Ma-thi-ơ 27
27
Pô Yê-su gok ba nao tal Phi-lat
(Mag 15:1; Lu-ka 23:1-2; Yâng 18:28-32)
1Tal hadah, abih gru mưliêng prong thong dôm ginôr taha dalam bôl bhap biai anngak mưradhag vơk Pô Yê-su piêh pamưtai Bhô. 2Khol nhu girak Bhô vơk bloh ba nao jao hakak ka kwan pakrang nưgar Phi-lat.
Gruk mưtai Yu-đa Ic-ka-ri-ôt
(Dôm Bruk Ngak 1:18-19)
3 #
Bruk 1:18,19. Tuk Yu-đa Ic-ka-ri-ôt, ra lambil Bhô, ƀôh Pô Yê-su gok padok an yơ padug damưn, ba klau pluh pariak jiên biyar vơk ka dôm gru mưliêng prong thong dôm ginôr taha, 4bloh đôm laic: “Dahlak krung hu tanrok glaic kaywa mưk jao mưnuix ôh hu glaic!” Min khol nhu thuuk: “Bruk nan yơ hu tavak tave haget tal khol dahlak? Nan nạn bruk xaai.” 5Yu-đa parah pariak tamư huji bloh gilaic tabiak nao rwak takôi. 6Min dôm gru mưliêng prong dôn dôm pariak jiên bloh đôm: “Ba pariak ni tamư jiên harung nạn ôh njaup adat, kaywa nạn yom anưd xwan mưnuix.” 7Yau nan, khol nhu biai thong gaup angui pariak nan blei alok hamu anưd ragei lan piêh dwah laba mưnuix Bôl-Lingiu. 8Kaywa gađi gadha nan alok hamu ni bihu iêu nạn Hamu Darah ka tal harei ni. 9Yau nan, panôic hôr Yê-rê-mi đôm krung bihu thit: “Khol nhu mưk klau pluh pariak jiên, nạn yom bloh anưk bik I-sra-ên krung hu jarô ka Bhô, 10thong angui thanôn pariak nan blei alok hamu anưd ragei lan yau Pô krung hu tathit ka ita.”
Pô Yê-su di anak Phi-lat
(Mag 15:2-5; Lu-ka 23:3-5; Yâng 18:33-38)
11Tuk nan, Pô Yê-su dang di anak kwan pakrang nưgar, ong tanhi: “Hư hu njaup nạn patao bôl Yo Thaic lei?” Pô Yê-su thuuk: “Êng hư krung hu đôm yau nan.” 12Min tuk dôm gru mưliêng prong thong dôm ginôr taha palek palam Bhô, Bhô ôh thuuk. 13Phi-lat tanhi Bhô: “Hư ôh hamit dôm kabha khol nhu ngak kaxan mưradhag hư ô?” 14Min Pô Yê-su ôh thuuk tha panôic halei ngak ka kwan pakrang nưgar biak plơng kadơng.
Pô Yê-su gok padok an binax
(Mag 15:6-15; Lu-ka 23:13-25; Yâng 18:39–19:16)
15Kal nan, kưk dalam gôn rija, kwan pakrang nưgar palao tha radanuh tui jamal bôl ưng. 16Tuk nan, khol nhu krưh dok khik tha radanuh danưy angan angan nạn [Yê-su] Ƀa-ra-ƀa. 17Ywa nan ka, tuk khol nhu nhom vơk, Phi-lat tanhi: “Khol hư ưng ita palao urang halei, [Yê-su] Ƀa-ra-ƀa#27:17 [Yê-su] Ƀa-ra-ƀa: Dalam tha thanôn blah vak tangin nạn Ƀa-ra-ƀa. ngan Yê-su iêu nạn Krist?” 18Kaywa ong thau khol nhu jhak hatai yơ krung hu jao Bhô. 19Tak bikan, dalam tuk ong krưh dok pachang bican, hadiup ong pađar mưnuix mai pathau laic: “Likau jôi gok tal mưnuix kahanôt nan, kaywa êng urang ni bloh dahlak gok thok jrak dalam panik lipei mưlam bloh.” 20Min dôm gru mưliêng prong thong dôm ginôr taha pacuh bôl bhap likau palao Ƀa-ra-ƀa thong binax Pô Yê-su. 21Kwan pakrang nưgar gilaic tanhi: “Dalam dwa urang ni khol hư ưng ita palao thei?” Khol nhu thuuk: “Ƀa-ra-ƀa.” 22Phi-lat đôm: “Nan yơ ita xang bican inư yau halei thong Yê-su iêu nạn Krist?” Khol nhu thuuk tha mrap: “Pang đin nhu ngok gai gan gak!” 23Kwan pakrang nưgar tanhi: “Urang ni krung hu ngak kabha ag haget?” Min khol nhu gilaic prêu prong hơl: “Pang đin nhu ngok gai gan gak!”
