Mag 10
10
Rapajan anưd Pô Yê-su tak Yu-đê thong Yê-ru-sa-lem
(10:1 – 13:37)
Masalah pakloh gaup
(Ma-thi-ơ 19:1-12; Lu-ka 16:18)
1Mưng nan Pô Yê-su nao tamư nưgar Yu-đê [thong nưgar]#10:1 [thong nưgar]: Dalam tha thanôn blah vak tangin ôh hu dôm akhar ni. gah dêh krong Yô-đar. Tapôr bôl gilaic tom nhom tom dar Bhô, thong yau krung hu, Bhô pato pakai khol nhu. 2Hu hadôm urang Pha-ri-si mưrai tanhi piêh long Bhô: “Likei bihu idin pakloh hadiup lei?” 3Bhô tanhi: “Mô-se krung hu tathit pato ka khol hư kabha haget?” 4#Mat 5:31.Khol nhu thuuk: “Mô-se brei idin ka likei vak biar pakloh bloh klāk hadiup.” 5Pô Yê-su bican: “Êng kaywa gruk khang tian khol hư, bloh Mô-se mưng vak tabiak adat ni. 6Min mưng vār padak padang dunya, ‘Pô Lingik padak padang mưnuix likei thong tha mưnuix kamei.’ 7‘Kaywa gađi gadha nan bloh urang likei xang niga amek amư drei [thong pagam thong hadiup]#10:7 [thong pagam thong hadiup]: Dalam tha thanôn blah vak tangin ôh hu dôm akhar ni., 8thong dwa urang gilaic hajiơng tha rilo.’ Yau nan, mưca hadiup pathang ôh dok dwa tra, min ciêt nạn tha. 9Yau nan mưrôxak ôh bihu klah nưh dôm urang Pô Lingik krung hu pagam.”
10Tuk tamư dalam thang dôm anưk xêh gilaic tanhi Bhô ka bruk nan; 11#Mat 5:32; I Kô 7:10,11.Bhô bican: “Mưnuix halei pakloh hadiup piêh khing urang pakan nạn tanrok glaic ƀang glai mưtah jom thong hadiup. 12Dok mưyah urang kamei pakloh pathang piêh khing urang pakan yơ lijang tanrok glaic ƀang glai mưtah.”
Pô Yê-su tadhau phôl ka anưk rineh
(Ma-thi-ơ 19:13-15; Lu-ka 18:15-17)
13Mưnuix urang ba anưk rineh mưrai tom Pô Yê-su piêh bihu Bhô cek tangin ngok mưnok nhu, min dôm anưk xêh xayok khol nhu. 14Ƀôh yau nan, Bhô dangih thong pađar dôm anưk xêh: “Xang lôi anưk rineh mưrai mưthong Ita, jôi pakaup khol nhu, kaywa Dit Biya Pô Lingik bha di dôm urang halei drơh yau dôm anưk rineh ni. 15#Mat 18:3.Biak jơh, Ita đôm thong khol hư, thei ôh takabal Dit Biya Pô Lingik yau tha anưk raneh yơ mưca ôh bihu tamư tak nan.” 16Bloh Bhô pôk dôm anưk raneh nan, cek tangin di khol nhu thong tadhau phôl ka.
