Gratis leesplanne en oordenkings oor HOSEA 2:19

Die pad na wysheid is ’n 3-dagleesplan uit Spreuke, gebaseer op die “Seeking Him”-boodskappe deur Nancy de Moss Wolgemuth. Hierdie leesplan help jou om die verskil tussen wysheid en dwaasheid raak te sien, veral wanneer versoeking, swaarkry en verkeerde perspektiewe jou geloof toets. Jy sal leer hoe maklik dit is om God se boodskappe verkeerd te lees wanneer dinge moeilik raak, en hoe wysheid begin by vertroue in die Here. Deur praktiese toepassings en Skrifwaarhede word jy uitgedaag om slaggate te vermy, jou hart te bewaak en met woorde van wysheid te leef.

God het jou lief. Dit maak nie saak wie jy is of waar jy in jou lewe is nie, God het jou lief! In hierdie maand wat ons die liefde vier, onthou ook dat God se liefde vir jou groter is as enige ander liefde. Omvou jouself met God se liefde in hierdie 4-dag leesplan.

Ontdek die dieper betekenis van die Hebreeuse woord YADA — om werklik te ken en geken te word. In hierdie 7-dagleesplan reis ons deur God se hart vir intimiteit, verbondenheid en verhouding. Leer hoe jou verlange om geken te word uiteindelik in God vervul word.

God het Hosea se pynlike huwelik gebruik as 'n illustrasie van hoe Hy voel wanneer Sy mense aan Hom ontrou is, maar Hy verbind Hom om hulle steeds lief te hê. Reis daagliks deur Hosea terwyl jy na die oudiostudie luister en uitgesoekte verse uit God se woord lees.