AmaHubo 21
21
Abakwa-Israyeli bambonga uNkulunkulu ngokusinda kwenkosi yabo
Kumholi wokuhlabelela. Ihubo likaDavide.
1 Jehova, inkosi iyajabula ngamandla akho;
iyethaba kangakanani ngensindiso yakho.
2 Uyinikile njengokwenhliziyo yayo,
nesicelo sezindebe zayo awusinqabanga. Sela*
3 Ngokuba wayihlangabeza ngezibusiso zokuhle;
wafaka umqhele wegolide elihle ekhanda layo.
4 Yacela ukuphila kuwe,
wayinika khona,
izinsuku ezinde kuze kube phakade naphakade.
5Inkulu inkazimulo yayo ngenxa yensindiso yakho;
udumo nobukhosi ukubeka phezu kwayo.
6 Ngokuba uyibeka ukuba ibe yisibusiso kuze kube phakade;
uyithokozisa ngenjabulo ebusweni bakho.
7 Ngokuba inkosi iyethemba uJehova,
nangenxa yesihawu soPhezukonke ayiyikuzanyazanyiswa.
8Isandla sakho siyakufumana zonke izitha zakho;
esokunene sakho siyakubafumana abakuzondayo.
9 Uyakubenza babe njengesithando somlilo,
nxa ubonakalisa ubuso bakho;
uJehova uyakubagwinya ngentukuthelo yakhe,
umlilo uyakubaqeda.
10 Isithelo sabo uyakusichitha emhlabeni
kanye nenzalo yabo phakathi kwabantwana babantu.
11Ngokuba babehlosa okubi,
baceba icebo;
kepha bayahluleka.
12 Ngokuba uyakubafulathelisa;
ngosinga lomnsalo wakho uyakukhomba ebusweni babo.
13Mawuphakame, Jehova,
emandleni akho;
thina siyakuhlabelela, sidumise amandla akho.
Okuqokiwe okwamanje:
AmaHubo 21: ZUL59
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Bible Society of South Africa 1959, 1997. Used with permission. All rights reserved.