Gewilde Bybelverse vanaf 1 โย​ฮัน 3

Deel

ฝุเจว๊ย อ้า! ไม้ ตู๋ง ขูง หล่ง ฑุ่ย ก๊อง ฮนั้ม เมี่ยน ฮนั้ง, อ๋อย หฒุ โหฒว สี่ ปุน ธีง หฒะเก้ง ฮนั้ม.

บัว ฮิ้ว ตุ๊ ม่าย ฮนั้ม เมี่ยน เญย เฮญี้ยว เซ ฮนั้ง หาย นอ เหว่ย หฒุ เย​ซู เหว่ย บัว เซี้ย นิ่น เญย แหม่ง. บัว หย่า อ๋อย หฒุ เหว่ย บัว เญย ก๋อ-โย์ว เซี้ย แหม่ง.

หมั่ง ก๋า ทิน-ฮู่ง ด่ง หาย ฮนั้ม บัว! นิ่น ปุน บัว ตุ๊ บั๋ว เห่ว ทิน-ฮู่ง เญย น่าม โญ์ว. หย่า ไม้ เฒ์ย ขูง ตุ๊ บั๋ว ฮนั้ง, หฒะเก้ง เป๋น นิ่น เญย น่าม โญ์ว หมี่ อ๊ะ. ป้าม เมี่ยน ไม้ ฮิ้ว ตุ๊ บัว เซ เหว่ย หฒุ นิ่น บัว ไม้ ฮิ้ว ตุ๊ หฒั่ง เตี๋ย.

หาย เต้า ป์าม ฒุ์ย เซ เมี้ยน เญย ฮู่ง เญย เมี่ยน, เหว่ย หฒุ เมี้ยน เญย ฮู่ง มต้าย เยียม กอน ป์าม ฒุ์ย เถา อี้ หฒั่น. เหว่ย น้าย ทิน-ฮู่ง เญย ตอน ต้าย, เซ เหว่ย เหมียด เหฑ่ง เมี้ยน เญย ฮู่ง โหฒว เญย กง.

หาย เต้า โหฒว ทิน-ฮู่ง เญย น่าม โญ์ว, วั้ว เต้า ไม้ ป์าม เจี๊ยน ฒุ์ย มี่ง เหว่ย หฒุ ทิน-ฮู่ง เญย เฟียม-ฝีง เยียม เจี๊ยน นิ่น เญย เฮญี้ยว. ทิน-ฮู่ง โหฒว นิ่น เญย เตีย, นิ่น ฯฒฯ ไม้ ไฮ่ ป์าม เจี๊ยน ฒุ์ย มี่ง.

หาย เต้า คู่ เยียม คู่ หญั่น, หย่า ปวัด นิ่น เญย ก๋อ-โย์ว ด๊อด หน่าน, นิ่น หย่า หมั่ง ตุ๊ เจี๋ย เหมว่ย ไม้ เถง, วั้ว เต้า ฮนั้ง หาย นอ ไฮ่ ก๊อง นิ่น ฮนั้ม ทิน-ฮู่ง?

หาย เต้า เอย เจี๊ยน ทิน-ฮู่ง เญย หลี่ง โหฒว, วั้ว เต้า เหธา ทิน-ฮู่ง จวั่ง แหม่ง เฒี่ยง. ทิน-ฮู่ง หย่า เหธา วั้ว เต้า จวั่ง แหม่ง เฒี่ยง. ฮนั้ง หน่าย, บัว ไฮ่ ฮิ้ว ตุ๊ ทิน-ฮู่ง เหธา บัว จวั่ง แหม่ง เฒี่ยง เหว่ย หฒุ บัว ม่าย ทิน-ฮู่ง เหธย ปุน เญย สีง ลี่ง.

ฮนั้ง น้าย บัว ไฮ่ ฮิ้ว ตุ๊ หาย เต้า โหฒว ทิน-ฮู่ง เญย น่าม โญ์ว, หาย เต้า โหฒว เมี้ยน เญย ฮู่ง เญย น่าม โญ์ว. หาย เต้า ไม้ โหฒว หอบ ไฟ ไม้ ฮนั้ม นิ่น เญย ก๋อ-โย์ว, วั้ว เต้า เซ ไม้ เฒ์ย ทิน-ฮู่ง เญย น่าม โญ์ว อ๊ะ.

เม่ย บัว เยียม กอน ไฮ์ เจี๋ย เญย หว่า เซ ต้ง น้าย. ล่าน อ๋อย หฒุ ฮนั้ม ล่าน.

ก๋อ-โย์ว อ้า! สี ก๊อง ป้าม เมี่ยน ฑอง เม่ย บัว, เม่ย บัว ไม้ ตู๋ง เหว่ย หน่าย ฮนั้ม ไม้ เม่ง แปะ.