MATIO 24 的熱門經文

分享

Mnwə cwəpuŋ jɔmyɔ̌m gɔ sɔ' ghə ŋkhuŋnyə pɑ mimmim cəcɑ̌ pɔmnəŋ; da' gɑ́ mo yə e kaktʉɔ tə ŋkhəm nə miŋ a gɔ sɔ' vɔk.

Pu gɔ sɔ' siŋ Cùŋ pɑpuŋ yəŋ nə Nəfo nthʉm guŋ dzʉ̌ awɛ. A pɑ mkwinthɛ bi pɑ tə pɑ́ pɑ Yudea. Tɑ dzʉ̌ mi.

Po gɔ sɔ' yu' shù, pú piŋ bɑ gɔmnwə nə shù. Po kɑ pwɔk. A puŋ gɑ tsə bɔ təm awɛ, da' gɑ a lə wuŋ bɑ́ nə́ miŋ.

Nə pa' mu' guŋ gɔ sɔ' pɑ lo' yə mu' guŋ. Mu' Nəfo pɑ do' tsyə mu' nəfo; kəya' gɔ sɔ' təm bapbǎp, ba cǎ' cʉ'nyə bapbǎp. Guŋ e bɔ awɛ gɔ sɔ' pɑ́ pɑ nə to' go' nə dzə.

Kɛbəŋ pu cǎ' gɔ sɔ' mi, tə́ mghɔm mə̌ tə gɔ la' mi pɑ.

Nə pa' pɔ̀ tə jɔm gɔ sɔ' lɑ tso tsɑ̌ nə sɔ' pɑ̀ ghɔm gɑ: Myə̀ nə́ bɑ Kristo. Wap gɔ sɔ' ghə pɔ jɔmyɔm hɔ́jyə̀.

Pu gɔ sɔ' nyeŋ wɔ nə gǒ', pɑ zhwətə wɔ, guŋ pɑ́ tə pɑ pɑ Yudea pɑ bɔ wɔ nə tso tsɑ̌. A gɔ sɔ' pɑ po'o pɔ jɔmyɔm pfʉtə́, wap pɑ hɑ nɑ tsǎp wap wap cəcɑ̌ pú pa' mghɛ bo a, piŋ pɑ pɔnyə cəcɑ̌ pú. Mfʉtə mghɔm ghɔm Si gɔ sɔ' təm pɑ́ ghə pɔ jɔmyɔm pi.

Yeso pa' bi pu gɑ: Po pɔmtə gɑ́ ka sɔmmo kɑ̀ ghə po hɔ́jyə̀

A po'o tə̀ ba wɔ yɔ pɑ́ byap nə pa' Mu mo gɔ sɔ' pɑ nə cwə yə po kɑ zhyə a.

Po pɑ̀ di tə́ ti nə pa' po ka zhyə tyɛ'dzʉ́ yə Cyəpɔ gɔ sɔ' sɔ' nə a.

Da' gɑ́ sɔ' m nə tyɛ'dzʉ́ bɔ, ba nə cwə dzʉ̌ bɔ, bɑ sɔmmo ka zhyə́, kɑ pɑ aŋgəle kɛbəŋ, kɑ Mú lɑ́, sɔmmo, tə́ ně da' Tá yʉ̀ dò e.

Nə pa' Kristo nə fʉtə pu a mfʉtə́ mghɔm ghɔm Si gɔ sɔ' təm pɑ ghə mtiŋ pu a msya tə́ shɑ pɔ hɔ məjyə tə́ bɑ mci pɔ̀.

Dəŋdəŋ pa' a lə pɑ nə cwə Noe a, nwə Mu mo gɔ sɔ' pɑ́ pɑ po'o. Nə pa' dəŋdəŋ pa' a lə pɑ nə cwə dzʉ̌ yə dɔmnyə bəŋ mwé lə jɑ tə wɛ dù a, pu pɑ́ dzʉ́, biŋ nwə́, bɑ ŋkho m jwǐ biŋ bɑ hɑ m jwǐ lɔmdyə tə́ ŋkhəm nə tyɛ'dzʉ yə Noe lə kǒ kənu' a, pɔmnəŋ lə pɑwə shɔ́m sɔmywə, tə́ dɔmnyə bəŋ mwé lù ŋkwa wap nə gɔtə awɛ: tyɛ' nə sɔ' Mù mo gɔ sɔ' pɑ̀ po'o.