Urang likei dam ginup mưda
(Ma-thi-ơ 19:16-30; Lu-ka 18:18-30)
17Tuk Pô Yê-su birau mưng nao, hu tha urang đôic mai khôi pak anak Bhô thong tanhi: “Pathau Gru siam phôl, dahlak xang ngak haget piêh bihu liêng gruk diup rit rai?” 18Pô Yê-su thuuk: “Ywa haget hư iêu Ita nạn siam phôl? Klāk tha drei Pô Lingik tabiak, ôh thei nạn siam phôl trah. 19Hư thau dôm vahi: ‘Jôi pamưtai mưnuix; jôi tanrok glaic ƀang glai mưtah; jôi klek xavah; jôi ngak kaxan lor; jôi blơk blang; xang pôkja amek amư hư.’” 20Urang nan đôm: “Pathau Gru, dahlak krung hu khik abih kabha nan mưng xit mai.” 21Pô Yê-su mong urang nan bloh anit ranam thong đôm: “Hư dok u tha kabha. Xang nao pablei dôm haget drei hu thong rabha takhat ka urang kathot yơ mưca hư hu gilang banrik ngok thôr riga; bloh xang mưrai tui Ita.” 22Hamit yau nan, urang nan mưgu ia ƀok, bloh rau ri klāk nao, kaywa nhu hu biak ralô drap ar.
23Pô Yê-su mong tom dar bloh bican thong dôm anưk xêh: “Mưnuix ginup mưda tamư Dit Biya Pô Lingik biak kan thau kađơ!” 24Dôm anưk xêh plơng kadơng ka dôm panôic ni. Min Pô Yê-su gilaic bican: “Khol hư lơy, piêh bihu tamư#10:24 piêh bihu tamư: Dalam tha thanôn blah vak tangin nạn dôm urang halei giƀak tamư gruk ginup mưda piêh bihu tamư. Dit Biya Pô Lingik biak kan harơh! 25Unta lwak tapa gilong jarum dok ƀôn hơl mưnuix ginup mưda tamư Dit Biya Pô Lingik.” 26Dôm anưk xêh plơng kadơng, đôm thong gaup:#10:26 đôm thong gaup: Dalam tha thanôn blah vak tangin nạn đôm thong Bhô. “Yau nan thei mưda bihu dong paklah?” 27Pô Yê-su mong khol nhu bloh bican: “Mưrôxak ôh mưda ngak bihu bruk ni, min jom thong Pô Lingik yơ karei, kaywa Pô Lingik ngak bihu abih gruk.”
28Phi-e-rơ đôm: “Pathau Bhô, khol dahlak krung hu niga klāk abih bloh tui Bhô.” 29Pô Yê-su thuuk: “Biak jơh, Ita đôm thong khol hư, ôh thei kaywa di Ita thong Khao Siam niga klāk thang danok dei ai likei kamei, amek amư, anưk bik, hamu tanưh, 30min urak ni, vêt dalam lôk ni, gilaic ôh tôk mưk tha rituh ƀang hơl ka thang danok, dei ai likei kamei, amek amư, anưk bik, hamu tanưh, thubik thong gruk gơk tatơk thong gruk diup rit rai dalam rai hadei. 31#Mat 20:16; Lu 13:30.Min hu ralô urang tamưrơp mưca gilaic jiơng taluic, thong mưnuix taluic mưca gilaic jiơng tamưrơp.”
Ƀang ya klau Pô Yê-su brei thau dahlau ka gruk Bhô mưtai thong diup vơk
(Ma-thi-ơ 20:17-19; Lu-ka 18:31-34)
32Pô Yê-su thong dôm anưk xêh dok ngok jalan tagôk nao dhan Yê-ru-sa-lem, Bhô nao dahlau khol nhu. Dôm anưk xêh plơng kadơng, dok dôm urang tui nao yơ thur mưk. Bhô gilaic ba tabiak karei tha pluh dwa Xêh Pachai bloh đôm ka khol nhu dôm haget mưca xang mưjiơng tabiak ka drei. 33Bhô đôm: “Mưni, khol drei tagôk dhan Yê-ru-sa-lem, Anưk Mưnuix mưca gok jao ka dôm gru mưliêng prong thong dôm gru pato adat. Mưca khol nhu padok an binax Mưnuix, hakak ka mưnuix Bôl-Lingiu. 34Mưca mưnuix urang cik prêg Mưnuix, gahak kacôic di Mưnuix, atong poh thong pamưtai Mưnuix; min hadei di klau harei, mưca Mưnuix diup vơk.”