24Ywa nan ka, tuk Phi-lat ƀôh drei ôh ngak haget bihu, gilaic dok hu mưda ngak ka patajôt, yơ mưk ia rao tangin di anak bôl bhap bloh đôm: “Ita ôh hu glaic di darah urang ni; nan nạn bruk anưd khol hư.” 25Bih bôl bhap jang thuuk: “Likau darah nhu tuh ngok khol dahlak thong anưk taco khol dahlak!” 26Ywa nan ka, Phi-lat palao Ƀa-ra-ƀa ka khol nhu, thong tong poh Pô Yê-su, bloh jao Bhô piêh pang đin ngok gai gan gak.
Dôm rajabôl klao blei Pô Yê-su
(Mag 15:16-20; Yâng 19:2-3)
27Hadei di nan, bôl bala kwan pakrang nưgar ba Pô Yê-su tamư mưdhir kwan pakrang nưgar thong patom bih vakak jabôl tom dar Bhô. 28Khol nhu xwak ao Bhô tabiak thong cuk ka Bhô tha blah ao bar bhang 29pak tha thruh ginrang darôi bloh mưom ngok akok Bhô, bloh cek tha phun tabo dalam tangin hanuk Bhô. Khol nhu khôi pak anak Bhô, jhơk jhel laic: “Kakuh Patao bôl Yo Thaic!” 30Khol nhu gahak kacôic ngok Bhô, mưk phun tabo tong di akok Bhô. 31Hadei di tuk krung hu klao bilei Bhô, khol nhu xwak ao bar bhang tabiak, cuk ao Bhô tamư, bloh ba nao piêh pang đin tamư gai gan gak.
Pô Yê-su gok pang đin
(Mag 15:21-32; Lu-ka 23:26-43; Yâng 19:17-27)
32Tuk tabiak nao, khol nhu gōk tha urang Si-ren angan Si-môn, thong mưk urang ni galam gai gan gak Pô Yê-su. 33Tuk nao tal libik iêu nạn Gô-gô-tha, hu ar nạn Ƀôn Hlau, 34khol nhu brei ka Bhô mưnhum alag lai thong phik plak; min tuk krung hu tavan yơ Bhô ôh mưnhum. 35Hadei di tuk krung hu pang đin Bhô tamư gai gan gak, khol nhu thwak patik rabha gaup khan ao Bhô. 36Bloh khol nhu dok tak nan khik mong Bhô. 37Gah ngok akok Bhô hu cek tha loh akhar đôm ka an Bhô: “SANI NẠN YÊ-SU, PATAO BÔL YO THAI.” 38Tuk nan, hu dwa ban poh blah mưthong gok pang đin thong Bhô: tha ban dok gah hanuk, tha ban gah iu. 39Dôm ra nao gan lijang klao bilei, hanhah akok 40#Mat 26:61; Yâ 2:19.thong đôm: “Hư nạn mưnuix hu mưda yah huji bloh darap vơk dalam klau harei, xang êng dong drei mek! Mưyah hư nạn Anưk Pô Lingik, xang trun truh di gai gan gak mek!” 41Dôm gru mưliêng prong, dôm gru pato adat thong dôm ginôr taha lijang klao bilei Bhô, khol nhu laic: 42“Nhu krung hu dong paklah urang pakan bloh ôh mưda êng dong paklah drei. Nhu nạn patao I-sra-ên! Urak ni xang lôi ka nhu trun truh di gai gan gak mek yơ mưca khol drei dial binhêt. 43Nhu padul Pô Lingik. Mưyah Bhô anit ranam nhu yơ urak ni xang lôi ka Bhô dong nhu; kaywa nhu đôm: ‘Ita nạn Anưk Pô Lingik.’” 44Dwa ban poh blah thubik gok pang đin thong Bhô lijang pôic laic ka Bhô yau nan.
