Gewilde Bybelverse vanaf نامَه اَفِسُسِنیا 4

اُمرَییَه مهربو و دلسوز یَکُدو بی و هَموناکِه خدا شمائا تِی مسیح اُشبَخشی، شما هم اُ یَکُدو بِبَخشی.

کاملاً اُفتادَه و آروم بی؛ و خاد صبر تِی محبت اُ یَکُدو تحمل بِکنی.

حرف زشت تُنُز کَپ در نِیاد، بلکه اونا حرف بِزنی که وَ جا بِه و اَسِی بَنا کِردَ اُ کَر بیاد، تَ اُ آنایایی که اَشناوِت فیض هادَ.

مَ رَکَم تَهری، خشم، تَریخی، کال و کیل، تهمت و هر طور بَدجنسیا از خوتو دور بِکنی.

«وَختی تَریخ هی، حَواستو بِه که گناه نِکنی»: مَهِری رازتو تَموم بِبِه و شما هَنو تَریخ بی، و اُ ابلیس فرصت مَتی.

تا مِ آدام کَدیمتو از بارتو اُدَر بیاری که مال مِ شیوَه زندگِنی هاد که کَبلتَه تُهاد و خاد خواستَه‌ئِی که گول اَزنِت فاسد بُدِ. و تا تِک روح فکرتو تَزَه آبِه، و تا آدام جدیدا اُبار کِنی، که تِک صالح بُدَ و کدّوسیت حکیکی وَ شباهت خدا خَلک بُدِ.

سعی بِکنی تا مِ یکی بُدَئی که از روح خدائِه، وَ رشتَه صلح و سلامتی بِگِری.

و آنائِه که حَوارِنیا، انبیا، کسِی که انجیلا اعلام اَکنِت، شبانیا و معلمیا اُشدَ، تا ایموندارِی اُ مسیحا اَسِی کَرِ خدمت آمادَه بِکنِت، اَسِی بَنای بَدن مسیح، تا موکَه‌ای که ایمون هَمَهِ اَما یکی بِبِه و تا شناخت اَما از پُسِ خدا یکی بِبِه، تا کَد یَک آدام کامل گات بِبِم، تا اُ اندازَه پُرِنِ کامَت مسیح گات بِبِم.

تا دِگَه چُنِ بَچیا نِبِم که وَ موجیا اُ هر طرف بِفتِم، و باد تعلیمِی مَ رَکَمی و حیلَه و حُکَه بازِنِ آدامیا تِی مِ نَکشَه‌ئِی که اَسِی گمراه کِردَ اَکَشِت، اُ اَما اُ هر طرف هُبِئِت. در عوض وَ گُتَئِه حکیکت تِی محبت، از هر نظر باید در حَدِ آناکِه سِرَئِه، یعنی مسیح رشد بِکنِم.