Panôic likau kanư anưd Ya-kơ thong Yâng
(Ma-thi-ơ 20:20-28)
35Dwa anưk likei Xê-ƀê-đê nạn Ya-kơ thong Yâng mưrai jek Pô Yê-su thong đôm: “Pathau Gru, khol dahlak cong Gru klan kabha khol dahlak likau kanư.” 36Bhô tanhi: “Khol hư ưng Ita ngak haget ka khol hư?” 37Khol nhu thuuk: “Tuk Gru bihu xêh mưlang, likau ka dwa urang dahlak tha urang bihu dok gah hanuk, tha urang gah iu Gru.” 38#Lu 12:50.Min Pô Yê-su đôm: “Khol hư ôh thau kabha drei likau. Khol hư hu mưda mưnhum bihu panhin Ita mưnhum, thong ciup bihu ƀap-tem Ita ciup halei?” 39Khol nhu thuuk: “Pathau bihu!” Pô Yê-su bican: “Khol hư mưca mưnhum panhin Ita mưnhum, thong mưca ciup ƀap-tem Ita ciup. 40Min bruk dok gah hanuk ngan gah iu Ita yơ Ita ôh brei bihu, libik nan piêh ka dôm urang krung bihu jarô thudia.”
41Hamit yau nan, tha pluh Xêh Pachai dêh dangih di Ya-kơ thong Yâng. 42#Lu 22:25,26.Pô Yê-su iêu khol nhu mưrai bloh đôm: “Khol hư thau laic dôm mưnuix bihu papôk ngak kar pan gon mưnuix Bôl-Lingiu yơ pakrang bôl; dôm kwan glong pakat yơ angui xagti bloh pakrang. 43#Mat 23:11; Mag 9:35; Lu 22:26.Min di krưh khol hư ôh njaup yau nan. Gilaic vơk, thei ưng ngak prong dalam khol hư yơ xang ngak halun halak, 44dok thei ưng dang dahlau dalam khol hư yơ xang ngak halun kloh ka abih drei. 45Kaywa Anưk Mưnuix krung hu mưrai, ôh njaup piêh bihu ragxa, min piêh ragxa thong limah xwan diup drei ngak yom tabuh ka ralô urang.”
Pô Yê-su pajru dhit urang tagloh pak Yê-ri-kô
(Ma-thi-ơ 20:29-34; Lu-ka 18:35-43)
46Pô Yê-su thong dôm anưk xêh mưrai Yê-ri-kô. Tuk Bhô mưthong dôm anưk xêh thong tapôr bôl nao truh di dhan, hu tha urang tagloh angan Ƀa-ti-mê, anưk likei Ti-mê, dok likau ƀang gah jalan. 47Tuk hamit đôm ni nạn Pô Yê-su, mưnuix Na-xa-ret, nhu prêu tagôk: “Pô Yê-su, Anưk patao Đa-vit lơy, likau athur alim dahlak!” 48Ralô urang pôic ka nhu, pađar xang gađang, min nhu bik prêu prong vơk: “Anưk patao Đa-vit lơy, likau athur alim dahlak!” 49Pô Yê-su padơh vơk bloh đôm: “Xang iêu urang nan mưrai tak ni.” Khol nhu iêu urang tagloh bloh đôm: “Xang kajap hatai, dang tagôk, Bhô iêu hư dêh.” 50Urang tagloh xwak klāk ao lah, bruh tagôk bloh mưrai tom Pô Yê-su. 51Pô Yê-su tanhi: “Hư ưng Ita ngak haget ka hư?” Urang tagloh thuuk: “Gru lơy, likau ka dahlak hadah mưta.” 52Bhô bican: “Nao mek, sagar hư krung hu pajru dhit ka hư.” Binhêt urang tagloh bihu ƀôh vơk bloh nao tui Bhô.
© 2024 Bible Society Vietnam. All rights reserved.
