1 KORINTH 12
12
Bese gathar ni phrang jinis maiyaba buthu
1Daphlungrao, duha bese gede ni jinis riyaba buthu khe mithiya hi nisi dong mani ang nangjaoya. 2Nisi lonya jahi dongba ha, bede khlai hi, saokhuli grao jo phuyayaba buthu ni gede longjao hi nisi dongba thihi tharmai kha. 3Odebani, ebo khe nisi ne ang khna ri du; Madai ni Bese jang grao thiba ha, saosi khebo, Jisu khe phaphi ja thing thihi saosi bo thima niya; odehe Bese Gathar khe garhi de saosi bo, Jisu de Gabra se thihi thi phuya.
4Jinis riyaba buthu de jadi gibin gibin dong, thikhabo Bese de masi se ning. 5Khusi dangthai jadi gibin gibin dong, thikhabo Gabra de masi se ning. 6Khusi dang phuyaba raothai gibin gibin dong, thikhabo khrip subung ne raothai riyaba Madai de masi se ning. 7Khrip ne lab so ri mani khlai hi khrip niha Bese ni jnama khe ri kha. 8Saosi niha Bese ni khlai hi gyan ni grao thi phuyaba raothai ri ba, subung gibin niha de bese ni gede tharmai phuyaba raothai gyan khe ri ba. 9Bo bese ning gibin subung niha lonma khebo ri ba, bo bese masi khe ning gibin subung niha ham ri phuyaba raothai jinis riyaba buthu khe bo ri ba, 10subung gibin niha gmang thaosisi khusi dang phuyaba raothai khe bo ri ba, subung gibin niha jakha de grao joba blaiyaba ni raothai khe bo ri ba, subung gibin niha bese buthu khe gibin nai phuyaba ni raothai khe bo ri ba, subung gibin niha grao mithiyayaba jadi gibin gibin buthu khe bo ri ba, subung gibin niha grao mithiyayaba khe thiphla phuyaba raothai khe bo ri ba. 11Thikhabo, ebo buthu khrip khe dang ri phuyaba de bese masi jang baosi grao se, khrip subung niha, bo nangjaoba lai ning, gibin gibin jinis riyaba khebo ri du.
Saomang masi ha bedeb gabang bang bi
12Saomang de masi se ning, boni bedep de gabang bang bi, saomang bedep gabang ja la khabo, saomang de masi se; Krista de olei jasosi se. 13Jing jamthar sibo, Juda jadi na, jing Greek jadi na, jing leng na, jing leng niya na, saomang masi dong mani khlai hi Bese masi ha jing baptisma lahi, Bese masi ha jing khrip khebo bo ling riba se.
14Saomang bubim jang bedep se ning niya hi, gabang bedep jini ha dong. 15Jodi igah thi du, Ang yao niya, odebani saomang ni niya, thikha la ebo ni kharon la saomang ni niya? 16Khmao de, Ang muthai niya bani, saomang bubim ha ang gaba phaya, thi kha la, odebani saomang bubim ha gaba phayaba de bo soya jadaoya. 17Saomang bubim khrip muthai ja kha la, braha ni phrang khurang khna ma? Saomang bubim jang khurang khnayaba ja thar kha la, braha ni phrang bahai mai ma? 18Thikhabo, Madai ning bedep khrip khe saomang bubim ha, bo nangjao ba lai se bo mili ri ba. 19Khrip bedep dep si se ning jakha la, saomang bubim la braha dong ma? 20Bede thikhade bedep gabang dong la khabo, saomang masi se.
21Muthai yao niha, Ang ning khe nangya thihi thiphuya, bokhro bo igah buthu niha, Ang nisi khe nangya thihi bo thi phuya. 22Thikhabo, saomang raoya hi nujaoyaba buthu se nangdao thao ja kha, 23odehe saomang mujiya jahi dongyaba buthu khe jing bakhan khlai hi, jini saomang majangyayaba buthu khe jing majang dao ri du, 24jini saomang bedep majangyaba buthu de ebo khe bonsi nangya. Madai ning jini saomang bubim khe mili rihi, bedep naijiya jadao hi dongyaba buthu khe bakhan se khlaidao ba. 25Saomang bubim ha jar khe gibin jayahi boni bedep buthu khrip baosi, saosi jang saosi daogari nailai phu mani khlai hi. 26Bedep masi ha dukhu mai khade, saomang bubim jang dukhu mai ba se; bedep masi bakhan mai khade, bonsi khrip jang khaja ba se.
27Duha nisi de Krista ni saomang ni bumang se, odehe nisi boni gibin gibin bedep buthu se. 28Odehe Madai ning longjom ni subung bo saikhoyaba de sagangthao ha haijaoyarao, magin ha gorasalirao, mathamyaba ha slingriyasarao; boni yaohon ha gmang thaosisi khusi dangyaba raothai buthu, boni yaohon hase ham riphuyaba ni raothai riyaba khe maiyarao ja thing, subung khe japhuyaba ja thing, bisar khlai ba ringyarao ja thing, odehe grao mithiyayaba khe maiyarao se. 29Khrip subung haijaoyasa gaja na somo? Khrip subung slingriyasa na somo? Khrip subung gorasalirao gaja na somo? Khrip subung gmang thaosisi khusi dang du? 30Khrip subung ham riphuyaba raothai buthu khe bonsi mai thar kha na somo? Khrip subung grao mithiyayaba jang grao joba na somo? Khrip subung thiphla thar phu du na somo? 31Jinis mai ma nangyaba buthu khe se mai ma nangjao lah. Duha nisi ne lama hamdao thaoyaba khe ang phnu nang.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
1 KORINTH 12
12
Bese gathar ni phrang jinis maiyaba buthu
1Daphlungrao, duha bese gede ni jinis riyaba buthu khe mithiya hi nisi dong mani ang nangjaoya. 2Nisi lonya jahi dongba ha, bede khlai hi, saokhuli grao jo phuyayaba buthu ni gede longjao hi nisi dongba thihi tharmai kha. 3Odebani, ebo khe nisi ne ang khna ri du; Madai ni Bese jang grao thiba ha, saosi khebo, Jisu khe phaphi ja thing thihi saosi bo thima niya; odehe Bese Gathar khe garhi de saosi bo, Jisu de Gabra se thihi thi phuya.
