Gewilde Bybelverse vanaf Bula lə Israɛlje 13

Deel

Koso-dəwje gə́ jém ta ndɔl ne Moyis lé Kaleb ar dee d’əw rɔ dee pata. Yeḛ pana: Ar sí j’awje ɓasinè j’aw n’taaje ɓee neelé, tɔgərɔ ya, j’a dum dee kun ne baŋga dɔ dee’g ya.

jeḛ j’oo dəwje gə́ ŋgal pur-pur gə́ to ŋgalə Anak, ginkoji’g lə njé gə́ ŋgal pur-pur keneŋ: kəm dee-deḛ’g ləm, gə kəm síjeḛ’g kara jeḛ n’to asəna gə beedéje bèe ya.

Nɛ dəwje gə́ d’aw səa na̰’d lé pana: Jeḛ j’askəm kaw mba rɔ gə dəwje neelé el mbata siŋga dee ur dɔ ka̰ síjeḛ’g.

Deḛ pata gə́ yèr dɔ ɓee gə́ d’aw tən loo keneŋ lé no̰ Israɛlje’g. Deḛ pana: Ɓee gə́ jeḛ j’aw njaa keneŋ mba tən koo lé to ɓee gə́ tuji dəwje ləa gə́ d’isi keneŋ, deḛ lai gə́ j’oo dee keneŋ lé to dəwje gə́ kagrɔ dee ŋgal

Aa ooje, ta gə́ deḛ ndaji d’ar Moyis ɓa nee: Jeḛ j’aw mee ɓee gə́ i ula sí keneŋ lé. Tɔgərɔ ya, ɓee neelé mbà gə ubu tə̰ji to keneŋ yaa̰, aa ooje, kandə néje lé ɓa to nee ya.

Nɛ dəwje gə́ d’isi mee ɓee’g neelé siŋga dee to yaa̰ ləm, ɓee-booje lə dee lé d’ila ndògo gugu ne dɔ dee d’ar njéŋgəmlooje d’isi ta’g ləma, to ɓee-booje gə́ boi yaa̰ ləm tɔ, tɔɓəi jeḛ j’oo ŋgalə Anak keneŋ tɔ.

Amalekje d’isi par gə́ dɔkɔl, Hetje, gə Yebusje gə Amɔrje d’isi dɔ mbal’g, tɔɓəi Kana̰je d’isi mbɔr baa-boo-kad’g ləm, gə dɔ koŋgo baa gə́ Jurdɛ̰’g ləm tɔ.

Loo gə́ deḛ tel ree mba̰ ndá d’aw rɔ Moyis gə Aaro̰ gə rɔ koso-dəwje’g lə Israɛlje lai mee ɓee gə́ Kades dɔdilaloo gə́ Paran. Ndá deḛ d’ɔr goo ta néje gə́ d’oo lé d’ar dee ləm, deḛ tɔji dee kandə néje gə́ mee ɓee’g neelé ləm tɔ.