Mag 9
9
1Bhô bican thong dôm anưk xêh: “Biak jơh, Ita đôm thong khol hư, dalam dôm urang dang tak ni, hu tha thanôn mưca ôh mưtai dahlau di tuk ƀôh Dit Biya Pô Lingik mưrai thong ganuh gon.”
Pô Yê-su thrơh thek
(Ma-thi-ơ 17:1-13; Lu-ka 9:28-36)
2 #
II Phi 1:17,18. Hadei di nam harei, Pô Yê-su ba karei Phi-e-rơ, Ya-kơ, Yâng thubik thong Bhô tagôk tha cơk glong, thong Bhô thrơh thek di anak khol nhu. 3Ao khan Bhô gilaic jiơng hadah tanrak thong ƀông kok thangak ôh hu ragei halei ngok dunya ni hu mưda ngak kok bihu yau nan. 4Ê-li thong Mô-se bhat tabiak đôm pôic thong Pô Yê-su. 5Phi-e-rơ pathau thong Pô Yê-su: “Pathau Gru, khol drei dok pak ni ligeh lô; khol dahlak likau padang klau boh hadai: Tha boh ka Gru, tha boh ka Mô-se, thong tha boh ka Ê-li.” 6Phi-e-rơ ôh thau drei dok đôm haget kaywa ong thong dôm urang dêh jang biak thur mưk. 7#Mat 3:17; Mag 1:11; Lu 3:22.Bloh hu tha halong taganum tulam khol nhu; mưng dalam halong taganum hu xap bican laic: “Sani nạn Anưk uranam Ita, xang pang panôic Anưk!” 8Asak, dôm anưk xêh mong tom dar, ôh ƀôh thei, ciêt dok tha drei Pô Yê-su dok thong khol nhu min.
9Tuk mưng ngok cơk trun thubik dôm anưk xêh, Bhô kakei khol nhu ôh bihu đôm vơk thong thei dôm kabha drei krung hu ƀôh ka tal tuk Anưk Mưnuix mưng lôg mưtai diup vơk. 10Dôm anưk xêh đom kanal panôic nan thong tanhi gaup “mưng lôg mưtai diup vơk” ar nạn haget? 11#Mat 11:14.Bloh khol nhu tanhi Bhô: “Ywa haget dôm gru pato adat đôm laic Ê-li xang mai dahlau?” 12Bhô thuuk: “Ê-li xang mưrai dahlau piêh thulih abih bruk. Dok panôic vak ka Anưk Mưnuix laic Bhô xang ciup ralô pađik raƀah thong gok coh brah yơ yau halei? 13Min Ita đôm thong khol hư thau, Ê-li krung hu mưrai pajơ, thong mưnuix urang krung hu dok dang thong ong tui jamal khol nhu, njaup yau panôic krung hu vak ka ong rei.”
