1 KORINTH 11
11
1Ang ning Krista khe daogari naiba lai ning, nisibo ang khe nai lai lah.
Masainjik ne khrothu
2Khrip jadi ha nisi ang khe wainso song bani odehe, muilo gnang grao dengyaba buthu ang thiba lai ning nisi khah ha deng bani ning ang bakhan khlai du. 3Thikhabo, miyahrao ni bokhro de Krista se, masainjik ni bokhro de boni basai se, odehe Krista ni bokhro de Madai se thihi nisi hamsisi mithi mani ang nangjao du. 4Miyahsa asababo khrothu thu hi Madai biba ja thing, grao sainthiba ja thing; bode jarni bokhro khe se bo laji phnu la ba. 5Thikhabo, masainjik asababo khrothu thuya hi biba ja thing, grao thiba ja thing, bode jarni bokhro khe se laji phnu la ba, bo de khnai lamtho tho sinjaoyaba jang baosi se. 6Masainjik jahi boni bokhro khe phungyayaba de boni khnai khe songthe the khep la thing; thikhabo, masainjik khnai khep ba ja thing, lamtho tho sin ba ja thing, bo jinis lasisi se bani, boni bokhro khe phung la thing. 7Thikhabo, miyahsa de Madai jang baosi se bani, boni bokhro khe bonsi phung ma niya, thikhabo masainjik de miyahsa ni muima khe phnu ma nang du. 8Miyahsa de masainjik ni phrang slamyaba niya, thikhabo masainjik de miyahsa ni phrang slamyaba se. 9Miyahsa de masainjik ne khlai hi slamya, thikhabo masainjik de miyahsa ne khlai hi se slam ba. 10Sorgo ni deglarao lai se bani, masainjik de boni basai ni bakhla ha dongma nang du thihi sin phnu mani khlai hi jarni bokhro khe phung ma nang du. 11Thikhabo, Gabra ha masainjik de miyahsa giri hi dong ba jaya, miyahsa nebo masainjik giri hi dong ba jaya. 12Masainjik khe miyahsa ni phrang slam ba lai jasosi ning, miyahsabo masainjik ni phrang se hajai ba; thikhabo khrip jinisbo Madai ni phrnag baigoyaba gaja se.
13Ning jar ning bisar khlai lah, masainjik jarni bokhro khe phungya hi Madai niha bo biba la jadu na somo? 14Miyahsa khnai glao deng kha de, bonthane khlai hi lasisiyaba se thihi nisi hajai ba ha maipha buyaba khah habo bonsi nisi khe tharmai riya na somo? 15Thikhabo, masainjik khnai glao deng kha de, bo de boni muima se, khnai de phu mane khlai hi se ri ba. 16Asababo ebo grao khe niya lakha bo, ebo jinis hade, jini gede dang mani musi giri, Madai ni longjom buthu habo musi giri.
Gabra ni hor ni makham
(Mt. 26.26-29; Mk. 14.22-25; Lk. 22.14-20)
17Thikhabo, ebo jinis khe slingriyaba buthu ha de nisi khe ang bakhan khlai phuya, nisi bojom jayaba ha hamba ja ba thane hamya se jadao bani. 18Sagangthao ha, longjom lai nisi bojom jaba hatho hatho ha nisi ni bising ha degao laiyaba bo dong re thiyaba grao khe ang khna du; ebo ha ang khasa de lonbo lon du. 19Nisi ni bising ha subung gibiyaba buthu khe bonsi nuphu mani khlai hi, dol gibin gibin dong ma ning. 20Nisi thang hi hathan masi ha githim laiyaba ha nisi jiyaba de Gabra ni hor ni makham ning niya. 21Ji mani bubli bo sophai ba jang khrip subung jar jar ni makham khe nisi jilai la re, odebani se saosi hukrijao hi dong, saosi jakha de baola ja re. 22Snadi ja kha! Jima lingma ni khlai hi nisi jar jarni noh giri na? Niyakha la, Madai ni longjom khe naijiya musibo giriyarao khe nisi laji phnuba na somo? Nisi khe ang bede thi nang kho? Ang nisi khe bede bakhan khlai ma na? Ebo balam hade ang nisi khe bakhan khlai phuya.
