Knk 25
25
1Lon Pestus ðe tee kam døning Judet ye, go ndøt kïkõmïta þai þebo Sejaret aw Jerusalemt. 2Nõbe, kïbo lo ngéjanyamosïkadkari kï kïbog lo Juipg ðe sekïn Pol ta Pestust. 3Ndïjena anan: Kï køi kad i la kïla ad ðen kï Pol Jerusalemt.
Juipg yan gum titbe kï'n tølïn ne Pol dø ðobt. 4Na Pestus turd an: Pol i dangãit kam þet kï Sejare. Mî kïþe kï døm þet m'a m'aw nu nderrbe. 5Pestus el tø an: Kï kïbog losï madg awïn nat sem Sejaret, îla de'n non ða nya mad kïmajal a ne, a lan ta døat nu.
6Pestus ða sed ndø jijoo ke kïlah koon kam þet kï Jerusalem, kamla tel aw gog Sejaret ye. Loti got, Pestus ndï dø pong gangtat, ndamber kad ðen kï Pol. 7Lon Pol ðe woi ye, Juipg'n þain Jerusalemt, lan na gugïn døa gej, tetïn tag ngãibe kï nyag kïtootþool kï døat, na asïn kad man naj kï ðubagt dø nyat kïmajal jeje'n Pol ða nõ al. 8Na Pol kï døn elta ørrïn ta dønt an: M'ða nya mad kïmajal m'ndoorïn mberkïnda al ho, Juipg al ho, ke kuj ndub Luwah al ho, ke Sejar.
9Pestus ndig kad kam Juipg høn, kïta 'nten la, ndïje Pol an: I ndig kaw Jerusalemt kad gangïn ta dø nyag 'nten nu u?
10Na Pol tura an: Mî m'ða nõ pong gangtat lo Sejar në be, i lo kï sumba kad gangïn ta dømt tit. M'ða nya mad kïmajal m'ndoorïn Juipg al, î kïþe kï døi i ger þet. 11Îla mî kï ta mad dømt a ne, ke îla m'ða nya mad kï sumba koi a ne, m'orom koi al; na îla nyag'n deg'n ðan ða tetïn kï dømt i ta kï rota al a ne, de kï asï lam jidt goto. Îla i titbe a ne, m'ndïje kad kï Sejar la gangta lom ye.
12Taa ne, Pestus elta kï deg kï ngékøj'n. Kamla el Pol an: I ndïje kad Sejar la gangta loi ye, a aw ro Sejart.
Pol ða nõ ngar Agripat kï Bernis
13Ndøg tøin ngonsî a ne, Ngar Agripa kï ngonkõa kïdë Bernis ðen Sejaret kad'n ðan lapia Pestus. 14Ðan ndø asï tat Sejaret, ad Pestus ørr girr ta lo Pol ad Ngar Agripa. Ela an: De mad i në, Peliksï nyàa kï dangãit kamla m'ðe m'ga goota ye. 15Na lon m'aw Jerusalemt ye, bïradø ngéjanyamosïkadkarig kï kïbog lo Juipg ðe sekïna tamt, ndïjemïn kad'm gangta døat. 16Na m'turd m'an: I nyabelþe lo romag al kad lan de titbe ji degt kï ngélata døat kad tølïna, kïkanj kad ða nõ degt kï ngélata døat kad ngah ta ðob kelta ørrïn ta dønt. 17Kïtø 'nten, Juipg ðen sem nat në, mi kaa ne m'øi dø romt al: Loti got m'ndï dø pong gangtat, m'ndamber kad ðen kï de'n non. 18Lon madngétaag ðen nõ pong gangtat ye, teen kï ta mad kïmajal ngãi døat adïn m'oo al. 19Na majïn na ta sia kï øj dø nyabelþe kï køsï død kï ta kï øj dø de mad kï tøa i Jeju. De'n non oi, na Pol ndï el an i kumkajir. 20Na mî taa m'ger nya'n sumba kad m'ða al kïta ta nõ dum døm. Taa ne, m'ndïje Pol ke ndig kaw Jerusalemt nu kad gangïn ta loa a? 21Na Pol ndïje kad ngomïnïn dangãit mbã kad Sejar Ogust la kï gangta lon ye. Ad m'ndamber kad ngomïna dangãit mbã kad m'laa kï ro Sejart.
22Agripa el Pestus an: Mî kï døm m'ndig kï m'oo ta lo de'n non ho. Pestus tura an: Loti a ne, a oon ta loa ká ðang ho.
23Loti got a ne, Agripa kï Bernis ðen kï koosïdeg ngãibe. Andïn kam kuj gangtat nat kï bïradø ngéðøøg kï deg kïbog kï þebot'n non. Kamla Pestus ndamber kad ðen kï Pol. 24Taa Pestus el an: Ngar Agripa, kï în deg tube'n în nat sej nëbe, oon de'n ðan, koosï Juipg ndan rod nat ðe ngahmïn kïta ta loa Jerusalemt ho Sejaret në ho, kon anan: De'n ðan sumba kad ndï kï døn dõ al. 25Mî taa ne, m'ngah nya kïða kï sumba gangta koi døat al. Na î kïþe kï døn ndïje kad Sejar Ogust la gangta lon ye. Kïtø 'nten la m'øjïn kad m'a m'la sia m'ad Sejar ho ye. 26M'oo ta mad døat jeje kï m'a m'ndang maktubt m'lan m'ad Sejar al. Kïtø 'nten la m'ðe sia nõsït ho, nõ ngar Agripat ho ye, kïtakad lon i nderrïn girr ta 'nten woi a ne, m'a m'ngah ta mad kad m'ndang døat m'lan. 27Kïtø m'oo tit i nya kï þood kad de la kï de dangãit kïkanj kad da girr ta'n lan ne ta døat.
Okuqokiwe okwamanje:
Knk 25: MB80
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
BIBLE MBAÏ © 1980 Alliance Biblique du Tchad.