Pô Yê-su tiaup tan ok yang ka ban xit
(Ma-thi-ơ 17:14-21; Lu-ka 9:37-43a)
14Tuk Pô Yê-su thong klau anưk xêh gilaic vơk libik dôm anưk xêh pakan Pô ƀôh tha tapôr bôl biak ralô krưh dok vang tom dar khol nhu; hu dôm gru pato adat dok jajek thong khol nhu. 15Birau ƀôh Bhô, bih tapôr ralô biak plơng kadơng binhêt đôic mai rok daa Bhô. 16Bhô tanhi khol nhu: “Khol hư jajek thong dôm anưk xêh ka bruk haget nan?” 17Tha urang dalam tapôr ralô thuuk: “Pathau Gru, dahlak ba anưk likei dahlak mưrai ka Gru. Kamôn gok agarih yang mưk, ngak ka gok kamlo. 18Yāup ƀang agarih yang mưk yơ caboh kamôn jalơh trun, ngak ka ju ia pabah, grik tagei bloh mưtai dêng. Dahlak krung hu nhơ di dôm anưk xêh Gru tiaup agarih yang nan, min khol nhu ôh tiaup bihu.” 19Pô Yê-su đôm: “Hơic rai rak ôh dial dêh, mưca Ita xang dok thong khol hư ka tal habiên? Mưca Ita dadôn khol hư ka tal habiên? Xang ba ban xit mai ka Ita.” 20Khol nhu ba ban xit mưrai ka Bhô. Birau ƀôh Pô Yê-su, yang nan binhêt paboh khang ban xit, nhu jalơh trun haluk, galung drei, ju ia pabah. 21Pô Yê-su tanhi ong amư: “Kamôn gok yau ni krung hu livik hadôm bloh?” Ong amư thuuk: “Mưng tuk kamôn dok xit. 22Ajin ni krung hu ralô ƀang parah kamôn tamư apui, tamư ia, piêh pamưtai kamôn. Min mưyah Gru hu mưda ngak bihu haget, likau athur alim khol dahlak thong pajup ka!” 23Pô Yê-su thuuk: “Habar gilaic đôm ‘mưyah Gru hu mưda ngak bihu?’ Thei dial yơ abih bruk jang bihu bih.” 24Binhêt amư ban xit prêu tagôk laic: “Dahlak dial, likau pajup ka gruk ôh dial dahlak!” 25Tuk ƀôh tapôr bôl hatap mưrai, Pô Yê-su xayok tan ok yang thong bican: “Ajin kamlo thong langoh dêh, Ita thurah ka hư xang tabiak truh di ban xit ni, ôh bihu tamư nhu vơk!” 26Ajin nan drêu tagôk, paboh khang ban xit bloh tabiak truh; ban xit drơh yau tha atau mưtai, nan ka ralô urang đôm laic: “Nhu mưtai bloh!” 27Min Pô Yê-su tho tangin ban xit, vơh nhu tagôk, thong nhu tagôk dang.
28Tuk Pô Yê-su krung hu tamư dalam thang bloh, dôm anưk xêh tanhi karei Bhô: “Kaywa habar khol dahlak ôh tiaup bihu ajin nan?” 29Bhô thuuk: “Mưyah ôh lang kar#9:29 lang kar: Dalam tha thanôn blah vak tangin nạn lang kar thong ikak tian ơk. yơ ôh thei tiaup Ajin ni tabiak bihu.”
Pô Yê-su gilaic brei thau dahlau ka gruk Bhô mưtai thong gruk diup vơk
(Ma-thi-ơ 17:22-23; Lu-ka 9:43b-45)
30Niga libik nan, Pô Yê-su thong dôm anưk xêh nao thrang tapa nưgar Ga-li-lê. Bhô ôh ưng brei ka thei thau, 31kaywa Bhô dok pato dôm anưk xêh laic: “Anưk Mưnuix mưca gok jao tamư tangin mưnuix urang, khol nhu mưca pamưtai Bhô; bloh hadei di klau harei tuk gok pamưtai, mưca Bhô diup vơk.” 32Min dôm anưk xêh ôh dul panôic nan, gilaic hôic ôh khin tanhi Bhô.
Gruk glong banrik biak
(Ma-thi-ơ 18:1-5; Lu-ka 9:46-48)
33Pô Yê-su thong dôm anưk xêh mưrai tak dhan Ka-ƀê-na-um, tuk krung hu tamư thang, Bhô tanhi dôm anưk xêh: “Tuk nao jalan, khol hư xin biai thong gaup bruk haget nan?” 34#Lu 22:24.Min khol nhu gađang, kaywa thôi jalan khol nhu krung hu gang gaup thei nạn mưnuix glong banrik hơl di bih. 35#Mat 20:26,27; Mat 23:11; Mag 10:43,44; Lu 22:26.Bhô dok dala, iêu tha pluh dwa Xêh Pachai thong đôm: “Mưyah thei ưng dang dahlau, yơ xang dang hadei luic thong ngak halun ka abih drei.” 36Bloh Bhô ba tha ban xit padok di krưh dôm anưk xêh; Bhô pôk adei xit dalam tangin bloh đôm: 37#Mat 10:40; Lu 10:16; Yâ 13:20.“Urang halei kaywa di angan Ita rok daa tha ban xit yau ni#9:37 tha ban xit yau ni: Ngan nạn tha dalam dôm anưk rineh ni. ar nạn rok daa Ita, dok thei rok daa Ita nạn ôh njaup rok daa Ita, min rok daa Dê krung hu pachai Ita.”
