Gewilde Bybelverse vanaf Yel-wula 7

Deel

À á ŋá pùorí, ɩ̃ tɩ jɩ́r'a nyɛ̃ zu-sɛbla nɩr na kʋ̃ tʋ̃ɔ́ sɔ́r bãw bɛ nʋɔr a. Ten za, dɔwlʋ za, nɩ-bʋʋrɛ za nɩ ƴɛ̀r-pɛ-bʋʋrɛ za nɩbɛ tɩ nɛbɛ. Bɛ tɩ àr'ɩ a naalʋ-dà-kɔw nɩ a Pele niŋé, su kpar-wowr pɛlɛ ɛ́ tɛr kpãkparmɛ wuli a nuru pʋɔ.

Bɛ tɩ cɩɩrɛ nɩ kpɛ̃w za yere: «A faafʋ yi n a tɩ Naaŋmɩn na zɩ̃ a naalʋ-dà-kɔw zu a zie, nɩ a Pele zie!»

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»

Alɛ so bɛ àr a Naaŋmɩn naalʋ-dà-kɔw niŋé, ɛ́ ƴãwnɛ a Naaŋmɩn mʋ̃tɔ̃w nɩ tɩ̃ɩsɔw, a ʋ yir pʋɔ. A sob nɛ na zɩ̃ a naalʋ-dà-kɔw zu a na piw bɛ na tɛr. Kɔ̃ bɩɩ kʋ̃ɔ-nyúur kʋ̃ lɛb kpɛ bɛ towtow ɛ, a mʋ̃tɔ̃w nɩ tʋlʋ kãw za kʋ̃ lɛb dɩ bɛ ɩ.

«Nyɩ taa sãwnɛ a tẽw, a kʋ̃ɔ-kpɛ̃ɛ nɩ a tɩɩr ɛ, ɛ́ gù tɩ wa tɩ ƴãw a bãwfʋ a tɩ Naaŋmɩn tõ-tõ-biir gbẽé baarɩ.» Ɩ̃ tɩ wõ n a nɩbɛ bɛ na ƴãw a bãwfʋ a nʋɔr: nɩbɛ tùr-lɩz'a ayopõi nɩ túr anaar (144 000), na ƴãw a bãwfʋ a Ɩsɩrayɛl bibiir dɔwlʋ za pʋɔ a