Isaías 40 的熱門經文

分享

Le'en llundipralle be'nnen llajxaken, na be'nnen bill ndiprallen, llagultipe le'e.

Xte rente bi weo ka' lljachie akrebe, na llajxak akrebe, xte rente ben war ka' llajyal ake', axha be'nn ka' xhenlall Xanllon du tiemp gat yel ndiprall ke ake', na gak ta ake' raw lla kan llun bsia ka', na gak wxhonj ake', na bi lljachie akre, na bi llajxak akre keten ko ake' nez.

¿Axha bi nezro? ¿Bine yenlo? Xanllon, Diozen zoe ke chnare, le'en benee doxhente yell-li'on, bi llajchiere, na bi llajxakre; yel llajnie ke'en naken ke chnare.

To bexne' llusia: Legun xnid to nez ke Xanllon latj dach yu billen le wllixh ke Dios kellon to tnez xhen raw latj dach yu billen.

Yixen llyechen, na yejen llkoaden, axha xtill Dios kellon nzibien ke chnare.

Natell Xanllon wroere yel wak ke'en, na yoyte be'nn nach ka' re akren. Xanllo naksen ba bnee ka'.

Le waslla radj ya' ka' le wayun ya' ka', na raw rum ka' rach, na le wayun latj gan ba nyinjen, na raw ya' xhen ka' to rach xhen.

Ze'e ka to be'nn llap xhir dao ke ll-lise xhirda'o ka' kone xhichje ka' na lldeba llwa lchoe, na llapchie'e xhir dao nor ka' chin bxhanzen.

Le wlis yejraore ka', na le wia le yeban: ¿Nuxha ben doxhente dani cha? Nun lluslas toaj toajen, na yoy akten llalwille'e kan le aken'na. Daxhen nak yelwak ke'en, na yel ndiprall ke'en na ni tich aken bi llden ka'ze.

Diozen llie'e kull yeban dan nasj yell-li'on, na llrere be'nn nach ka' ke bich soa ake'. Le llchirje yeban ka to rall, ll-lisen ka to yo' ga llzoe chull.

to wallajlluteze le wne' be'nn ka' lla' Jerusalén'na na leye ake' bill gak ake' be'nn wen xchin be'nn ga llsakzi ake' le ake', le ba bdixhje'e dol ke'e ka', na ba bxhie ke lo tak Xanllon chop kuenre yel llsakzi ke yoyte daxhinj ke ka'.

To bexne' nee: Besia, na, nada' llnaba: ¿Bixha dan gusia? Yoyte be'nn nach ka' nak ake' ka to yix, ke to yej da llarj lix. Yixen llyechen, na yejen llkoaden keten bich ke Xanllon llden rawen. Daliyan be'nn nach ka' nak ake' ka yix.

Za' Xanllon konen yelwak, na wnebie'e kone xhichje waren. Zanchete yell ke'en kan bayull basre le aken.

Dios keren nee: Lewayunxhenlall, lewayunxhenlall yell kian

¿Nuxha ba bllix nista'on konen lo taken, o cha bwiasake kone xbene ka' ke tonen nllirj le yeban? Nuxha ba bllix doxhente yu bichten de raw yell-li'on, o cha ba bllixe'e kone xgons rum ka', na ya' ka'? Nuxha ba bago nez Xanllon o cha nuxha ba gull le'e gakren de gunee? ¿Nuxha ba be le'e di'll da llzejnie, na yel sin?. ¿Nuxha ba broere le'e gunee yel korchis da zajze lixhaj? ¿Nuxha ba broere le yel llajnien? ¿Nuxha ba broere le'e kan nak yel sin'na cha?