Gewilde Bybelverse vanaf Tito 1

Deel

Miglong silan na kya-ede-an da nilan ya Tyumanem, manang dun ni kanilan imo-unun liwan na pigbalyaw nilan sakanan. Mangkalipaꞌ saba silan adti anenganeng na Tyumanem. Walaꞌ nilan daluga ya matinaw na palna-u. Aw walaꞌ ya un ma-untung adti kanilan kay diliꞌ nilan mabatug ya pag-imoꞌ sa madyaw.

Adti manga utaw na kyalinisan da na Tyumanem ya anenganeng nilan, ya kadég uman alag da malinis adti kanilan. Manang ya manga utaw na walaꞌ pangintu-u sa Tyumanem, walaꞌ ya kalinis nilan kay alag malipaꞌ ya adti anenganeng nilan. Aw walaꞌ nilan ka-ede-i kun unu ya madyaw aw unu ya malat kay nyabaluk ya kanilan anenganeng.

Aw ka-ilangan na to-o nan awidan ya matinaw na palna-u, pada palna-u nan uman sa manga utaw aw ka-ede-an nan kun unun ya pagtulid sa manga nyatu seiy.

Kay ya utaw na pag-imo-un maggagaday sa manga mangintu-uway, un sakanan taliguwan sa imo-unun na Tyumanem, aw ka-ilangan na diliꞌ pagsala-en ya bet nan. Diliꞌ sakanan magpatastas aw diliꞌ uman maksay magkadaman. Diliꞌ pala-inem sa magpakalangulangu aw diliꞌ matipanumbagay. Aw diliꞌ sakanan magginawa sa kuwalta. Manang magpamasa sakanan sa utaw na makalabaꞌ adti balay nan. Pagleya͡an nan ya pangkay unu na madyaw. Aw una nan pag-anenganengen ya umbaꞌ nan imo-un, aw matinaw ya kanan pagbayaꞌ. Nyatibulluk ya ginawa nan adti Tyumanem, aw matadeng magtagen sa pagkaliman na pagka-utawun nan.

Aw yan ya pamalli-en mu ya eseg na walaꞌ ya pagsalaꞌ sa bet nan. Sambuk da ya ka͡ubayan nan. Aw mangintu-uway sa Tyumanem ya mangayseꞌ nan, aw walaꞌ ya makapaglong kanilan na mig-imoꞌ silan sa malatay, aw diliꞌ uman sagda͡enen.