Ma-thi-ơ 17
17
Pô Yê-su thrơh thek
(Mag 9:2-13; Lu-ka 9:28-36)
1Hadei di nam harei, Pô Yê-su ba Phi-e-rơ, Ya-kơ thong Yâng adei Ya-kơ nao karei thong Bhô tagôk cơk glong. 2Bhô thrơh thek di anak khol nhu: Ƀok Bhô hadah tanrak yau ia harei, ao Bhô gilaic jiơng ƀông yau tanrak hadah. 3Dêh, hu Mô-se thong Ê-li bhat tabiak đôm pôic thong Bhô. 4Phi-e-rơ pathau thong Pô Yê-su laic: “Pô lơy, khol drei dok pak ni biak siam; mưyah Pô ưng, mưca dahlak#17:4 dahlak: Dalam tha thanôn blah vak tangin nạn khol dahlak. padang klau boh hadai tak ni: tha boh ka Pô, tha boh ka Mô-se, tha boh ka Ê-li.” 5#Mat 3:17; Mat 12:18; Mag 1:11; Lu 3:22.#II Phi 1:17,18.Tuk Phi-e-rơ krưh đôm, hu tha halong taganum hadah tanrak tulam khol nhu; thong mưng dalam taganum hu xap bican laic: “Sani nạn Anưk uranam Ita, ghơh di tian Ita purmưta; xang pang panôic Anưk nan!” 6Tuk dôm anưk xêh hamit xap nan ka libuh grwak ƀok trun di haluk, hôic tatơk drei harơh. 7Min Pô Yê-su mưrai, ravơk khol nhu thong bican: “Xang tagôk, jôi hôic!” 8Dôm anưk xêh talāk mưta tagôk yơ ôh ƀôh thei pakan, ciêt dok tha drei Pô Yê-su.
9Dalam tuk mưng ngok cơk trun thubik thong dôm anưk xêh, Pô Yê-su thurah ka khol nhu: “Jôi lak vơk ka thei catôi ni ka tal tuk Anưk Mưnuix mưng lôg mưtai diup vơk.” 10Dôm anưk xêh tanhi Bhô: “Nan yơ habar dôm gru pato adat gilaic đôm Ê-li xang mai dahlau?” 11Bhô thuuk: “Biak Ê-li xang mưrai thong thulih abih bruk. 12#Mat 11:14.Min Ita đôm thong khol hư: Ê-li krung hu mưrai pajơ bloh mưnuix urang ôh krưn thau ong, min krung hu dok dang thong ong tui jamal khol nhu. Anưk Mưnuix lijang mưca ciup raƀah raƀưp di tangin khol nhu yau nan.” 13Tuk nan, dôm anưk xêh thau laic Bhô krưh dok đôm thong khol nhu ka Yâng Bap-tit.
Pô Yê-su tiaup ajin ka ban xit
(Mag 9:14-29; Lu-ka 9:37-43a)
14Tuk Pô Yê-su thong dôm anưk xêh gilaic vơk thong tapôr bôl yơ hu tha urang mai, khôi pak anak Bhô, pathau laic: 15“Pô lơy, likau athur alim tal anưk likei dahlak! Kamôn gok jalơh rwak dang dui pađik pađwa lô; kamôn bhian gok libuh tamư apui thong jalơh tamư ia. 16Dahlak krung hu ba kamôn ka anưk xêh Bhô, min khol nhu ôh pajru bihu.” 17Pô Yê-su thuuk: “Hơic rai rak ôh dial thong panik dêh, mưca Ita dok thong khol hư ka tal habiên? Mưca Ita dadôn khol hư ka tal tuk halei? Xang ba ban xit mai pak ni ka Ita.” 18Pô Yê-su xayok ajin, thong nhu tabiak vêt truh di ban xit nan; binhêt tuk nan ban xit bihu dhit.
19Dôm anưk xêh nao gōk karei Pô Yê-su thong pathau laic: “Kaywa habar khol dahlak ôh tiaup ajin nan bihu?” 20#Mat 21:21; Mag 11:23; I Kô 13:2.Bhô thuuk: “Kaywa khol hư takik sagar. Biak jơh, Ita đôm thong khol hư: Mưyah khol hư hu sagar ciêt mưng athar kachwa yơ khol hư hu mưda pađar cơk ni laic: ‘Xang pađôn mưng ni tapa gah dêh’ yơ mưca nhu pađôn tapa; thong ôh hu kabha haget khol hư ôh ngak bihu! 21[Dôm paka ajin ni, mưyah ôh lang kar thong ikak tian ơk yơ ôh thei tiaup nhu bihu.”]#17:21 Dalam tha thanôn blah vak tangin ôh hu kanen 21.
Pô Yê-su gilaic brei thau dahlau ka gruk Bhô mưtai thong diup vơk
(Mag 9:30-32; Lu-ka 9:43b-45)
22Tuk dôm anưk xêh patom vơk pak nưgar Ga-li-lê. Pô Yê-su bican thong khol nhu laic: “Anưk Mưnuix mưca gok jao tamư tangin mưnuix urang. 23Mưca khol nhu pamưtai Bhô, min tal harei ya klau, mưca Bhô diup vơk.” Dôm anưk xêh rau ri harơh.
Pô Yê-su hakak jiư
24Tuk tal dhan Ka-ƀê-na-um dôm urang mưk jiư huji mưrai tanhi Phi-e-rơ: “Gru dôm xaai hu hakak jiư lei?” 25Phi-e-rơ thuuk: “Hu.” Tuk Phi-e-rơ tamư thang, Pô Yê-su pơh panôic dahlau: “Si-môn lơy, hư xanưng habar? Dôm patao dunya mưk thei rik kong, hakak jiư? Dôm anưk likei drei ngan mưnuix lingiu?” 26Phi-e-rơ pathau: “Mưnuix Bôl-Lingiu.” Bhô bican laic: “Yau nan yơ dôm anưk likei bihu klah. 27Min piêh klah di ngak gađi ka khol nhu lihik sagar, hư xang tabiak tathik vah ikan, mưk ikan ƀang vah tamưrơp, gak pabah nhu tabiak mưca ƀôh tha boh jiên. Xang mưk boh jiên nan ikak jiư ka Ita thong hư!”
© 2024 Bible Society Vietnam. All rights reserved.