Thei ôh mưradhag di khol drei nạn bha di khol drei
(Lu-ka 9:49-50)
38Yâng đôm thong Bhô: “Pathau Gru, khol dahlak krung hu ƀôh hu urang nưmax angan Gru bloh tiaup dôm ajin, thong khol dahlak krung hu pakaup kaywa urang nan ôh tui khol drei.” 39Min Pô Yê-su pađar: “Jôi ghak khol nhu, kaywa ôh thei hu mưda gam nưmax angan Ita ngak thunau crih gam đôm jhak Ita bihu. 40#Mat 12:30; Lu 11:23.Thei ôh mưradhag khol drei nạn grong khol drei. 41#Mat 10:42.Dok thei nưmax angan Ita brei ka khol hư tha panhin ia, kaywa khol hư bha di Dê Krist, biak jơh Ita đôm thong khol hư, mưca urang nan ôh lihik kaya alin drei ô. 42Min thei ngak ka tha dalam dôm ban xit ni krung hu dial Ita lek tamư danuh glaic yơ dak ikak lathung patau di takôi urang nan bloh parah trun tathik dok hơl.”
Gruk palwô ngal ngak ka tanrok glaic
(Ma-thi-ơ 18:6-9)
43 #
Mat 5:30. “Mưyah tangin hư ngak ka hư tanrok glaic, xang koh nhu mek! Dak kut tha gah tangin bloh hu tamư gruk diup, dok hơl tal dwa gah tangin bloh gok lek tamư nôriga, dalam apui ôh mưda padam, 44[nạn libik halak haling ôh bik mưtai, thong apui ôh bik padam.]#9:44 Dalam tha thanôn blah vak tangin ôh hu kanen 44. 45Mưyah takai hư ngak ka hư tanrok glaic, xang koh nhu mek! Dak kut tha gah takai bloh tamư gruk diup, dok hơl tal dwa gah takai bloh gok parah tamư nôriga, 46[nạn libik halak haling ôh bik mưtai, thong apui ôh bik padam.]#9:46 Dalam tha thanôn blah vak tangin ôh hu kanen 46. 47#Mat 5:29.Dok mưyah mưta hư ngak ka hư tanrok glaic, xang log nhu mek! Kaywa dak tagloh tha gah mưta bloh tamư Dit Biya Pô Lingik, dok hơl tal bih dwa gah mưta bloh gok parah tamư nôriga, 48nạn libik halak haling ôh bik mưtai thong apui ôh bik padam. 49Kaywa yāup urang mưca gok jamưah mưng apui yau panôja bihu jamưah mưng xara.#9:49 Kaywa... xara: Dalam tha thanôn blah vak tangin nạn kaywa abih drei mưca gok pađam mưng apui; Dalam tha thanôn blah vak tangin nạn kaywa abih kaya ƀai mưca pađam mưng xara; Dalam tha thanôn blah vak tangin nạn kaywa abih drei mưca gok pađam mưng apui, thong abih panôja mưca pađam mưng xara.
50 #
Mat 5:13; Lu 14:34,35. Xara takrung nạn siam, min mưyah xara lihik licar ƀak, xang ngak habar ka ƀak gilaic vơk? Khol hư xang hu xara dalam tian, thong dok dang yak yum thong gaup.”
© 2024 Bible Society Vietnam. All rights reserved.
