AMahubo 14
14
Ubuwula Nobubi Babantu
Kumholi wokuhlabelela. ElikaDavide
1Isiwula sithi enhliziyweni yaso:
“Akekho uNkulunkulu.”
Bonakele, benza okunengekayo,
akekho owenza okuhle.
2USimakade uyababuka
abantwana babantu esezulwini,
ukubona ukuthi ukhona yini ohlakaniphileyo,
ofuna uNkulunkulu.
3Bonke baphambukile,
bonke bonakele;
akekho owenza okuhle,
akukho namunye.
4Abaqondi lutho bonke
abenza okubi,
abadla abantu bami
sengathi badla isinkwa,
bengakhuleki kuSimakade.
5Bazoba nokwesaba okukhulu,
ngoba uNkulunkulu
umi naso isizukulwane sabalungileyo.
6Niyaliphambanisa icebo lohluphekileyo,
kodwa uSimakade uyisiphephelo sakhe.
7Sengathi kungavela eZiyoni,
lowo oyakusindisa u-Israyeli.
Mhla uSimakade ephinda
ebuyisa abantu bakhe ekuthunjweni,
uJakobe makajabule,
u-Israyeli athokoze.
Okuqokiwe okwamanje:
AMahubo 14: ZUL20
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.