Thola i AppImibuzo Engu-7 Ehlupha Imiqondo Yabantu abaningiIsampula
Kulula kakhulu ukubhajwa emangeni okuthi uNkulunkulu ufuna okuthile kithi, hhayi ngathi. Mhlawumbe yinkululeko yakho noma ubumnandi bakho noma imali yakho. Kungenzeka ukuthi usuchithe zonke izinkathi zokuphila kwakho wenqaba uNkulunkulu ngoba ungafuni imithetho yakhe yonakalise ukuzijabulisa kwakho.
Evesini lanamuhla, uJesu utshela isixuku sezilaleli zakhe ukuthi lo mbono uhlehlele emuva. “Yisela” elichithayo futhi licekele phansi. Mhlawumbe isela liwumsebenzi oqeda amandla. Mhlawumbe isiko elithi udinga ukugembula ikusasa lakho ukuze ukhokhele inqwaba yezinto ongazidingi.
Mhlawumbe yisikhathi sakho esidlule, uhleba ukuthi awukalungi ngokwanele. Noma ngabe yini eqondene nawe, ikhona ukuze intshontshe impilo yakho.
UJesu uze ukuzokwenza ukuphila kwakho kube nenjongo. Akafuni ukukuphuca noma yini.
Ngakho umbuzo wethu wanamuhla uthi: Kungani ngilapha?
Kwakhelwe kithina ukufuna izimpilo zethu zibe zibaluleke, sifune ukushiya ifa. Inkinga iwukuthi, lapho abantu abaningi bechaza ukuphila okunenjongo, izincazelo zabo azivuleleki ngalé komsebenzi nemali.
Ngakho-ke namuhla, ake sicabange ngesithombe esiphelele sempilo egcwele nenenjongo uNkulunkulu ayifunayo kuwe. Nawa amabhakede amakhulu amahlanu ongacabanga ngawo. Ingaba yini impilo egcwele kuwe endaweni ngayinye kulezi?
- Wena ngokwakho: Hlobo luni lwemizwa ofuna ukwaziwa ngayo? Ufuna impilo yakho yomzimba ibe njani uma usuneminyaka engu-70?
- Umshado: Ufuna umshado wakho ube njani eminyakeni engu-30?
- Umndeni: Hlobo luni lobudlelwano besikhathi esizayo ofuna ukuba nabo nezingane zakho sezikhulile? Izingane zakini? Abazali bakho?
- Umsebenzi: Ingabe ngenza lokho uNkulunkulu angibizele kona ngokukhethekile? Noma ingabe umsebenzi wami wansuku zonke okungenani ungifikisa endaweni lapho ngikhululekile khona ukuphishekela lokho?
- IBandla: Ngihlanganyela kanjani kulokho uNkulunkulu akwenzayo emhlabeni?
ZAMA LOKHU NAMUHLA
Chitha isikhathi ubhala phansi incazelo yakho yempilo egcwele endaweni ngayinye kwemihlanu eshiwo ngenhla. Sizobhekana nezinyathelo ezilandelayo kusasa.
UmBhalo
Mayelana naloluHlelo
Ingabe ukuba yindoda yangempela kusho ukuba nomndeni ophelele, ihhovisi elisekhoneni, imoto kanokusho, nomuzi omkhulu? Noma, ingabe kukhona okwengeziwe ekuphileni? Lolu hlelo lwezinsuku ezingu-7 oluvela ku-John Woodall luzojula emibuzweni ofisa ukuxoxa ngayo nomngani omethembayo futhi likunikeze impendulo kaNkulunkulu kuleyo mibuzo.
More
