Gewilde Bybelverse vanaf Mupala'a 7

Deel

Ioxe, mukalu xe emaleila la emaisi'a tamitema tavu'alo e tavu'alo, ta'itisi'a uasisi. Tamitema ne so xale tuatuala mukalusi xe no anu lailaili latala xe vaikalai'a vilevilesi xe vasime'a iouiou. Ane'i mukalusi mitulu no laxunu sia kingi mo no laxunu Sipisipi Ilie. Xe no vasime'a la lavuluti kea veveni mukalusi. Xe no avo'a la mitetelisou mi loxo xolou voloxu 'o.

La mipatanu anaxa'a so mi'ava tatila lexe, “Mosinge e uxoxolu no anu sia kingi noxou ilou Sipisipi ilie, ane'i ilousi tamosou pamauli.”

Xo Sipisipi Ilie uxolu nonixi manina no anu sia kingi. La anu usaxila'a a loxo itema usaxila'a tasipsipi. Mo upamuxane'i so ilai iie no anu lexa so mauli no luxu. Xe ie'i lexaxu la Mosinge uiasou mo so itamala uasi.

Laso maixene ane'i itulu no laxunu sia kingi noxou Mosinge. La aso mo olovoxo ane'i ixolu i'oxonu xaixai noxou no anu tasou. Mo Mosinge uxolu no anu sia kingi noxou alai noxi'a axone so usaxila'a. Laso ane'i isolixa'a so la'ilali o lexala uasi. Mo aso uve'a uasi mo mi vile u'oxonu sasaie'ila uasi.

Mu'ava lexe, “Ngingi ngamamulonu lialia ilou luaki xe ovu ovu kolokolo uasi. Ngaxolu xo nexi tamulaxu sosovo noxou Mosinge no alaie'i tamitema so xaixaiou teio.” La elomusi'a ilemolu navasi'a tamitema so ixalisou sosovo ne lexe 144,000. Isosovosi'a no anu laili noxi'a Ta'isilaeli mukalusi.