหยียด หฮลัม เหยียด หฮลัม ปั่ง ญัด ต๋าว เจี๊ยน ฯฒฯ กั๊บ เจี๊ยน เป๋น เหยียด นอม ซิน. ซิน หฒั่ง เญย หญู่งๆ โหฒว หอบ นิ่น กั้น เญย กง วั้ว หฒั่น, ล่าน ฯฒฯ ฮนั้ม ล่าน, ซิน หย่า หมั่นๆ โฮล, เหธย กั้น เจี์ย ต้าย.#โคโลสี 2:19
เสียน กีตู่ ตุ๊ ต้าย เญย เซียง-แหม่ง
17เหว่ย น้าย เยีย เต๊ง เฒี้ยว เยซู เญย บั๋ว ขวิน เม่ย บัว, ยั่ง น้าย เจี๋ย ไม้ ตู๋ง เยียม ฮนั้ง ไม้ เสียน เญย เมี่ยน#4:17 กีก หว่า ก๊อง จั๋น. เอ๋ย เล์ย เซ ไม้ แก้ง เสียน เยซู วั้ว เต๋ย. เยียม วั้ว นอ. นิ่น บัว ฮนั้ม เญย สี่ ไม้ ลั่ม หล่ง. 18นิ่น บัว เญย เฮญี้ยว หฮมวัง, ไม้ เม่ง แปะ ทิน-ฮู่ง เหธย ปุน เญย แหม่ง หย่า ไม้ ม่าย นิ่น บัว เญย ป่วน เหว่ย หฒุ นิ่น บัว เญย เฮญี้ยว แหง่ง ไห่ ฯฒฯ หฮงง หมี่ อ๊ะ. 19นิ่น บัว เฮมียน-เป้ย โฮ์, ไม้ ฮิ้ว ตุ๊ ไญ้, เซว่ย ปิ่น เอย กั้น เญย เฮญี้ยว หั่น โหฒว หญู่งๆ ไม้ ธีง-เหฑ่ง เญย สี่.
20มป่า เม่ย บัว หฒวด กีตู่ เญย หญู่ง เซ ไม้ เฒ์ย ฮนั้ง หน่าย. 21เม่ย บัว ด่ง หาย ฒู้ง ไฮ์ ก๊อง เจี๋ย นิ่น เญย เจ๊า-โหล่ว หย่า กัน นิ่น ฯฒฯ โหะ เจี๋ย นิ่น หฌาว เญย เฒียน เล์ย. 22อ๋อย หฒุ กวั่ง ฆอย#4:22 กวั่ง ฆอย กีก หว่า ก๊อง ไจ๊ ฆอย. กั้น เญย โล์-แหม่ง,#โคโลสี 3:9 ต้ง ปุน เม่ย บัว เยียม ฮนั้ง ฒิ่น ด่าง เม่ย บัว เยียม วั้ว หญู่ง โล์-แหม่ง. เม่ย บัว เญย โล์-แหม่ง หฒุ ดั๊ว เอย กั้น เญย เฮญี้ยว หั่น โหฒว, หมั่นๆ ฯฒฯ หว่าย เหฑ่ง หมี่ อ๊ะ. 23อ๋อย หฒุ ปุน ทิน-ฮู่ง ก๊อย เม่ย บัว เญย เฮญี้ยว, เหยี่ยน เม่ย บัว เญย เอ๋ย, เป๋น เซียง เญย ต้าย. 24หย่า อ๋อย หฒุ ตุ๊#4:24 ตุ๊ วั้ว โจ๋ว หว่า, กีก หว่า ก๊อง ฒุ เจี๊ยน. เซียง-แหม่ง. น้าย หญู่ง แหม่ง ทิน-ฮู่ง เหฒย ต้าย ฒวั้ง นิ่น กั้น, เม่ย บัว ฯฒฯ เฒียนๆ เญย โหฒว ตุ๊ หอบ หย่า ธีง-เหฑ่ง เญย.#ทิน เต่ย โต้ว 1:26; โคโลสี 3:10
25ฮนั้ง หน่าย, เม่ย บัว อ๋อย หฒุ กวั่ง, ไม้ ตู๋ง ก๊อง-แปะ ดั๊ว เมี่ยน. ล่าน เหธา ล่าน ขูง อ๋อย หฒุ ก๊อง เฒียน หว่า ฮนั้ง, เหว่ย หฒุ บัว เต้าๆ เป๋น กีตู่ เญย ซิน เญย เหยียด หญู่ง.#เสคาลิยา 8:16 26สี ก๊อง “เม่ย บัว เฉีย เจี์ย, ไม้ ตู๋ง เฉีย เจี์ย ต้าย ป์าม ฒุ์ย.”#สีง ฑูง 4:4 หย่า ไม้ ตู๋ง เฒี่ยง ฮนอย เฉีย เจี์ย เถา บะฮนอย ด๊อด. 27หย่า ไม้ ตู๋ง ปุน เมี้ยน เญย ฮู่ง ม่าย ฉัง เปียะ. 28ฒิ่น ด่าง โหฒว หฒะ หนิ่ม กะน้าย วั้ว เต๋ย อ๋อย หฒุ กวั่ง, ไม้ ตู๋ง แอ๋ง หนิ่ม. ต๋าว หฑวน อ๋อย หฒุ หล่ง กั้น เญย ปั์ว โหฒว ม่าย ลั่ม หล่ง เญย กง ยู์ง กั้น เญย แหม่ง หย่า เฑีย เมี่ยน จ่ม เมี่ยน. 29ไม้ ตู๋ง ปุน เม่ย เญย ฑุ่ย ก๊อง ธ้วด ไม้ เป๋น เญย หว่า. อ๋อย หฒุ ก๊อง ไฮ่ เถง เมี่ยน เญย หว่า ฮนั้ง, ต้ง ไฮ่ เหธย เมี่ยน ผุย นิ่น บัว เฉียม หฒุ เหว่ย ปุน หมวัง เญย เมี่ยน ตุ๊ หลง. 30หย่า ไม้ ตู๋ง ปุน ทิน-ฮู่ง เญย สีง ลี่ง เฑ่า. ทิน-ฮู่ง ปุน สีง ลี่ง เม่ย บัว, ฮนั้ง ฆ้าบ เจี๊ยน เหยียน นอ, ฒั้ว ทิน-ฮู่ง อ๋อย หฒัวะ เม่ย บัว หฑวน เญย ฮนอย-เหญียะ เถา. 31อ๋อย หฒุ กวั่ง อิม เญย เฮญี้ยว, ไม้ ตู๋ง โน์ว เมี่ยน, ไม้ ตู๋ง เฉีย เจี์ย, ไม้ ตู๋ง เหน่าๆ เญย แฑง จ๋า, ไม้ ตู๋ง ก๊อง โตะ เมี่ยน. หย่า อ๋อย หฒุ กวั่ง เหฑ่ง หญู่งๆ ฑอง เมี่ยน เญย สี่. 32ต๋าว หฑวน, ล่าน อ๋อย หฒุ โหฒว หลง ปุน ล่าน, ล่าน ค้อ-เลี่ยน ล่าน, หย่า อ๋อย หฒุ กวั่ง ล่าน โหฒว ต่อง ล่าน เญย สี่ ฮนั้ง ทิน-ฮู่ง หล่ง กีตู่ กวั่ง เม่ย บัว เญย ฒุ์ย วั้ว นอ.#โคโลสี 3:13
Tans Gekies:
:
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
Mien Bible (Thai Script) © Thailand Bible Society, 2007