Mag 10
10
Rapajan anưd Pô Yê-su tak Yu-đê thong Yê-ru-sa-lem
(10:1 – 13:37)
Masalah pakloh gaup
(Ma-thi-ơ 19:1-12; Lu-ka 16:18)
1Mưng nan Pô Yê-su nao tamư nưgar Yu-đê [thong nưgar]#10:1 [thong nưgar]: Dalam tha thanôn blah vak tangin ôh hu dôm akhar ni. gah dêh krong Yô-đar. Tapôr bôl gilaic tom nhom tom dar Bhô, thong yau krung hu, Bhô pato pakai khol nhu. 2Hu hadôm urang Pha-ri-si mưrai tanhi piêh long Bhô: “Likei bihu idin pakloh hadiup lei?” 3Bhô tanhi: “Mô-se krung hu tathit pato ka khol hư kabha haget?” 4#Mat 5:31.Khol nhu thuuk: “Mô-se brei idin ka likei vak biar pakloh bloh klāk hadiup.” 5Pô Yê-su bican: “Êng kaywa gruk khang tian khol hư, bloh Mô-se mưng vak tabiak adat ni. 6Min mưng vār padak padang dunya, ‘Pô Lingik padak padang mưnuix likei thong tha mưnuix kamei.’ 7‘Kaywa gađi gadha nan bloh urang likei xang niga amek amư drei [thong pagam thong hadiup]#10:7 [thong pagam thong hadiup]: Dalam tha thanôn blah vak tangin ôh hu dôm akhar ni., 8thong dwa urang gilaic hajiơng tha rilo.’ Yau nan, mưca hadiup pathang ôh dok dwa tra, min ciêt nạn tha. 9Yau nan mưrôxak ôh bihu klah nưh dôm urang Pô Lingik krung hu pagam.”
10Tuk tamư dalam thang dôm anưk xêh gilaic tanhi Bhô ka bruk nan; 11#Mat 5:32; I Kô 7:10,11.Bhô bican: “Mưnuix halei pakloh hadiup piêh khing urang pakan nạn tanrok glaic ƀang glai mưtah jom thong hadiup. 12Dok mưyah urang kamei pakloh pathang piêh khing urang pakan yơ lijang tanrok glaic ƀang glai mưtah.”
Pô Yê-su tadhau phôl ka anưk rineh
(Ma-thi-ơ 19:13-15; Lu-ka 18:15-17)
13Mưnuix urang ba anưk rineh mưrai tom Pô Yê-su piêh bihu Bhô cek tangin ngok mưnok nhu, min dôm anưk xêh xayok khol nhu. 14Ƀôh yau nan, Bhô dangih thong pađar dôm anưk xêh: “Xang lôi anưk rineh mưrai mưthong Ita, jôi pakaup khol nhu, kaywa Dit Biya Pô Lingik bha di dôm urang halei drơh yau dôm anưk rineh ni. 15#Mat 18:3.Biak jơh, Ita đôm thong khol hư, thei ôh takabal Dit Biya Pô Lingik yau tha anưk raneh yơ mưca ôh bihu tamư tak nan.” 16Bloh Bhô pôk dôm anưk raneh nan, cek tangin di khol nhu thong tadhau phôl ka.