Mag 9
9
1Bhô bican thong dôm anưk xêh: “Biak jơh, Ita đôm thong khol hư, dalam dôm urang dang tak ni, hu tha thanôn mưca ôh mưtai dahlau di tuk ƀôh Dit Biya Pô Lingik mưrai thong ganuh gon.”
Pô Yê-su thrơh thek
(Ma-thi-ơ 17:1-13; Lu-ka 9:28-36)
2 #
II Phi 1:17,18. Hadei di nam harei, Pô Yê-su ba karei Phi-e-rơ, Ya-kơ, Yâng thubik thong Bhô tagôk tha cơk glong, thong Bhô thrơh thek di anak khol nhu. 3Ao khan Bhô gilaic jiơng hadah tanrak thong ƀông kok thangak ôh hu ragei halei ngok dunya ni hu mưda ngak kok bihu yau nan. 4Ê-li thong Mô-se bhat tabiak đôm pôic thong Pô Yê-su. 5Phi-e-rơ pathau thong Pô Yê-su: “Pathau Gru, khol drei dok pak ni ligeh lô; khol dahlak likau padang klau boh hadai: Tha boh ka Gru, tha boh ka Mô-se, thong tha boh ka Ê-li.” 6Phi-e-rơ ôh thau drei dok đôm haget kaywa ong thong dôm urang dêh jang biak thur mưk. 7#Mat 3:17; Mag 1:11; Lu 3:22.Bloh hu tha halong taganum tulam khol nhu; mưng dalam halong taganum hu xap bican laic: “Sani nạn Anưk uranam Ita, xang pang panôic Anưk!” 8Asak, dôm anưk xêh mong tom dar, ôh ƀôh thei, ciêt dok tha drei Pô Yê-su dok thong khol nhu min.
9Tuk mưng ngok cơk trun thubik dôm anưk xêh, Bhô kakei khol nhu ôh bihu đôm vơk thong thei dôm kabha drei krung hu ƀôh ka tal tuk Anưk Mưnuix mưng lôg mưtai diup vơk. 10Dôm anưk xêh đom kanal panôic nan thong tanhi gaup “mưng lôg mưtai diup vơk” ar nạn haget? 11#Mat 11:14.Bloh khol nhu tanhi Bhô: “Ywa haget dôm gru pato adat đôm laic Ê-li xang mai dahlau?” 12Bhô thuuk: “Ê-li xang mưrai dahlau piêh thulih abih bruk. Dok panôic vak ka Anưk Mưnuix laic Bhô xang ciup ralô pađik raƀah thong gok coh brah yơ yau halei? 13Min Ita đôm thong khol hư thau, Ê-li krung hu mưrai pajơ, thong mưnuix urang krung hu dok dang thong ong tui jamal khol nhu, njaup yau panôic krung hu vak ka ong rei.”
