UGenesisi Isingeniso
Isingeniso
Isingeniso
UGenesisi lezinye “ingwalo zikaMosi” (U-Eksodasi, uLevi, amaNani loDutheronomi) zethula udaba oluqhubekayo lwabako-Israyeli olusuka ekuqaleni luze luyefika engxenyeni yesine yeBhayibhili. UGenesisi kuthiwa yincwadi kaMosi ngoba enguye owahola abako-Israyeli besuka elizweni laseGibhithe.
Ibhuku leli lichaza indlela isizwe esisodwa esakhethwa ngayo ukuba secebeni likaNkulunkulu lokuhlenga uluntu. Emva kwalokho, ukuhleleka lobuhle bendalo kaNkulunkulu kutshabalaliswa yimpumela yokuhlamuka lokuziphakamisa kwabantu. Udlakela, ukungalungi lokuhlupheka okulandelayo kwenza uNkulunkulu agcone njalo ahlulele ububi babantu ngozamcolo. Emva kwalokho uNkulunkulu wenza isivumelwano lo-Abhrahama lesizukulwane sakhe, lusipha ukuphothuluka kodaba. U-Israyeli imuli ka-Abhrahama iba ngekhethiweyo kaNkulunkulu kusitsho ukuthi uzabuyisa (u-Israyeli) izizwe zonke kuye (uNkulunkulu). UGenesisi uphetha ngesizukulwane sika-Abhrahama sesikhule saba liqula lezizwe ezinkulu, kodwa zingakabi selizweni uNkulunkulu azithembisa lona. Ngakho udaba luphothuluka lweqele emabhukwini alandelayo.
Ibhuku leli lehlukaniswe ngezigaba ezilitshumi lanye ziphindaphinda umutsho othi lo ngumlando ka. Isigaba sinye simayelana lempilo kanye lemuli yomuntu okukhulunywa ngaye. Lokhu kuqoqelwe ndawonye udaba lwembali yoluntu lokuqala kwecebo likaNkulunkulu lokuvuselela uluntu lendawo yalo emhlabeni ngo-Israyeli.
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.