Knk 16
16
Timote aw nat kï Pol kï Silas
1Pol aw tee kam þet kï Derb, kamla tøi aw Lystïr. Nõbe ngendoo mad lo Jeju ndit nõ tøa i Timote. Kõa i Juip kï tel ngetaata lo Krist, na bøwa i grek. 2Ngétaata lo Krist kï kam þet kï Lystïr ho Ikonium ho, man naj maj ngãi dø Timotet. 3Pol ndig kad aw sen; ada ja gáj kïta Juipg'n ndïn kam døningt'n non gerïn kad bøw Timote i grek. 4Pol kï Silas awïn, a lan go þeg, a elïn deg kï ngétaata lo Krist mber'n ngombangkïlag kï kïbo lo ngékawnag kï Jerusalem ndan deg kad telïn rod go ndï kunt'n non.
5Kïtø 'nten ngékawnag ngangïn ne kam kadkamt lod, kørd kaa ne, bïla kï døt døt kïndøgndøg.
Pol oo nyakamndilt kam þet kï Troas
6Lon ten kam døning Asit ye, Ndil kïkunjðang øgd la mber ta lo Luwah, ad ndan døning Pyrji kï døning Galati gangïn. 7Lon aw teen nderrbe kad døning Mysit ye, ða kï n'awïn døning Bitinit; na Ndil Jeju øgd dø, nya ta ðob ad'd al. 8Kïtø 'nten ndan døning Mysi gangïn, kamla awïn takumkaat kïbo kï Troas. 9Na dan lot ndø, Pol oo nyakookamndilt, oo de mad kï Masedøant ða kï njan dõ, kø Pol kï rotîn an: I gang bahbo kat kï Masedøan, na i ðe i ða sej.
10Tajigt, lon Pol oo nya'n non kam ndilt ye, kï sah kad j'aw kam døning Masedøant. Jî kï kam kï ger þet kad i Luwah la ndï kunj kad kï la mber Hoita kïmaj tit nu ye.
Lydi ad kamïn Bïraþe Jeju kam þet kï Pilip
11Kï þai kam toot kïbo kam þet kï Troas, kï sumba koor lo kï Samotrasït kiðing sew. Loti got kï þa taj kï Nëapolist. 12Nõbe j'un døj kï þebot kï Pilip. Pilip i þe kïbo ngãi kam døning Masedøant i þebo kï kam þekõt lo Romag, kï ða ndøg asï tat kam þet'n non. 13Ndø taakò lo Juipg la kï tee kam þet kï tabit ndog børrt kï tïga, j'aw ta baht mad. Kïtø kï j'oo a j'an: Lot'n non j'a kï ngah lo kelta kï Luwah lo Juipg tit, kï ndï ber, j'elta dekïdëg'n kawïn na kï nat. 14Kïmad ku dekïdëgt'n non tøa i Lydi, oojïna þebot kï Tiratir. Lydi i ngeðaw kub kï kïðe wor wor, kamla i ngeða nya kïgo lo Luwaht, ad dekïdë'n non nel mbin kï rojt. Bïraþe tee ngarkama kad nel mbin oon dø tag lo Pol maj. 15Ða baptem nat kï ngékïþe lon tube. Ndïjej an: Îla oomïn tit de kï ngetaata lo Bïraþe jeje a ne, j'awïn þe lom kad i ndïnt. Ðaj bee ad j'aw kï hø lo ndï roat.
Lan Pol kï Silas dangãit kam þebot kï Pilip
16Ndø mad, lon ndï kï j'aw lo keltat kï Luwah ye, ngon kïdë mad ðe ndødj, aw kï ndil kïmajal kamïnt nõ, în ada tøg ndõ tee ad a ørr girr nyag'n þet a ða deg. Ngah nya ngãi ad ngéng kïtakul teen a ndõ nõ. 17Lon ngon kïdë'n non ooj ye, a ndulo goj kï Pol, a ko kï ndin kïbo an: Deg'n ðan în þerkïlag lo Luwah kï Ngetøitøi, ða dan deg ðob kaj. 18Ngon kïdë'n non a ða titbe kïndøgndøg. Ad Pol þawong, na mbel gidïn ndáng ndil kïmajal'n non an: Kam tø Jeju Krist't i tee kø kam dekïdët'n ðan. Tajigt ndil tee kø kamat.