4Jinis riyaba buthu de jadi gibin gibin dong, thikhabo Bese de masi se ning. 5Khusi dangthai jadi gibin gibin dong, thikhabo Gabra de masi se ning. 6Khusi dang phuyaba raothai gibin gibin dong, thikhabo khrip subung ne raothai riyaba Madai de masi se ning. 7Khrip ne lab so ri mani khlai hi khrip niha Bese ni jnama khe ri kha. 8Saosi niha Bese ni khlai hi gyan ni grao thi phuyaba raothai ri ba, subung gibin niha de bese ni gede tharmai phuyaba raothai gyan khe ri ba. 9Bo bese ning gibin subung niha lonma khebo ri ba, bo bese masi khe ning gibin subung niha ham ri phuyaba raothai jinis riyaba buthu khe bo ri ba, 10subung gibin niha gmang thaosisi khusi dang phuyaba raothai khe bo ri ba, subung gibin niha jakha de grao joba blaiyaba ni raothai khe bo ri ba, subung gibin niha bese buthu khe gibin nai phuyaba ni raothai khe bo ri ba, subung gibin niha grao mithiyayaba jadi gibin gibin buthu khe bo ri ba, subung gibin niha grao mithiyayaba khe thiphla phuyaba raothai khe bo ri ba. 11Thikhabo, ebo buthu khrip khe dang ri phuyaba de bese masi jang baosi grao se, khrip subung niha, bo nangjaoba lai ning, gibin gibin jinis riyaba khebo ri du.
Saomang masi ha bedeb gabang bang bi
12Saomang de masi se ning, boni bedep de gabang bang bi, saomang bedep gabang ja la khabo, saomang de masi se; Krista de olei jasosi se. 13Jing jamthar sibo, Juda jadi na, jing Greek jadi na, jing leng na, jing leng niya na, saomang masi dong mani khlai hi Bese masi ha jing baptisma lahi, Bese masi ha jing khrip khebo bo ling riba se.
14Saomang bubim jang bedep se ning niya hi, gabang bedep jini ha dong. 15Jodi igah thi du, Ang yao niya, odebani saomang ni niya, thikha la ebo ni kharon la saomang ni niya? 16Khmao de, Ang muthai niya bani, saomang bubim ha ang gaba phaya, thi kha la, odebani saomang bubim ha gaba phayaba de bo soya jadaoya. 17Saomang bubim khrip muthai ja kha la, braha ni phrang khurang khna ma? Saomang bubim jang khurang khnayaba ja thar kha la, braha ni phrang bahai mai ma? 18Thikhabo, Madai ning bedep khrip khe saomang bubim ha, bo nangjao ba lai se bo mili ri ba. 19Khrip bedep dep si se ning jakha la, saomang bubim la braha dong ma? 20Bede thikhade bedep gabang dong la khabo, saomang masi se.
21Muthai yao niha, Ang ning khe nangya thihi thiphuya, bokhro bo igah buthu niha, Ang nisi khe nangya thihi bo thi phuya. 22Thikhabo, saomang raoya hi nujaoyaba buthu se nangdao thao ja kha, 23odehe saomang mujiya jahi dongyaba buthu khe jing bakhan khlai hi, jini saomang majangyayaba buthu khe jing majang dao ri du, 24jini saomang bedep majangyaba buthu de ebo khe bonsi nangya. Madai ning jini saomang bubim khe mili rihi, bedep naijiya jadao hi dongyaba buthu khe bakhan se khlaidao ba. 25Saomang bubim ha jar khe gibin jayahi boni bedep buthu khrip baosi, saosi jang saosi daogari nailai phu mani khlai hi. 26Bedep masi ha dukhu mai khade, saomang bubim jang dukhu mai ba se; bedep masi bakhan mai khade, bonsi khrip jang khaja ba se.
27Duha nisi de Krista ni saomang ni bumang se, odehe nisi boni gibin gibin bedep buthu se. 28Odehe Madai ning longjom ni subung bo saikhoyaba de sagangthao ha haijaoyarao, magin ha gorasalirao, mathamyaba ha slingriyasarao; boni yaohon ha gmang thaosisi khusi dangyaba raothai buthu, boni yaohon hase ham riphuyaba ni raothai riyaba khe maiyarao ja thing, subung khe japhuyaba ja thing, bisar khlai ba ringyarao ja thing, odehe grao mithiyayaba khe maiyarao se. 29Khrip subung haijaoyasa gaja na somo? Khrip subung slingriyasa na somo? Khrip subung gorasalirao gaja na somo? Khrip subung gmang thaosisi khusi dang du? 30Khrip subung ham riphuyaba raothai buthu khe bonsi mai thar kha na somo? Khrip subung grao mithiyayaba jang grao joba na somo? Khrip subung thiphla thar phu du na somo? 31Jinis mai ma nangyaba buthu khe se mai ma nangjao lah. Duha nisi ne lama hamdao thaoyaba khe ang phnu nang.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.