Gewilde Bybelverse vanaf نامَه کولُسِنیا 2

پَ هَموناکِه خداوند مسیح عیسی‌ئا کَبول تُکِه، تِی آنا هم رفتار بِکنی: تِی آنا ریشَه بِگِری و بَنا بِبی و هَموناکِه تُن یاد گِرِت، تِی ایمون پابَرجا وامانی و لبریز شکرگزاری بِبی.

حَواستو بِه کسی اُ شما وَ فلسفه و فریب تو خالی اَسیر نِکو، که طِبک رسم آدامیزاد و طِبک اصول ابتدائِنِ اِ دُنیَه‌وائِه، نِه طِبک مسیح.

و خدا اُ شما که تِی خطائیاتو و تِی حالت سُنَّت نِبُدَئِه جسمتو مُردِستادی، خاد مسیح زندَه شاکِه، و هَمَهِ خطائِی اَمائا اُشبَخشی. آنا سندِ کَرضیا که خاد کانونیاش وَ ضدمو نوشتَه بُدِستاد و وَ ضدمو وَایستَدِستاد، باطل اُشکِه. آنا اِئا اُ صلیب میخکوب اُشکِه و شُ لَرد زاد.

اَسِی که تَموم پُرِنِ ذات الهی وَ شَکل جسمانی تِی مسیح آمودِ، و شما تِی مسیح که سِرِ هَمَهِ ریاست و اِکتدارِه، پُر بُدِستی.

پَ مَهِری کسی دربارَهِ مِ چِی که اَخری و اَدَخری، یا دربارَهِ اُجا اَئوردَهِ عیدیا و ماه نو و راز شنبه مکدّس محکومتو بِکو. اِیا یَک سایَه‌ای از چِی‌یَی هِت که کَرارِ بیاد، ولی اصل آنایا مال مسیحِه.