Pô Yê-su tiaup tan ok yang ka ban xit
(Ma-thi-ơ 17:14-21; Lu-ka 9:37-43a)
14Tuk Pô Yê-su thong klau anưk xêh gilaic vơk libik dôm anưk xêh pakan Pô ƀôh tha tapôr bôl biak ralô krưh dok vang tom dar khol nhu; hu dôm gru pato adat dok jajek thong khol nhu. 15Birau ƀôh Bhô, bih tapôr ralô biak plơng kadơng binhêt đôic mai rok daa Bhô. 16Bhô tanhi khol nhu: “Khol hư jajek thong dôm anưk xêh ka bruk haget nan?” 17Tha urang dalam tapôr ralô thuuk: “Pathau Gru, dahlak ba anưk likei dahlak mưrai ka Gru. Kamôn gok agarih yang mưk, ngak ka gok kamlo. 18Yāup ƀang agarih yang mưk yơ caboh kamôn jalơh trun, ngak ka ju ia pabah, grik tagei bloh mưtai dêng. Dahlak krung hu nhơ di dôm anưk xêh Gru tiaup agarih yang nan, min khol nhu ôh tiaup bihu.” 19Pô Yê-su đôm: “Hơic rai rak ôh dial dêh, mưca Ita xang dok thong khol hư ka tal habiên? Mưca Ita dadôn khol hư ka tal habiên? Xang ba ban xit mai ka Ita.” 20Khol nhu ba ban xit mưrai ka Bhô. Birau ƀôh Pô Yê-su, yang nan binhêt paboh khang ban xit, nhu jalơh trun haluk, galung drei, ju ia pabah. 21Pô Yê-su tanhi ong amư: “Kamôn gok yau ni krung hu livik hadôm bloh?” Ong amư thuuk: “Mưng tuk kamôn dok xit. 22Ajin ni krung hu ralô ƀang parah kamôn tamư apui, tamư ia, piêh pamưtai kamôn. Min mưyah Gru hu mưda ngak bihu haget, likau athur alim khol dahlak thong pajup ka!” 23Pô Yê-su thuuk: “Habar gilaic đôm ‘mưyah Gru hu mưda ngak bihu?’ Thei dial yơ abih bruk jang bihu bih.” 24Binhêt amư ban xit prêu tagôk laic: “Dahlak dial, likau pajup ka gruk ôh dial dahlak!” 25Tuk ƀôh tapôr bôl hatap mưrai, Pô Yê-su xayok tan ok yang thong bican: “Ajin kamlo thong langoh dêh, Ita thurah ka hư xang tabiak truh di ban xit ni, ôh bihu tamư nhu vơk!” 26Ajin nan drêu tagôk, paboh khang ban xit bloh tabiak truh; ban xit drơh yau tha atau mưtai, nan ka ralô urang đôm laic: “Nhu mưtai bloh!” 27Min Pô Yê-su tho tangin ban xit, vơh nhu tagôk, thong nhu tagôk dang.
28Tuk Pô Yê-su krung hu tamư dalam thang bloh, dôm anưk xêh tanhi karei Bhô: “Kaywa habar khol dahlak ôh tiaup bihu ajin nan?” 29Bhô thuuk: “Mưyah ôh lang kar#9:29 lang kar: Dalam tha thanôn blah vak tangin nạn lang kar thong ikak tian ơk. yơ ôh thei tiaup Ajin ni tabiak bihu.”
Pô Yê-su gilaic brei thau dahlau ka gruk Bhô mưtai thong gruk diup vơk
(Ma-thi-ơ 17:22-23; Lu-ka 9:43b-45)
30Niga libik nan, Pô Yê-su thong dôm anưk xêh nao thrang tapa nưgar Ga-li-lê. Bhô ôh ưng brei ka thei thau, 31kaywa Bhô dok pato dôm anưk xêh laic: “Anưk Mưnuix mưca gok jao tamư tangin mưnuix urang, khol nhu mưca pamưtai Bhô; bloh hadei di klau harei tuk gok pamưtai, mưca Bhô diup vơk.” 32Min dôm anưk xêh ôh dul panôic nan, gilaic hôic ôh khin tanhi Bhô.
Gruk glong banrik biak
(Ma-thi-ơ 18:1-5; Lu-ka 9:46-48)
33Pô Yê-su thong dôm anưk xêh mưrai tak dhan Ka-ƀê-na-um, tuk krung hu tamư thang, Bhô tanhi dôm anưk xêh: “Tuk nao jalan, khol hư xin biai thong gaup bruk haget nan?” 34#Lu 22:24.Min khol nhu gađang, kaywa thôi jalan khol nhu krung hu gang gaup thei nạn mưnuix glong banrik hơl di bih. 35#Mat 20:26,27; Mat 23:11; Mag 10:43,44; Lu 22:26.Bhô dok dala, iêu tha pluh dwa Xêh Pachai thong đôm: “Mưyah thei ưng dang dahlau, yơ xang dang hadei luic thong ngak halun ka abih drei.” 36Bloh Bhô ba tha ban xit padok di krưh dôm anưk xêh; Bhô pôk adei xit dalam tangin bloh đôm: 37#Mat 10:40; Lu 10:16; Yâ 13:20.“Urang halei kaywa di angan Ita rok daa tha ban xit yau ni#9:37 tha ban xit yau ni: Ngan nạn tha dalam dôm anưk rineh ni. ar nạn rok daa Ita, dok thei rok daa Ita nạn ôh njaup rok daa Ita, min rok daa Dê krung hu pachai Ita.”