23Bede thikhade, ebo grao aniha Gabra ni phrang sophaiyaba khe nisi nebo ang so ri du, olei rem rijao hi dong bani hor ha, Gabra Jisu de hon laha hi, 24khajama ni grao khe thi blai hi, bo sbai dada, Ebo de ani saomang se, nisi ne khlai hi se. Nisi ang khe wainso song mani khlai hi ebo khe dang lai lah, bo odehe thi ba. 25Olei jasosi ning, hor ni makham ji blai hi, bela khebo bo laha hi, Ebo de ani grao khayaba gadain se. Nisi ling ba ha ang khe wainso song mani khlai hi ebo khe dang lai lah, bo odehe thi ba.
26Bo hon khe nisi ji hi, bo bela ha nisi ling ba ha, Gabra phaiphinya si bo thih bani grao khe bai hi ning dong la du. 27Odebani sere jiba gathaya hi hon khe jihi Gabra ni bela ha lingyaba de, Gabra ni saomang jang thijao ni basao ha phap jama se. 28Khrip subung jarkhe nai nai la hi, olei ning hon khe jihi bela ha ling la thing. 29Bokhe jiyaba jang lingyaba de, Gabra ni saomang gibi jang jarkhe baoya khade, jarni basao ha bisar galai mani khlai hi bokhe ji ba ling ba se. 30Ebo ni kharon jang se nisi ni bising ha gabang subung de raoya jahi nisi hamya jahi, gejesi de thih kha. 31Bede thikhade, gibi jang nisi baola kha de, jing bisar khlaijao nang niya mu. 32Bisar khlaijao hi jing dong la khabo, habsao ni subung buthu lai gajai khlaijao hi jing dongya mani khlai hi, Gabra ni sason ha jing dong ba.
33Odebani, ani daphlungrao, nisi ji mani bojom jaba ha, nisi jon lai lah. 34Nisi bojom jayaba ha nisi gajai jaya mani khlai hi, hukri jaokha de jarni noh ha ji la thing. Gibin jinis buthu ha de ang phaiba ha nisi ne ang phnu nang.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
1 KORINTH 11
11
1Ang ning Krista khe daogari naiba lai ning, nisibo ang khe nai lai lah.
Masainjik ne khrothu
2Khrip jadi ha nisi ang khe wainso song bani odehe, muilo gnang grao dengyaba buthu ang thiba lai ning nisi khah ha deng bani ning ang bakhan khlai du. 3Thikhabo, miyahrao ni bokhro de Krista se, masainjik ni bokhro de boni basai se, odehe Krista ni bokhro de Madai se thihi nisi hamsisi mithi mani ang nangjao du. 4Miyahsa asababo khrothu thu hi Madai biba ja thing, grao sainthiba ja thing; bode jarni bokhro khe se bo laji phnu la ba. 5Thikhabo, masainjik asababo khrothu thuya hi biba ja thing, grao thiba ja thing, bode jarni bokhro khe se laji phnu la ba, bo de khnai lamtho tho sinjaoyaba jang baosi se. 6Masainjik jahi boni bokhro khe phungyayaba de boni khnai khe songthe the khep la thing; thikhabo, masainjik khnai khep ba ja thing, lamtho tho sin ba ja thing, bo jinis lasisi se bani, boni bokhro khe phung la thing. 7Thikhabo, miyahsa de Madai jang baosi se bani, boni bokhro khe bonsi phung ma niya, thikhabo masainjik de miyahsa ni muima khe phnu ma nang du. 8Miyahsa de masainjik ni phrang slamyaba niya, thikhabo masainjik de miyahsa ni phrang slamyaba se. 9Miyahsa de masainjik ne khlai hi slamya, thikhabo masainjik de miyahsa ne khlai hi se slam ba. 10Sorgo ni deglarao lai se bani, masainjik de boni basai ni bakhla ha dongma nang du thihi sin phnu mani khlai hi jarni bokhro khe phung ma nang du. 11Thikhabo, Gabra ha masainjik de miyahsa giri hi dong ba jaya, miyahsa nebo masainjik giri hi dong ba jaya. 12Masainjik khe miyahsa ni phrang slam ba lai jasosi ning, miyahsabo masainjik ni phrang se hajai ba; thikhabo khrip jinisbo Madai ni phrnag baigoyaba gaja se.
