Knk 24
24
Juipg lan ta dø Polt nõ Peliksït kï ngekõþe
1Ndø mi got, bïra ngejanyamosïkadkari Ananias ðe kam þebot kï Sejaret nat kï kïbog lo Juipg, kï de mad nge koo goosï þalta kï kel ho, tur ho, tøa i Tertulus. Ðe sekïn Pol ta Peliksït kï ngekõþe. 2Ngekõþe lago Polt ad ðen sia. Kamla Tertulus mbagirr tet ta kï døat døat an: Î Peliksï. Ngemaj kï tøitøi, kïtakul hal koogo nya kï goa goa i ðan go nyag tube ad son go nat ad lapia kï jeje to mbïna girrdegt loj. 3Jî taa, kï log tube, kï dø kaglog tube tø kï taa nyag'n non kï mersi kï ða. 4Na kï ndig kun kaglo loi ngãi al, kïta 'nten, m'køi kad i ndïdøt sem ngonsî, na kï oo dø ta loj. 5Kïtø j'oo de'n ðan i de kïmajal ngãi, lo kïðen aw tit a ne a la dø Juipg nat, kamla i bïradø þut deg'n a ndulon go nyandoo kï kij kï gootal lo Najareag. 6De'n ðan, sah kï n'tel kuj ndub Luwah nya kïyerrt, la kï høa ye. Kï ndig kad kïgangta døat kïgo mberkïndat loj ho. 7Na Lysias kï bïradø ngéðøøg ðe taa jijt kï lo ngetøgt. 8Kamla Lysias ndamber kad ngélata døat ðen nõit ne. Ye îla î kïþe kï døi i ndïjea ta oo a ne, a asï ger girr rota dø nyat'n ndï kï lan ta døat. 9Juipg ndan tad nat kïðabe son ne go tat lo Tertulus anan: Nyag'n non i titbe.
Pol elta ørrïn ta dønt nõ Peliksït kï ngekõþe
10Ngekõþe mbøj Pol kï jin kad elta. Pol elta an: Tit'n m'gerïn þalg ngãibe î ngegangta lo girrdeg'n ðan ye, kï kamkïsokïber la m'a m'elïn ta nõit kad m'ørrïnta dømt. 11Kïtø asï nder girr ta'n m'ða m'el þone. Asï ndø kïlah gidaijoo al la m'aw kam þet kï Jerusalem kad m'øsï døm ber nõ Luwaht. 12De kï ngahm kam kuj ndub Luwaht, ke lo kawnat lo Juipg, ke kambet ad m'majta kï de ho, m'ða m'la dø deg nat kad taan ðøø ngékõþeg goto. 13Tag tube'n deg'n ðan ða øin kï dømt tajigla ye, najkïma kï rota goto kamt. 14Na nya'n m'asï tø tam døt nõit la ten: M'ndï m'ða kïla m'ad Luwah lo bøwïmg kïgo ðob lo Bïraþe'n hã ða kunïna nyandoo kï kij kï gootal. Na mî taa ne, m'ndig dø tagt tube'n ndangïn kam maktubgt lo ngékelta kï ta Luwaht. 15M'aw kï kamkïndahdøt'n m'ndah dø Luwaht, ngélata dømt kaa ne, awïn kï kamkïndahdøt kïkïða'n non: I ngoo ndø'n Luwah a ad ngékoig þain lo koit, deg kïdenesew kï deg kïmajal tu. 16Kïtø 'nten la m'ða ndurïn yom kad kam høm kï ta al, kï pa ndiam i kïðingg nõ Luwaht ho nõ degt ho ye. 17Þalg ngãibe m'goto Jerusalemt. Go þalgt'n non m'tel m'ðe gog Jerusalemt kï m'ad girrdeg lom kadkari kï kad Luwah ho. 18M'ða nyag'n non kam kuj ndub Luwaht. Lon Juip madg þain døning Asit ðe ngahmïn ye, m'ar rom kïgo nyabelþet loj. Koosïdeg'n nat sem al ho, kïse kaa ne gotø ho. 19Îla deg'n non awïn sem kï ta mad a ne, sumba kad ðen nõit ne kad lan ta dømt. 20Ke îla i be al kaa ne, lon awïn sem nõ ngégangtat lo Juipg ye, deg'n ðan ðan ye ngahn ta mad kad lan ne ta dømt e? 21Dum bit a ne, ko'n m'ko mborrirr kudt kï tøgïm m'an: Mî kï kam kï ger þet kad Luwah a ad ngékoig þain lo koit. Ye a i kïta ta'n m'el nõ wan la ða gangïn ne ta dømt nõsït þone ye. 22Na Peliksï taa, ger ta kï dø ðobt lo Bïraþe maj ngãi. Kïtø 'nten la gangta tajigt al na el Juipg an: M'am gangta losï lon Lysias bïradø-ngéðøøg a ðe kamtã. 23Peliksï ndamber asïgar kïbo kad ngom Pol, na kï nyàgoa nyanglé; kï ad ta ðob madkïlag kad ðan sia tø.
Pol elta ørrïn ta dønt nõ Peliksït kï nëa Drusil
24Na gog go ndøgt'n non ye, Peliksï ðen nat kï nën Drusil'n i Juip, ad lan go Polt kad ðen sia, na nel mbin oon dø ta kï øj go kadkam Krist Jeju. 25Na lon Pol ndï ørr girr ta kï øj dø nyaða kïdenesew, dø kïre ro njirir dø majalt kï ða ho, dø tat kï gang lo Luwah'n a ðe dø duniat ye, Peliksï þool ad kama gang man ngalang. Taa ne, el Pol an: Asï titbe ta, aw tajigla, na ka lon m'ngah dø kaglo a ne, m'a m'la m'kuni kad m'oo dø ta loi þaitø.
26Peliksï ndah kamïnt kad þet Pol a adïn nar; kïta 'nten la ndï kuna'n së kad dan ta sia ye. 27Na lon þal joo asï woi ye, Porkus Pestus ðe gagoot Peliksï, na tit kan Peliksï ndig kad'n nel Juipg ye, nya Pol kï kam dangãit.
Okuqokiwe okwamanje:
Knk 24: MB80
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
BIBLE MBAÏ © 1980 Alliance Biblique du Tchad.