Thei ôh mưradhag di khol drei nạn bha di khol drei
(Lu-ka 9:49-50)
38Yâng đôm thong Bhô: “Pathau Gru, khol dahlak krung hu ƀôh hu urang nưmax angan Gru bloh tiaup dôm ajin, thong khol dahlak krung hu pakaup kaywa urang nan ôh tui khol drei.” 39Min Pô Yê-su pađar: “Jôi ghak khol nhu, kaywa ôh thei hu mưda gam nưmax angan Ita ngak thunau crih gam đôm jhak Ita bihu. 40#Mat 12:30; Lu 11:23.Thei ôh mưradhag khol drei nạn grong khol drei. 41#Mat 10:42.Dok thei nưmax angan Ita brei ka khol hư tha panhin ia, kaywa khol hư bha di Dê Krist, biak jơh Ita đôm thong khol hư, mưca urang nan ôh lihik kaya alin drei ô. 42Min thei ngak ka tha dalam dôm ban xit ni krung hu dial Ita lek tamư danuh glaic yơ dak ikak lathung patau di takôi urang nan bloh parah trun tathik dok hơl.”
Gruk palwô ngal ngak ka tanrok glaic
(Ma-thi-ơ 18:6-9)
43 #
Mat 5:30. “Mưyah tangin hư ngak ka hư tanrok glaic, xang koh nhu mek! Dak kut tha gah tangin bloh hu tamư gruk diup, dok hơl tal dwa gah tangin bloh gok lek tamư nôriga, dalam apui ôh mưda padam, 44[nạn libik halak haling ôh bik mưtai, thong apui ôh bik padam.]#9:44 Dalam tha thanôn blah vak tangin ôh hu kanen 44. 45Mưyah takai hư ngak ka hư tanrok glaic, xang koh nhu mek! Dak kut tha gah takai bloh tamư gruk diup, dok hơl tal dwa gah takai bloh gok parah tamư nôriga, 46[nạn libik halak haling ôh bik mưtai, thong apui ôh bik padam.]#9:46 Dalam tha thanôn blah vak tangin ôh hu kanen 46. 47#Mat 5:29.Dok mưyah mưta hư ngak ka hư tanrok glaic, xang log nhu mek! Kaywa dak tagloh tha gah mưta bloh tamư Dit Biya Pô Lingik, dok hơl tal bih dwa gah mưta bloh gok parah tamư nôriga, 48nạn libik halak haling ôh bik mưtai thong apui ôh bik padam. 49Kaywa yāup urang mưca gok jamưah mưng apui yau panôja bihu jamưah mưng xara.#9:49 Kaywa... xara: Dalam tha thanôn blah vak tangin nạn kaywa abih drei mưca gok pađam mưng apui; Dalam tha thanôn blah vak tangin nạn kaywa abih kaya ƀai mưca pađam mưng xara; Dalam tha thanôn blah vak tangin nạn kaywa abih drei mưca gok pađam mưng apui, thong abih panôja mưca pađam mưng xara.
50 #
Mat 5:13; Lu 14:34,35. Xara takrung nạn siam, min mưyah xara lihik licar ƀak, xang ngak habar ka ƀak gilaic vơk? Khol hư xang hu xara dalam tian, thong dok dang yak yum thong gaup.”
© 2024 Bible Society Vietnam. All rights reserved.