Urang likei dam ginup mưda
(Ma-thi-ơ 19:16-30; Lu-ka 18:18-30)
17Tuk Pô Yê-su birau mưng nao, hu tha urang đôic mai khôi pak anak Bhô thong tanhi: “Pathau Gru siam phôl, dahlak xang ngak haget piêh bihu liêng gruk diup rit rai?” 18Pô Yê-su thuuk: “Ywa haget hư iêu Ita nạn siam phôl? Klāk tha drei Pô Lingik tabiak, ôh thei nạn siam phôl trah. 19Hư thau dôm vahi: ‘Jôi pamưtai mưnuix; jôi tanrok glaic ƀang glai mưtah; jôi klek xavah; jôi ngak kaxan lor; jôi blơk blang; xang pôkja amek amư hư.’” 20Urang nan đôm: “Pathau Gru, dahlak krung hu khik abih kabha nan mưng xit mai.” 21Pô Yê-su mong urang nan bloh anit ranam thong đôm: “Hư dok u tha kabha. Xang nao pablei dôm haget drei hu thong rabha takhat ka urang kathot yơ mưca hư hu gilang banrik ngok thôr riga; bloh xang mưrai tui Ita.” 22Hamit yau nan, urang nan mưgu ia ƀok, bloh rau ri klāk nao, kaywa nhu hu biak ralô drap ar.
23Pô Yê-su mong tom dar bloh bican thong dôm anưk xêh: “Mưnuix ginup mưda tamư Dit Biya Pô Lingik biak kan thau kađơ!” 24Dôm anưk xêh plơng kadơng ka dôm panôic ni. Min Pô Yê-su gilaic bican: “Khol hư lơy, piêh bihu tamư#10:24 piêh bihu tamư: Dalam tha thanôn blah vak tangin nạn dôm urang halei giƀak tamư gruk ginup mưda piêh bihu tamư. Dit Biya Pô Lingik biak kan harơh! 25Unta lwak tapa gilong jarum dok ƀôn hơl mưnuix ginup mưda tamư Dit Biya Pô Lingik.” 26Dôm anưk xêh plơng kadơng, đôm thong gaup:#10:26 đôm thong gaup: Dalam tha thanôn blah vak tangin nạn đôm thong Bhô. “Yau nan thei mưda bihu dong paklah?” 27Pô Yê-su mong khol nhu bloh bican: “Mưrôxak ôh mưda ngak bihu bruk ni, min jom thong Pô Lingik yơ karei, kaywa Pô Lingik ngak bihu abih gruk.”
28Phi-e-rơ đôm: “Pathau Bhô, khol dahlak krung hu niga klāk abih bloh tui Bhô.” 29Pô Yê-su thuuk: “Biak jơh, Ita đôm thong khol hư, ôh thei kaywa di Ita thong Khao Siam niga klāk thang danok dei ai likei kamei, amek amư, anưk bik, hamu tanưh, 30min urak ni, vêt dalam lôk ni, gilaic ôh tôk mưk tha rituh ƀang hơl ka thang danok, dei ai likei kamei, amek amư, anưk bik, hamu tanưh, thubik thong gruk gơk tatơk thong gruk diup rit rai dalam rai hadei. 31#Mat 20:16; Lu 13:30.Min hu ralô urang tamưrơp mưca gilaic jiơng taluic, thong mưnuix taluic mưca gilaic jiơng tamưrơp.”
Ƀang ya klau Pô Yê-su brei thau dahlau ka gruk Bhô mưtai thong diup vơk
(Ma-thi-ơ 20:17-19; Lu-ka 18:31-34)
32Pô Yê-su thong dôm anưk xêh dok ngok jalan tagôk nao dhan Yê-ru-sa-lem, Bhô nao dahlau khol nhu. Dôm anưk xêh plơng kadơng, dok dôm urang tui nao yơ thur mưk. Bhô gilaic ba tabiak karei tha pluh dwa Xêh Pachai bloh đôm ka khol nhu dôm haget mưca xang mưjiơng tabiak ka drei. 33Bhô đôm: “Mưni, khol drei tagôk dhan Yê-ru-sa-lem, Anưk Mưnuix mưca gok jao ka dôm gru mưliêng prong thong dôm gru pato adat. Mưca khol nhu padok an binax Mưnuix, hakak ka mưnuix Bôl-Lingiu. 34Mưca mưnuix urang cik prêg Mưnuix, gahak kacôic di Mưnuix, atong poh thong pamưtai Mưnuix; min hadei di klau harei, mưca Mưnuix diup vơk.”
