Amavesi eBhayibheli adumile avela kokuthi Pakaso 10

Dlulisela

Anị Nyanaḅọ Ḅe nwọse Moziz ḅe ḅẹye-ẹ, “Somun amanyanaḅọ ḅe ḍiki. À mịẹse ori na oria fịrịtịḅịdapụ ma na ini ininachịnsam, mịẹse inia ogboku ḅụ à ma ḅụgbiripumaye ma mịẹḅịa ẹrẹchị pịkị mịẹse ómine ineda à ḅara wẹrịma Ijipt apụma seni oḅori chịẹma ọkụ mị nwọ ḍuko ọ́mịna awọma na ọ́mịna awọma yi ḅịa awọma na pịrịḅịa ọkụ, anị ma ḅụgbiripumaye ma à nwọ mịẹarị sịkị ḅụ. Ómine mgba ó nemiḅịa na Ị̀rị̀ anị Nyanaḅọ Ḅe-ẹ.”

Nyanaḅọ Ḅe anịeso nwọse Moziz ḅe ḅẹmẹ, “Ị́ ḅara dekichịẹma so mị da, anịsịkị opu kanakana kpo Ijipt ama mị gbẹịnḅịa.” Moziz ḅe ori ọ̀ ḅarama dekichịẹma so mị damẹ, se tẹrẹ-a ḍin ḅụ bebe Ijipt ama mị mgba opu kanakana kpo anị gbẹịnmẹ. Ijipt apụma ini ineda jụmḅọ jụmḅọ ọrịkẹ, anị sịkị mị ḅụ nụḅọ warị koroma paka gbọrịḅọ sọnị ofori-ẹ. Ọkụma Izrẹlapụma ini anga nyọ mị enekuḅu omi-ẹ.

Anị Moziz ḅe oria amgbara mị dekichịẹmaye-ẹ, se Nyanaḅọ Ḅe ọ̀ mịẹmẹ ịrụa mị pakapaka anga ḅụ fọrụ fieḅo ama mị ọgọnọ saramẹ, ḍin na enekaka na ḅụ. Dede funfun ḅụ anị igurube ma koroḅo ama mị ḅie saraye-ẹ. Kpo ḅụ arịḅo bebe sẹ mị mgba ḅie saramẹ. Mịn igurube kpo mị ḅakatẹịn jịn sịkị ini ọrịsa ye nẹngịmẹ, anịkanịka anị na kịkịnaye jịn sịkị nweni ḅarị pịkị ọrịẹkẹ.