मत्ती 16
16
फरीसियों दवारा यीशु कै पोरखा जाणा
(मर 8:11-13; लूका 12:54-56)
1औरौ फरीसी लोगै औरौ सदूकी लोगै यीशु कै धोरे आयौ पौरखणौ कारिए तैसीखै बौल़ौ, “की आमुखै स्वर्ग दा कुणजाई निशान दिखा।” 2तैणै तिनुखै जोवाब दिया, “बैल़खै दो तुऐं बौल़ौए कै मौसम साफ रौंदा, जिथुखै गौयण लाल औसौ। 3औरौ झीशींदु बौल़ौए की; ऐलो तूफान आन्दौ जिथुखै गौयण लाल औरौ धुमले औसौ; तुऐं गौयणै का लक्षण दैखैयो भैद बौताए सौकौ, पौरौ सौमय कै निशानो का भैद नै बौताए सौकदै? 4ऐसी जमाने कै बुरै, औरौ गौलत सौमबंध राखणौवाल़ै लोग किथुखै निशान चांव, पौरौ योना पौरमेशवर कै बातौ बौताणौवाल़ै कै निशान छोडे़बा कुणजाई बै निशान ना दिया जांदा।” औरौ सै तिनु छोडे़बा आगु हौटा।
फरीसी औरौ सदूकी लोगौ का खमीर
(मर 8:14-21)
5औरौ चैलै झील कै पाइले ढौबौ जांदै सौमय रोटी लाणी बैसरै गौवै थिए। 6यीशुए तिनुखै बौल़ौ, “फरीसी लोगौ औरौ सदूकी लोगौ कै खमीर दै चौकश रौया।” 7चैलै आपी मुंजी विचार कौरदै लागै, “की आमै रोटी लाए ना रैई इथकारिए यीशुए ऐशैखै बौल़ौ।” 8ऐजौ जाणैबा यीशुए तिनुखै बौल़ौ, “ओए रै बिशवाश ना कौरणौवाल़ै लोगौ, तुऐं आपी मुंजी किथुखै विचार कौरौ, कै आमुए तौ रोटी बै लाए ना रैई? 9का तुऐं इबी तौड़ी ना रैई सौमझै? का तुऔं याद ना आथी कै मोऐं पाँच हजार लोगौ कै पाँच रोटी लैई खियोऊं थियु, औरौ तुऐं कैतरी शैकड़ी टिपी थी? 10औरौ जोबै चार हजार लोगौ खै सात रोटी दी थी; तोबै तुऐं कैतरी शैकड़ी टिपी राए थी। 11तुऐं किथुखै ना सौमझौ कै मोऐं तुऔं खै रोटी कै बारै मुंजी ना बुली? पौरौ फरीसी लोगौ औरौ सदूकी लोगौ कै खमीर दै चौकश रौया।” 12तोबै तिनकै सौमझ ओऊ, कै तैणै रोटी कै खमीर शै नै, पौरौ फरीसी लोगौ औरौ सदूकी लोगौ कै शिक्षा दै चौकश रौणौ खै बौल़ौ थियु।
पतरस का यीशु खै मसीह मानणा
(मर 8:27-30; लूका 9:18-21)
13यीशुए कैसरिया फिलिप्पी नोगरो दै आयौ आपणै चैलै कैईंदु पूछु, “कै लोग मुं आदमी कै बैटै खै का बौल़ौ?” 14तिनुऐ बौल़ौ, “किछै लोग तौ यूहन्ना बपतिस्मा दाता बौल़ौ; औरौ किछै एलिय्याह; औरौ किछै यिर्मयाह या पौरमेशवर कै बातौ बौताणौवाल़ै मुंजीदा कुणिए ऐक बौल़ौ?” 15तैणै तिनुखै पूछु, “पौरौ तुऐं का बिशवाश कौरौ कै हांव कुण औसौ?” 16शमौन पतरसे जोवाब दिया, “कै तू जीवते पौरमेशवर का बैटा मसीह औसौ।” 17यीशुए तैसीखै जोवाब दिया, “ओए रै शमौन योना का बैटा, तू धन्य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए। 18औरौ हांव बै ताखै बुलूए, की तू पतरस औसौ; औरौ हांव ऐसी पाथरो पांदी आपणै मसीह कै कलीसिया बाणदा औरौ पताल़ो कै फाटक तिथपांदी प्रबल ना हौंदै। 19हांव ताखै स्वर्ग कै राज्य की कुंजीयां दैंदा: औरौ जू तू धोरती पांदी बान्ला, सै स्वर्गो दो बानै जांदो; औरौ जू किछै तू धोरती पांदी खोलला सै स्वर्गो दो खोले जांदो।” 20तोबै यीशुए चैलै खै चिताऐबा बौल़ौ, “कै मैरै बारै मुंजी कोसी कैंई नी बौलेया, कै हांव मसीह औसौ।”
यीशु कौ आपणी मौत कै बारै मुंजी बौताणौ
(मर 8:31-9:1; लूका 9:22-27)
21तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।” 22इथपांदी पतरसे तैसीखै जौई नीयां औरौ डांटदा लागा औरौ बौल़ौ, “ओए रै प्रभु, पौरमेशवर ना कौरौ, की तैरै साथै कौलोंई ऐशै हौं।” 23तैणै पाछु फिरैयौ पतरस खै बौल़ौ, “ओए रै शैतान, मैरै सामणै दा दूर हौए जा: तू मुं कारिए ठोकर कै बौजैह औसौ; जिथु तोंवारै बिचार आदमी कै जैशणै औसौ, ना कै पौरमेशवर कै जैशणै औसौ।”
यीशु कै पौछौड़ियौ हांडणौ का मतलब
24तोबै यीशुए आपणै चैलै कै बौल़ौ, “जै तुऐं मैरै चैलै बौणणे चांव, तौ तुऔं खै आपणी इछाएं छुड़णी पौड़ली। औरौ आपणा क्रूस टिपयौ मैरै पौछौड़ियौ हांडणौ पोड़लो (आपणै क्रूस उठाणौ का मतलब औसौ, दुख औरौ नेंदैया सोणै पोड़दै औरौ आपणै प्राण तक बै दैणै पोड़लै)। 25जिथुखै जू कुणिए इयौं धोरती पांदी आपणै जिन्दगी बौचाणौ कै कौचिश कौरला, सै हमैशा कै जिन्दगी गवांए दैला, पौरौ जू कुणिए मुं पांदी बिशवाश कौरलै औरौ जू कुणिए मुं कारिए आपणै जिन्दगी गंवाला, सै स्वर्ग दै हमैशा खै जिन्दगी पाला। 26ऐक आदमी कै का भेटलो जै तैसीखै पूरी दुनिया कै चीज़ौ भेटली? औरौ पौरमेशवर कै साथै हमैशा कै जिन्दगी खोए दैला। हमैशा कै जिन्दगी कै बौदलै आदमी पौरमेशवर कै का दैय सौकौ? 27हांव आदमी का बैटा आपणै स्वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’ 28हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”
Okuqokiwe okwamanje:
मत्ती 16: SRXNT
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
