مَتَّى 24 的熱門經文

分享

الْفَسَالَةْ تِزِيدْ وَ تَبْقَى عَامَّةْ وَ الْمَحَبَّةْ تَبْقَى ضَعِيفَةْ فِي قُلُوبْ نَاسْ كَتِيرِينْ. وَ لَاكِنْ النَّادُمْ الْقَاعِدْ ثَابِتْ لَحَدِّي كُمَالَةْ كُلَّ شَيّءْ، يَنْجَى.

وَ يِبَلُّغُوا بِشَارَةْ مَمْلَكَةْ اللّٰهْ فِي كُلَّ الدُّنْيَا وَ يَشْهَدَوْا لَيْهَا لِكُلَّ الْأُمَمْ وَ بَعَدْ دَا بَسْ، كُمَالَةْ الدُّنْيَا.

وَ تَسْمَعَوْا خَبَرْ هَنَا حُرُوبْ قَرِيبْ وَ حُرُوبْ بَعِيدْ. خُطُّوا بَالْكُو مَا تِبَرْجُلُوا. أَشَانْ دَا، وَاجِبْ يُكُونْ. وَ لَاكِنْ دَا لِسَّاعْ مَا كُمَالَةْ الدُّنْيَا.

نَاسْ هَنَا بَلَدْ وَاحِدَةْ يَهْجُمُوا نَاسْ هَنَا بَلَدْ آخَرَةْ وَ مَمْلَكَةْ تَهْجِمْ مَمْلَكَةْ وَ جُوعْ شَدِيدْ يَنْزِلْ وَ فِي دِيَارْ كَتِيرِينْ يُكُونْ زِلْزَالْ. وَ لَاكِنْ التَّعَبْ دَا مِثِلْ بِدَايَةْ وَجَعْ الطَّلَقَةْ.

السَّمَاءْ وَ الْأَرْض يَبْقَوْا مَا فِيهُمْ وَ لَاكِنْ كَلَامِي يَقْعُدْ دَايْماً.

أَشَانْ نَاسْ كَتِيرِينْ يَجُوا بِأُسْمِي وَ يِحَجُّوا بِنُفُوسْهُمْ وَ يُقُولُوا هُمَّنْ الْمَسِيحْ. وَ يُغُشُّوا نَاسْ كَتِيرِينْ.

«وَ فِي الْوَكِتْ دَا، يِسَلُّمُوكُو لِلنَّاسْ الْيِعَذُّبُوكُو وَ يَكْتُلُوكُو وَ كُلَّ الْأُمَمْ يَكْرَهَوْكُو فِي شَانْ أُسْمِي. وَ مُؤمِنِينْ كَتِيرِينْ يِخَلُّوا الْإِيمَانْ وَ يَكْرَهَوْا أَخْوَانْهُمْ وَ يُخُونُوهُمْ. وَ نَاسْ كَتِيرِينْ يِسَوُّوا نُفُوسْهُمْ أَنْبِيَاء وَ يُغُشُّوا نَاسْ كَتِيرِينْ.

وَ عِيسَى رَدَّ لَيْهُمْ وَ قَالْ: «أَوْعُوا بَالْكُو! مَا تِخَلُّوا نَادُمْ يُغُشُّكُو.

وَ خَلَاصْ، إِنْتُو كُلَ، أَقْعُدُوا جَاهِزِينْ أَشَانْ إِبْن الْإِنْسَانْ يِقَبِّلْ فِي يَوْم الْإِنْتُو مَا تَعَرْفُوهْ.

وَ خَلَاصْ، أَقْعُدُوا وَاعِيِّينْ أَشَانْ إِنْتُو مَا تَعَرْفُوا يَوْم جَيَّةْ رَبُّكُو.

«وَ الشَّيّءْ الْيَبْقَى بَعَدَيْن دَا، نَادُمْ وَاحِدْ مَا يَعَرِفْ يَوْمَهْ وَ لَا سَاعْتَهْ. الْمَلَائِكَةْ فِي السَّمَاوَاتْ كُلَ مَا يَعَرْفُوهْ وَ إِبْن اللّٰهْ مَا يَعَرْفَهْ، إِلَّا أَبُوهْ وِحَيْدَهْ يَعَرْفَهْ.

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ كُبَارْ وَ عَجَايِبْ لَحَدِّي يُغُشُّوا النَّاسْ الْاللّٰهْ عَزَلَاهُمْ، كَنْ دَا مُمْكِنْ.

«وَ حَالَةْ النَّاسْ فِي يَوْم جَيَّةْ إِبْن الْإِنْسَانْ تَبْقَى سَوَا مِثِلْ حَالَةْ النَّاسْ فِي زَمَنْ نُوحْ. وَ فِي الْأَيَّامْ قُبَّالْ الْأَلْمِي مَا يَجِي يَاكُلْهُمْ، هُمَّنْ قَاعِدِينْ يَاكُلُوا وَ يَشَرْبَوْا وَ الرُّجَالْ قَاعِدِينْ يَاخُدُوا عَوِينْ وَ الْعَوِينْ قَاعِدَاتْ يَاخُدَنْ رُجَالْ لَحَدِّي الْيَوْم النُّوحْ دَخَلْ فِي السَّفِينَةْ. وَ أَلْمِي صَبَّ وَ النَّاسْ مَا فِهْمَوْا الشَّيّءْ الْيَبْقَى وَ الْأَلْمِي أَكَلَاهُمْ كُلُّهُمْ. وَ يَبْقَى سَوَا سَوَا مِثِلْ دَا فِي يَوْم جَيَّةْ إِبْن الْإِنْسَانْ.