13Ning jar ning bisar khlai lah, masainjik jarni bokhro khe phungya hi Madai niha bo biba la jadu na somo? 14Miyahsa khnai glao deng kha de, bonthane khlai hi lasisiyaba se thihi nisi hajai ba ha maipha buyaba khah habo bonsi nisi khe tharmai riya na somo? 15Thikhabo, masainjik khnai glao deng kha de, bo de boni muima se, khnai de phu mane khlai hi se ri ba. 16Asababo ebo grao khe niya lakha bo, ebo jinis hade, jini gede dang mani musi giri, Madai ni longjom buthu habo musi giri.
Gabra ni hor ni makham
(Mt. 26.26-29; Mk. 14.22-25; Lk. 22.14-20)
17Thikhabo, ebo jinis khe slingriyaba buthu ha de nisi khe ang bakhan khlai phuya, nisi bojom jayaba ha hamba ja ba thane hamya se jadao bani. 18Sagangthao ha, longjom lai nisi bojom jaba hatho hatho ha nisi ni bising ha degao laiyaba bo dong re thiyaba grao khe ang khna du; ebo ha ang khasa de lonbo lon du. 19Nisi ni bising ha subung gibiyaba buthu khe bonsi nuphu mani khlai hi, dol gibin gibin dong ma ning. 20Nisi thang hi hathan masi ha githim laiyaba ha nisi jiyaba de Gabra ni hor ni makham ning niya. 21Ji mani bubli bo sophai ba jang khrip subung jar jar ni makham khe nisi jilai la re, odebani se saosi hukrijao hi dong, saosi jakha de baola ja re. 22Snadi ja kha! Jima lingma ni khlai hi nisi jar jarni noh giri na? Niyakha la, Madai ni longjom khe naijiya musibo giriyarao khe nisi laji phnuba na somo? Nisi khe ang bede thi nang kho? Ang nisi khe bede bakhan khlai ma na? Ebo balam hade ang nisi khe bakhan khlai phuya.
23Bede thikhade, ebo grao aniha Gabra ni phrang sophaiyaba khe nisi nebo ang so ri du, olei rem rijao hi dong bani hor ha, Gabra Jisu de hon laha hi, 24khajama ni grao khe thi blai hi, bo sbai dada, Ebo de ani saomang se, nisi ne khlai hi se. Nisi ang khe wainso song mani khlai hi ebo khe dang lai lah, bo odehe thi ba. 25Olei jasosi ning, hor ni makham ji blai hi, bela khebo bo laha hi, Ebo de ani grao khayaba gadain se. Nisi ling ba ha ang khe wainso song mani khlai hi ebo khe dang lai lah, bo odehe thi ba.
26Bo hon khe nisi ji hi, bo bela ha nisi ling ba ha, Gabra phaiphinya si bo thih bani grao khe bai hi ning dong la du. 27Odebani sere jiba gathaya hi hon khe jihi Gabra ni bela ha lingyaba de, Gabra ni saomang jang thijao ni basao ha phap jama se. 28Khrip subung jarkhe nai nai la hi, olei ning hon khe jihi bela ha ling la thing. 29Bokhe jiyaba jang lingyaba de, Gabra ni saomang gibi jang jarkhe baoya khade, jarni basao ha bisar galai mani khlai hi bokhe ji ba ling ba se. 30Ebo ni kharon jang se nisi ni bising ha gabang subung de raoya jahi nisi hamya jahi, gejesi de thih kha. 31Bede thikhade, gibi jang nisi baola kha de, jing bisar khlaijao nang niya mu. 32Bisar khlaijao hi jing dong la khabo, habsao ni subung buthu lai gajai khlaijao hi jing dongya mani khlai hi, Gabra ni sason ha jing dong ba.
33Odebani, ani daphlungrao, nisi ji mani bojom jaba ha, nisi jon lai lah. 34Nisi bojom jayaba ha nisi gajai jaya mani khlai hi, hukri jaokha de jarni noh ha ji la thing. Gibin jinis buthu ha de ang phaiba ha nisi ne ang phnu nang.
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.