19Na lon ngéag oon kad nya ngah nya lod'n ndan kamd døt goto ye, høn Pol kï Silas, ndørind awïn sed suku nõ ngékõþegt. 20Awïn sed nõ ngégangtagt lo romag, na elïn anan: Deg'n ðan în Juipg, na ðan ad ta þai ngãi kam þet loj.
21Ða ndoon deg nyabelþeg kï mbah kokïrojt, sumba kad jî deg kï Romat kï tel roj goot al ho, kï ngom al ho. 22Koosïdeg þan wong kï tïnga bil kï Pol kï Silas. Romag kï ngégangtag ngîn kubg rodt kø, na ndand kï ndeh. 23Lon ndand kï ndeh riw riw woi ye, land dangãit kamla ndan mber ngengom dangãi kad ngomd maj. 24Lon bïradø dangãi oo ta titbe ye, lad kam dangãit keme kørøng, la kag njadt.
25Na danlot, Pol kï Silas ndï elïn ta kï Luwah ho, ndï øsïn pa ndubïn ne Luwah ho. De dangãig kaa ne, oon dø ndid. 26Tentenbe, yee døning kïbobe hurd rukï, mbã ad kuj dangãi yee yïkïtyïkït. Tentenbe tabitg teen tad, jinjir døø de dangãig þain ta nat þatil-þatil. 27Lon bïradø ngengom dangãi ndool dø þit oo tabitg lo dangãi ðan tag tube ye, hø kiyaðøø lon tui hawat kï'n tølïn ron, oo a an: Deg kï dangãit ãin na. 28Na Pol ko kï ndin kïbobe an: Ot ða roi majal, kïta jî ne tube.
29Kamla bïradø ngengom dangãi ndïje kad ðen kï lamba, and kanangbe kam dangãit kï þool kï ro ndad yatït, so kï nja Polt kï Silas. 30Ad'd teen kï tïga, kamla ndïjed an: Bøwmg, ði maj kad m'ða kad m'ngahn kaj a?
31Turïna anan: Adkami Bïraþe Jeju, na a aj, î kï ngékïþe loi.
32Elïna ta lo Bïraþe kï deg tube'n ndïn kam kujt loa. 33Kaglot kï ndø nõ, bïra dø ngengom dangãig aw kï Pol kï Silas tugo ta doog lod, tajigt ad ðana baptem nat kï deg kï þe loa tube. 34Aw sed kam kujt lon ad'd nyasa kad san. De'n non ða ronel nat kï ngékïþe lon kïta tel ngetaata kï ta Luwaht. 35Lon loti ye, ngégangtag lan ngéðøøg kad elïn bïradø ngengom dangãi an: Ørr deg'n non i nyad dõ ad awïn.
36Bïradø ngengom dangãig elta'n non Pol an: Ngégangtag la elmïn kad kï m'ørrsï kø kam dangãit ye, tajigla i teen, na awïn kï lapia.
37Na Pol elta ngengom dangãig an: Kï kanj kad gangïnta døjt, ndajïn bukï-mbukï kï tïga wang nõ degt, jî'n jî Romag ye, højïn lajïn dangãit, na tajigla ndï tuþanjïn gid tilt e? A i titbe al. Ad în kïþeg kï død ðe ørrjïn kø kam dangãit 38Ngan ngékïlag telïn kï tag'n non kï ro ngégangtagt lo romag. Lon oo gerïn kad în romag ye, þoolïn, 39ðe ndïjen kamkïsokïber kokïro Polt kï Silas, kamla ørrïnd kø kam dangãit, ndïjend kad teen kam þet lod kø. 40Pol kï Silas teen kam dangãit, awïn þe lo Lydi, lon ngahn ngankõ ngétaata lo Krist tit ye, adïnd tøg kamla þai awïn ye.
Okuqokiwe okwamanje:
Knk 16: MB80
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
BIBLE MBAÏ © 1980 Alliance Biblique du Tchad.