Panôic likau kanư anưd Ya-kơ thong Yâng
(Ma-thi-ơ 20:20-28)
35Dwa anưk likei Xê-ƀê-đê nạn Ya-kơ thong Yâng mưrai jek Pô Yê-su thong đôm: “Pathau Gru, khol dahlak cong Gru klan kabha khol dahlak likau kanư.” 36Bhô tanhi: “Khol hư ưng Ita ngak haget ka khol hư?” 37Khol nhu thuuk: “Tuk Gru bihu xêh mưlang, likau ka dwa urang dahlak tha urang bihu dok gah hanuk, tha urang gah iu Gru.” 38#Lu 12:50.Min Pô Yê-su đôm: “Khol hư ôh thau kabha drei likau. Khol hư hu mưda mưnhum bihu panhin Ita mưnhum, thong ciup bihu ƀap-tem Ita ciup halei?” 39Khol nhu thuuk: “Pathau bihu!” Pô Yê-su bican: “Khol hư mưca mưnhum panhin Ita mưnhum, thong mưca ciup ƀap-tem Ita ciup. 40Min bruk dok gah hanuk ngan gah iu Ita yơ Ita ôh brei bihu, libik nan piêh ka dôm urang krung bihu jarô thudia.”
41Hamit yau nan, tha pluh Xêh Pachai dêh dangih di Ya-kơ thong Yâng. 42#Lu 22:25,26.Pô Yê-su iêu khol nhu mưrai bloh đôm: “Khol hư thau laic dôm mưnuix bihu papôk ngak kar pan gon mưnuix Bôl-Lingiu yơ pakrang bôl; dôm kwan glong pakat yơ angui xagti bloh pakrang. 43#Mat 23:11; Mag 9:35; Lu 22:26.Min di krưh khol hư ôh njaup yau nan. Gilaic vơk, thei ưng ngak prong dalam khol hư yơ xang ngak halun halak, 44dok thei ưng dang dahlau dalam khol hư yơ xang ngak halun kloh ka abih drei. 45Kaywa Anưk Mưnuix krung hu mưrai, ôh njaup piêh bihu ragxa, min piêh ragxa thong limah xwan diup drei ngak yom tabuh ka ralô urang.”
Pô Yê-su pajru dhit urang tagloh pak Yê-ri-kô
(Ma-thi-ơ 20:29-34; Lu-ka 18:35-43)
46Pô Yê-su thong dôm anưk xêh mưrai Yê-ri-kô. Tuk Bhô mưthong dôm anưk xêh thong tapôr bôl nao truh di dhan, hu tha urang tagloh angan Ƀa-ti-mê, anưk likei Ti-mê, dok likau ƀang gah jalan. 47Tuk hamit đôm ni nạn Pô Yê-su, mưnuix Na-xa-ret, nhu prêu tagôk: “Pô Yê-su, Anưk patao Đa-vit lơy, likau athur alim dahlak!” 48Ralô urang pôic ka nhu, pađar xang gađang, min nhu bik prêu prong vơk: “Anưk patao Đa-vit lơy, likau athur alim dahlak!” 49Pô Yê-su padơh vơk bloh đôm: “Xang iêu urang nan mưrai tak ni.” Khol nhu iêu urang tagloh bloh đôm: “Xang kajap hatai, dang tagôk, Bhô iêu hư dêh.” 50Urang tagloh xwak klāk ao lah, bruh tagôk bloh mưrai tom Pô Yê-su. 51Pô Yê-su tanhi: “Hư ưng Ita ngak haget ka hư?” Urang tagloh thuuk: “Gru lơy, likau ka dahlak hadah mưta.” 52Bhô bican: “Nao mek, sagar hư krung hu pajru dhit ka hư.” Binhêt urang tagloh bihu ƀôh vơk bloh nao tui Bhô.
© 2024 Bible Society Vietnam. All rights reserved.