2 KORINTH 5
5
1Jing dongyaba phirthi ni rih ni noh khe ru la khabo, subung ni yao jang dangyayaba, thaoglao ni noh jam thaoyayaba, Madai salaiyaba khe sorgo ha jing mai kha thihi jing mithi du. 2Duha de sorgo ni saomang ha jing phin mani bubli khe jonso phuya hi jing hoi du. 3Oleiyaba gainsari khe jing phin kha ning, sao ha rih giri nujao nang niya. 4Ebo rih ni noh ha jing dong bani bising ha de, jing bubain risi jang jing khe baojao hi jing dong, khokhlama khe jing baoya, bede thikhade sorgo ni gainsari khe jing phinma mijing bani khlai hi se: bede thikhade thihyaba jinis khe hayu jang bo molo jaoma se.
5Bo jinis ni khlai hi salaiyaba de Madai se, jinis sophai ginyaba khe gibi ja ri mani khlai hi mithi phuyaba Bese khebo jinthane ri ba. 6Bede thikhade, saomang ni noh ha jing dong bani khlai hi, Gabra niha jing dongya thihi jar khe tharmai la hi khitha rao hi jing dong la du. 7Nu phuyaba khe nai hi jing thangya, lonma hase jing thang ba. 8Santi jang jing dong thi ang thi du, saomang ha dongya hi Gabra niha dongma se jing nangjao ba.
9Odebani, dong la khabo, giri la khabo, bokhe jing khaja rima ning bao du. 10Jing khripbo bisar ni sagang ha nujao ma se, ebo hamhi dong bani bising ha jing khusi dangyaba ni dam, hamba hamya khusi dangba lai ning jing phol mai mani khlai hi.
Miliphin bani khusi
11Odebani, Gabra ni khinthaothao khe tharmai hi subung buthu lon mani khlai hi gibi khe jing tharmai rima nang du. Madai de ang khe jamthar si tharmai du; nisi ni hamba hamya bujiyaba habo nisi ang khe tharmai mane ang asa deng du. 12Nisi niha jar khe majang rila hi phin jing thiba niya, khasu gede niya hi, baji gede nujaoyaba khe sanggayarao khe thiphin phu mani khlai hi, jini gede sangga mani hajora khe se nisi ne jing sainthi ba. 13Jing gibir ja kha de, Madai ni ja kha, thikhabo jing girik kha de nisi ni khlai hi ja kha. 14Krista ni hamjaoma jangbo jing khe de lakha, elei jing bao du: khrip subung ni khlai hi, subung saosi thih kha; odebani, khrip subungbo thih ma nang kha. 15Odehe, bo thang hi dongyarao de bonsi ni khlai hi thangya hi, bonsi ni khlai hi thih dada baija phinyaba ne se bonsi thang hi dong phu mani khlai hi, bo de khrip subung ni khlai hi se thih ba. 16Odebani, duha ni phrang de, subung ni muthai jang saosi khebo jing naiya kha. Sagang ni baothai jang Krista khe tharmai la khabo, duha de olei jing tharmaiya kha. 17Odebani, asaba subungbo Krista ha dong kha de, jinis gadain ja kha; gajam jinis de jam lang la kha; nai lah, khrip gadain ja thar kha.
18Khrip ebo de Madai ni phrang gaja se ja ba, bo se Krista ni khlai hi bo jar jang baosi mili ri phin hi, odehe mili phin riyaba ni khusi khe bo jinthane ri ba. 19Odebani, Madai ning Krista ha habsao khe jar jang baosi bonsi khe mili phin rihi; bonsi gajai khlaiyaba buthu khe gajai khlaiyaba ha bo baoya kha, bo mili phinyaba ni grao sibringthai khe bo jinthane deng ri ba. 20Odebani, Krista ni baslai ha jing grao diyahsa ja kha: Madai ning jing khe yaowai hi bo nisi khe khainsu du. Madai jang mili lah thi dada Krista ni baslai ha jing nisi khe khainsu du. 21Boni ha Madai ni dormo subung jing japhu mani khlai hi, musi phap mithiyayaba khe Madai ning jini khlai hi phap ha bo slam ba se.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.