Gruk mưtai anưd Pô Yê-su
(Mag 15:33-41; Lu-ka 23:44-49; Yâng 19:28-30)
45Mưng krưh pađiak tal tuk klau biêr harei,#27:45 Dalam xap Hi-lap: Mưng tuk ya nam tal tuk ya dalipan. bhôlir om bak tanưh. 46Nôic tuk klau biêr harei, Pô Yê-su iêu prong xap: “Ê-li, Ê-li, le-ma-sa-ƀac-tha-ni?” Ar nạn: “Pô Lingik dahlak! Pô Lingik dahlak! Habar Bhô niga klāk dahlak?” 47Hamit yau nan dôm urang dang jek nan đôm: “Urang ni iêu Ê-li.” 48Tha urang dalam mưnok nhu đôic vêt nao mưk tha kleh mưhlei njruk njok ia taka, cek di akok phun tabo thong yêr ka Bhô njruk. 49Min dôm urang pakan gilaic đôm: “Xang cang iơk Ê-li hu mưrai dong paklah nhu lei.”#27:49 dong paklah nhu lei: Dalam tha thanôn blah vak tangin nạn dong paklah nhu lei. Bloh tha ra pakan mưk đao klaup tamư rathuk Bhô yơ ia darah đôic tabiak. 50Pô Yê-su iêu tha xap prong tra, bloh kloh thap xwan.
51Thong dêh, thubai lidu gah dalam huji gok tahak jiơng dwa mưng ngok tal ala, tanưh tayun mưgei, patau kali talah tabiak; 52dôm tanum lijang tapơh hwơng, ralô atau dôm xêh nưbi krung hu tapa urai bihu diup vơk 53thong tabiak truh di tanum. Hadei di tuk Pô Yê-su diup vơk, dôm xêh nưbi nan nao tamư dhan likam thong bhat tabiak ka ralô urang ƀôh. 54Tuk kar puk ginôr thong bôl bala khik mong Pô Yê-su ƀôh tanưh tayun mưgei mưthong dôm haget krung hu mưjiơng tabiak yơ hôic tatơk drei harơh thong đôm: “Biak jơh, urang ni nạn Anưk Pô Lingik.” 55#Lu 8:2,3.Tak nan hu ralô urang kamei dang mong mưng atah. Khol nhu nạn dôm mưnuix krung hu tui Pô Yê-su mưng nưgar Ga-li-lê, piêh ragxa Bhô. 56Dalam thanôn ni hu Ma-ri Ma-đơ-len, Ma-ri amek Ya-kơ thong Yô-sep, thubik thong amek dôm anưk likei Xê-ƀê-đê.
Gruk dar Pô Yê-su
(Mag 15:42-47; Lu-ka 23:50-56; Yâng 19:38-42)
57Tal biêr harei xup, hu tha urang ginup mưda pak dhan A-ri-ma-thê, angan Yô-sep, lijang nạn anưk xêh Pô Yê-su, 58mưrai tom Phi-lat thong likau mưk atau Pô Yê-su. Phi-lat thurah jao ka ong. 59Yô-sep mưk atau bloh paangui mưng khan bai bong hacih, 60bloh ong padok dalam tanum êng drei, krung hu ong birau phak dalam patau. Ong galung tha can patau prong tatơk baƀang tanum, bloh nao. 61Ma-ri Ma-đơ-len thong Ma-ri pakan hu ƀok tak nan, dok jom thong tanum.
Rajabôl khik mong tanum
62Harei hadei, nạn hadei di harei Thrap Gap, dôm gru mưliêng prong thong dôm urang Pha-ri-si nhom vơk di anak Phi-lat, 63#Mat 16:21; Mat 17:23; Mat 20:19; Mag 8:31; Mag 9:31; Mag 10:33,34; Lu 9:22; Lu 18:31-33.thong đôm: “Pathau kwan, khol dahlak kanal ban pagat ni tuk dok diup hu đôm: ‘Hadei klau harei mưca Ita diup vơk.’ 64Kaywa yau nan, likau di kwan thurah pacang khik tanum tani tanat ka tal harei ya klau, ô mưca dôm anưk xêh nhu mưk klek atau nao, bloh đôm thong urang laic: ‘Bhô krung hu mưng lôg mưtai diup vơk,’ gruk pagat hadei dok utan jhak hơl gruk pagat mưng dahlau.” 65Phi-lat đôm thong khol nhu: “Khol hư hu rajabôl, xang pađar nao khik tanum ka tani tanat tui gimnit khol hư.” 66Yau nan khol nhu nao pathir thong xarak tanum Bhô thong cek rajabôl khik mong kloh ghat.
© 2024 Bible Society Vietnam. All rights reserved.