Amavesi eBhayibheli adumile avela kokuthi Pakaso 9

Dlulisela

Ọkụma pa ị̀ya kụrọ mị se ó ḍieḅịa ẹrẹchị, à wẹrịso se ó ḍumomẹ, mịẹse ị̀ya ẹrẹso mị, wasama mun bebe tomonikiri mị mgba kelemaḅịa ọkụ.

Nyanaḅọ Ḅe nwọse Moziz ḅe ḅẹmẹ, “Somun ḍuko amanyanaḅọ ḅe pịrị na Nyanaḅọ, Hibru apụ Tamụnọ Ḅe, nwọ ḅẹmẹ, ‘Ị̀ya tomonima wẹrịso ini so, mịẹse ini ị̀ tẹkẹḅịa ọkụ.

À ḅọrọ nemikase ị̀ ḅara deki se obi se ị́rị́ na ị́ya tomonima na fomu ọkụma, mgbọkụ ọ́ fịsosam.

à ḅalafama obi seni ọ́mịna nama mamgba gbinḅịa se fomuḅara seni ọ́mịna asụnma na, yepụra asụn ma na, ike-nambuloma na, nambuloma na, ananama na, pịkị oḅorima na pịrịḅịa. Izrẹlapụ namama na pịkị Ijipt apụ nama na ogboku à kịrị elekima chụa koromaḅịa, se Izrẹlapụ namama ḅụ gbọrị wu sọnị fịẹkẹ.

Ḅa nwọ pembe ḅiri à mịẹse opu ene mgbọlụ-irisi fieḅịa, Ijipt mị jịn sịkị ma ọrịkaye. Mịọkụ kụrọ pịrị ini ọ́mịna nama mamgba tan warị chu, pịkị nụngọ ḅụ simeye goyegoye mamgba ó se warị ḅie chu se àrị tịḅịkikima. Opu ene mgbọlụ koro tomonima na namama na ḅaaḅịa, anị tịḅịkikimaye oforika ḅara seni papa nụngọ ogbo sara simeye goyegoye.’”

Ànị iḅi nwịnịnwịnị fọn ḅara seni wasama bebe Ijipt ama mị mgba kelemaḅịa, se nyọ mamgba ḅụ anị ịnọtọrụ chụa ọpọpọlị pakụmaḅịa, tomonima ḅụ na namama ḅụ na.” Anị ini fọn ọkị se mun amanyanaḅọ ḅe tọrọkọ chịẹye-ẹ; Moziz ḅe anị se fọrụ mị ḅie sara wasamamẹ amanyanaḅọ ḅe tọrọkọ ḅụ, se àrị ịnọtọrụ chụa ọpọpọlị pakụmamẹ tomonima na namama na ḅụ.