Gewilde Bybelverse vanaf MATAYO 16

Nalwo lwa Yesu yavoolela veechi veve, “Niiva mundu yenyanga khunonda, khutukha yileshitsi liiva lielie, achinji musalaba kwekwe, manonde.

Petro, khuvoolelanga ndi uli khuli lwanda; khandi khu lwanda lu musinji yulu numbakhakhu likanisa lianje; khali likhutsa linyala khuvula khulikuura.

Niitsa khukhuha tsifungu tsiu Vwami vu mwikulu; khandi shindu shiosi shia uliitsa khuvoha khulilova shilitsa khuvohwa mwikulu; khandi shindu shiosi shiuliitsa khutehitsa khulilova shilitsa khutehitswa mwikulu.”

Mundu wenyanga khuhonyinya vulamu vwevwe aliitsa khuvukoritsa; navutswa woyo wenyanga khukoritsa vulamu vwevwe shichila inzi, aliitsa khuvuhonyinya.

Nu vukhala shina vu mundu anyala khunyola, niiva alakuura shivala shiosi, navutswa akoritsi vulamu vwevwe? Inoho ni shina shiu mundu anyala khuhaana, anyole khandi vulamu vwevwe?

Yesu yavareeva, “Na munyi muvoolanga ninzi viina?” Simoni Petro yachipa, “Uli Masiha, Mwana wa Nyasaye uli mwoyo.”

Yesu yamuvoolela, “Simoni mwana wa Yona! Uli ni ikhaavi, shichila katoto yaka shiukanyoli khurula khu vandu tawe; navutswa Tata wanje uli mwikulu neye ukhuvoolele vulunji.